اذا صح هذا الخبر!!! فاغلاق القناة الرياضية أفضل !! - صفحة رقم 3 - نادي الهلال السعودي - شبكة الزعيم

فورزا · #31 22/04/2005, 12:06 PM

[align=right]كلام صحيح ولعلمكم كذا قناه رياضيه تنافس على اخذ حقوق الدوري منها ابو ظبي الرياضيه حسب ماقريت بتصريح مديرها [/align] [align=right]وتعتبر خطوه صح من الامير سلطان وراح تنتعش الفرق ماليا ونشوف المدرجات مليانه بالجماهير وهذا المطلوب[/align] [align=right]اما بخصوص قناتنا لاتقفل ولايحزنون عادى تنقل من البطولات اللى تقدر تاخذ حقوقها رغم ان القناه يبي لها شغل كثير كفايه ان فيها معلقين من افضل المعلقين اللى موجودين على الساحه واخص بالذكر عبدالله الحربي وفهد الحريبين على ماظن [/align]

كاكاو · #32 25/04/2005, 10:53 PM

يا رب تتشفر والله تنحل مشاكل الانديه

ويزيد الحضور الجماهيري للملعب

ونفتك من الاستديو التحليلي الممل في القناة الرياضيه

المهســــHYــــــتره · #33 29/04/2005, 04:14 AM

على كذا احنا ماراح نشوف الدوري ..فاتمنى انهم مايسوونها

سبت العلاية · #34 30/04/2005, 02:52 PM

لا لا يحطون برناج البادية اصرف لهم

قرقاص · #35 01/05/2005, 11:57 PM

شكرا للجميع

كاكاو · #36 08/05/2005, 04:23 AM

ابشركم رفضوا العرض

ويالله لازم نعيش على التبرعات من اعضاء الشرف

وعلى اخراج قناتنا الحبيبه ومعلقينها المملوحين

مدور الزله · #37 09/05/2005, 05:41 PM

المشجع الكبير]اذا صار كذا
يقفلونها احسن

نور البدر · #38 14/05/2005, 10:24 AM

بكل صراحة إن الرياضة في كل الدول تتقدم وتقدم لها السبل لتتطور إلا لدينا , وما التشفير هذا إلا واحد من معوقات التطور الرياضي , مالفائدة من جمع المادة والحضور الجماهيري أغلقت في وجهه كل السبل أولها سعر التذاكر المبالغ فيه لدينا واليوم يريدون تضييق الخناق على من بقي من الجماهير بالتشفير الذي ليس له مبرر , وليس غريباً إذا تم هذا لن يعرف الجيل القادم أي إسم من أسماء الأندية السعودية , كما ستزيد إقبال الشباب على المنتزهات والمقاهي وهذه من أكبر السلبيات التي ستواجه المسئولين ولايخفى على الجميع ماعشناه من معاناه في تجارب مثل هذه ولازلنا نعاني منها على المستوى العام .

زاجالوا55 · #39 14/05/2005, 03:47 PM

إقتباس

الرسالة الأصلية كتبت بواسطة ..][ فـهـد ][..


	كذا أحسن صراحه بس لو يخربونها ويحتكرون الدوري الأيطالي تصير احسن قناة

يا سلااااااااااااااااااااااااااااااااااااااااااااااام والله تطلع القناة أحسن قناة في العالم

فكرة رائعه يا فهد

ابو نصره · #40 15/05/2005, 03:53 AM

التشفير أحسن بس Art بصراحة ما ودنا الرياضية السعودية أحسن منها

أما بالنسبة للقناة الرياضية السعودية خلها تنقل مباريات الدرجة الأولى والالعاب المختلفه

بصراحة حنا ما نعرف عنها شي

iNtErIsTa · #41 16/05/2005, 06:12 AM

إقتباس

الرسالة الأصلية كتبت بواسطة هلالي$الدمام


	بلعكس فكره جميله جدا تساهم في دعم الاندية . ياجماعة الخير الجمهور مايحضر المباريات ووزارة المالية جالس تخفض الاعانة السنوية وحقوق الحكام من 6 سنوات ماستلموا والاتحدا السعودي لكرة القدم عللليه الكثير من الالتزامات فاعتقد اذا ماتصرف الامير سلطان هذا التصرف فهو تصرف سليم الاندية ياجماعة الخير تشتكي من الديون وشركة الكهرباء قبل يومين تهدد بفص التيار عن بعض المنشات الرياضية لعدم تستديد الالتزمات ا لمادية المترتبة من عام 1419 ه . بكل بساطه اتمنى يكون ذالك كل نادي سيحصل على 10 مليون والله مبلغ ممتاز وستزيد الندية بين الاندية وسيعود الدوري الى سابق عهده اقوى دوري عربي.

[align=center]والله اختصار لما كنت بقولة كلامك اخوي يدل على وعي وثقافه

ياليت يتم التشفير علشان يكون دعم للأنديه سواء من القنوات الناقله او منا كحضور للملعب وبهذا مايكون عندنا عذر عدم حضور المباريات

بس ياليت أوربت تنقله بدل الآي ارت تي لانه اوربت نقل متعوب عليه ويستاهلون

اما قناة خذنى جيتك جعلها ماتنقل

والقناة الثالثه خلوها تنقل ريفر بليت وبوكا جونيز

[/align]

عزوز الحامد · #42 16/05/2005, 06:24 PM

وشو له فاتحينها اجل

تقفل احسن

هلالي44 · #43 19/05/2005, 11:58 PM

راح يتطور الدوري السعودي تطور كبير صدقوني

زكريا10 · #44 21/05/2005, 03:28 PM

الله يرحم والديك ويش مستفيدين من هالقناة غير هالدوري .
اباقوللك شي في تاريخ 11ربيع الأول 1426ه مباراة الخليج والأهلي دور الأربعة من كأس الإتحاد السعودي لكرة اليد ما نقلت تلفزيونيا وفي نفس توقيت المباراة جايبة القناة مباراة كرة ماء على الهواء مباشرة.
والله قهر.

الهـ محمد ـلالي · #45 26/05/2005, 04:33 AM

وش لون يقفلونها وهي اصلا مقفله من اول ما بدت

قناة تفتح خمس ساعات بس وتسكر بالله هذي قناة ولا صيدليه في مستشفى حكومي

قولو يسكونها قولو

قناة رياضيه

الهـ محمد ـلالي