يالله الرياض من زمان ..............!!! - نادي الهلال السعودي - شبكة الزعيم

ولد وايل · #1 14/04/2005, 01:58 PM

[align=center]بسم الله الرحمن الرحيم

مسيكم بالخير يالربع هذي صور لمدينة الرياض عام الف واربعميه ودرج قصدي خشبه
وصلتني على الايميل وهي بصراحة سنه 1960-1961

شوفوا الفرق بين المحطات بس الحين واول

اقدم مافي هالصورة الرجال اللي فيها

كبسوله قديم

صورة مع التحيه لوزاره المواصلات مدري اللي يهمه الامر ,,,, منظر المياة بالشوارع مازلنا نشوفه من اكثر من اربعين سنه ,,,,, بس انا اعجبن راعي السياره اللي ماطق خبر لااحد واقف في نص الطريق ويغسل موتره

فور سيزن من اول

حراج مصغر على مااظن

شانزليزيه الرياض قديما

الله يالدنيا العالم اول ماتطلع الا بالبشوت والحين كلن يبي يفتك من الثوب الله يخلف

الله الفرق بينه وبين مقهى المساء

اتمنى ان الموضوع يعجبكم

تحياتي[/align]

CuTe_NaJeD · #2 14/04/2005, 02:02 PM

مشكوور ولد وايل على الصور

ياخي اول تحس انهم عايشين

اما الحين

واحد زاحف · #3 14/04/2005, 02:05 PM

[align=center]

ذكرتني بالافلام راعين الهارلي اللي يتكون ( حقون المشاكل ههههههههه )

الله يرجك ياولد وايل

ياهي ازمان اول

( مسوي متكي معهم

)[/align]

قرقاص · #4 14/04/2005, 02:18 PM

هلا بولد وايل

يازين الرياض ذيك اليام مافيها زحمة ابد

كازينو ؟؟ شكلهم كانوا متأثرين بالأفلام المصريه

هذا مصنع بيبسي كان اصله كندي ولازال هذا المبنىموجود وبنفس اللوحة على شارع الجامعة!!!

لوحة مميزة · #5 14/04/2005, 03:31 PM

[align=center]تدرون وش الغريب بهالصور

دقة الكميرا قوية ..!

تسلممممممم ولد وايل على الصور

[/align]

مجنون سام · #6 14/04/2005, 03:43 PM

الله

الله

وش هالصووور

المغبرررة

بس

تسلم

يالغالي

ولد وايل · #7 14/04/2005, 05:47 PM

[align=center]

إقتباس


	CuTe_NaJeD مشكوور ولد وايل على الصور ياخي اول تحس انهم عايشين اما الحين

ولله انك صادق اول يازينها مع اني ماعشت فيها لكن احس انها اول مثل القرى الحين
هدوء من بعد صلاة العشاء ماتلقى احد

عموما شاكر لمرورك ياغالي

إقتباس


	واحد زاحف ذكرتني بالافلام راعين الهارلي اللي يتكون ( حقون المشاكل ههههههههه ) الله يرجك ياولد وايل ياهي ازمان اول ( مسوي متكي معهم

شاكر لمرووووووووووووورك يابطل

إقتباس


	قرقاص هلا بولد وايل يازين الرياض ذيك اليام مافيها زحمة ابد

يلله حي قرقاص مدري شبث بفتح الباء

مير ماهي عايقه على الزحمه ياخي من الصور تحس في هدووووووووء عنهم اول

إقتباس


	كازينو ؟؟ شكلهم كانوا متأثرين بالأفلام المصريه

ماتلاحظ كلمة كازينو ماتنفع في الرياض

إقتباس


	هذا مصنع بيبسي كان اصله كندي ولازال هذا المبنىموجود وبنفس اللوحة على شارع الجامعة!!!

وانا اقول ماهو غريب علي الشارع

شاكر لمرورك ياقرقاص

إقتباس


	لوحة مميزه تدرون وش الغريب بهالصور دقة الكميرا قوية ..! تسلممممممم ولد وايل على الصور

اي والله انك صادق حتى انا مستغرب
المهم شرفتن بمرورك ياحلو

إقتباس


	مجنون سام الله الله وش هالصووور المغبرررة بس تسلم يالغالي

مصير الفيصليه تصير مغبرة لعيال عيالك ان شاء الله
شاكر لمروووووووووووووووورك ياحلو

تحياتي وشاكر ومقدر لتشريفكم

[/align]

الهلالي المرعب · #8 14/04/2005, 09:52 PM

ولد وايل انت قاهرك الي يغسل سيارته بنص الشارع
انا قاهرني الي قاعد(يستب كفرسيكله) :p :p :p

بس يعطيك لون السيارةموصاحي الأورجواني

الف شكر لك

هلالي وان جار الزمن · #9 15/04/2005, 08:26 AM

[align=center]يعطيك الف عافية يا أبومنصور

يا الله صور روووووووووووووووعة

أبومنصور وش نوع جوالك

<< مبسوط من وضوح الصور

.........

شباب الشارع اللي في الصورة هذي وشو بالضبط :

[/align]

ولد وايل · #10 15/04/2005, 02:19 PM

[align=center]

إقتباس


	الهلالي المرعب ولد وايل انت قاهرك الي يغسل سيارته بنص الشارع انا قاهرني الي قاعد(يستب كفرسيكله) بس يعطيك لون السيارةموصاحي الأورجواني الف شكر لك

الله يرجك يابو حميد
شاكر لمرورك ياغالي شرفتن يادرج << مافيه تناسق ابد

إقتباس


	هلالي وان جار الزمن يعطيك الف عافية يا أبومنصور يا الله صور روووووووووووووووعة أبومنصور وش نوع جوالك << مبسوط من وضوح الصور ......... شباب الشارع اللي في الصورة هذي وشو بالضبط

يلله حي ابو ريان اللي ماهوب عاجبن هالايام
شرفتن بمروووووووووووورك ياحلو بعدين يادرج ماهو انا اللي مصور وش قالوا لك تسعيني
وينا فيه يابو ريان المشكله اني داري انك غبي بس ماهو للدرجه ذي

والله استعدتني بمرووووووووووووورك وبالنسبه لسؤالك فهو اكيد شارع يعني وش بيكون يوم انك تقول بالضبط

تحياتي للجميع [/align]

الفيروسه الزرقاء · #11 15/04/2005, 02:51 PM

[align=center]
يسلموووو خيو ع هيك موضوع حلووو .. والله يخليني لمدينتي ويخليها لي

،،،

- تم حفظ الصور -

الفيروسه الزرقاء

[/align]

abo-15-yaqob · #12 15/04/2005, 02:58 PM

عمااااااااااااااااااااااااار يالرياض ,,,

سقى الله ذيك الايام وسقى الله ايامنا ,,,

صدقتوا يا شباب تحس انهم عايشين بهدوء وروقان ونياتهم صافيه ,,,

بس تصدقون للحين ما نيب مصدق انه كان فيه ابو هنوود ذيك الايام كني شفت صوره فيها ابو هنود او لا......

اما بالنسبه للشارع يا ابو ريان انا مادري بالضبط لكن انا اتوقع انه شارع الوزارات مع امتداد المطار القديم وانا مو متاكد ,,,

الله يعطيك الف عافيه اخوي ولد وايل على هالذكريات الجميله ,,,

ولد وايل · #13 17/04/2005, 06:55 PM

[align=center]

إقتباس


	الفيروسه الزرقاء يسلموووو خيو ع هيك موضوع حلووو .. والله يخليني لمدينتي ويخليها لي ،،، - تم حفظ الصور

الله مير يسلمك خيتو<<< شف الفرق بين مير وبين خيتو

,,,, شرفتين بالمرور والله يخليكم انتي والرياض لبعض

بعدين هيه من قالك تحفظين الصور ,,, ماتدرين ان الحقوق محفوظه ,,, يلله خلاص سامحتك

إقتباس


	abo-15-yaqob عمااااااااااااااااااااااااار يالرياض ,,, سقى الله ذيك الايام وسقى الله ايامنا ,,, صدقتوا يا شباب تحس انهم عايشين بهدوء وروقان ونياتهم صافيه ,,, بس تصدقون للحين ما نيب مصدق انه كان فيه ابو هنوود ذيك الايام كني شفت صوره فيها ابو هنود او لا...... اما بالنسبه للشارع يا ابو ريان انا مادري بالضبط لكن انا اتوقع انه شارع الوزارات مع امتداد المطار القديم وانا مو متاكد ,,, الله يعطيك الف عافيه اخوي ولد وايل على هالذكريات الجميله ,,,

حياااااااااااااااك الله يابو يعقوب شرفتن بالمرور ياحلو
بعدين الظاهر والله اعلم ان الهنود محاربين مع الملك عبدالعزيز بالرياض

تحياتي للجميع[/align]

أبـوكـــادي · #14 17/04/2005, 07:25 PM

كل الصور رهيبه .... ذكرتني فيما مضى

بس صورة

ما ادري ليه من اول كتبون بالعربي
الظاهر توه ماوصلنا الانجليزي

بس هذي اللي لحال

يمكنه ذكاء زايد

ما درى انه اول مايحرك ... راح يخرب كل اللي سواه

بس ابو سيكل .......... حشاش
شكله كان مطفر

الحمد لله على النعمه

ومشكور