[align=center][align=center]

واحد زاحف از باك بعد غيبه شهور

قلت اجي وامحط هالموضوع واللي صار في الرياض وماحد غطاه الا انا ( سبق صحفي )

طبعا ً منذ مده عن المواضيع وقلت خلني اهرول شوي واحمي وانزل كم رد ( اخلص بس )

بعد البربسه [/align]

[align=center]اليكـــــــــــــــــــــــــــــــــم الموضـــــــــــــــــــــــــــــــــــــــــــــــوع . . [/align]

[align=center]استاد الصابون الدولي . . stadium of the international soap [/align]



مكونات الملعب :
تتكون طبختنا من . . :
1- مكينه نفخ هوا طبعا نشبكها بالكهربا :p
2- اسفنج تحته ( عشان ماتروح عظامكم سدى )
3- شامبو ولا صابون ( يفضل شامبو نونو ) ..>> تراهم دافعين لي حق الدعايه
4- شباب بايعين انفسهم وقبلها بايعين اجسامهم
5- كوره >> ترا جد :sad:
6- اتركي النار هادئه لمده ربع ساعه ( خش جو وربي حسيت كأني شيف رمزي )



[align=center]قوانين صابونيه :
1- اليد مسموحه في الحالات الطارئه فقد . .
2- انبرش على الي تبي حتى لو مامعه كوره
3-ممنوع تقول ناول
4-اذا دخلت هدف لازم تطيح وتفرح . . ولا يلغى الهدف . .
5-مافي كروت وخذ راحتك يعني
6-يمنع الشعر الطويل خوفا ً من استهلاكه للشامبو . .
7-اللي تبيه سوه سوه ياتركي سوه ( ترا مايسمع رابح ) وتوا النهار توه ! . .[/align]



[align=center]نبذه عن الملعب :
تم تشيد هذا الملعب في عام 1425 هـ في ايام امس وقبلها والي قبل قبلها فقط
ويتسع الملعب ل14 لاعب بالكثير ذوي الحجم العالي
وللي يبي يحمي نصيحه لايحمي بوسط الملعب مثلي
والمدرب والحيطه دبروا لكم صرفه
ويتسع هذا الملعب لعشرطعش متفرج عشره هنا وطعش في الجهه الثانيه [/align]



[align=center]
مميزات الملعب :
1- يوجد به ملعب للعب الكوره
2- يتصفط ونسحب الهوا اللي فيه ونفيد مناخ الرياض بهذا الهواء العليل ( الله من ضحاله المخ )
3- اذا زلقت لاتخاف على لبسك تراه موب ثيل يقعد يوصخ لا تراه ينظف اكثر واكثر واكثر
4- يوجد به اكثر من ميزه فيه وهي انك تلعب وتفلها . . انك تعود جسمك على الزلقات وهكذا يقوى الجسم ( على النظام السعودي ) . . انك تنظف نفسك وملابسك وانت تلعب . .
انك تعود نفسك اذا زكمت ولاشي تكون متأهبه المناعه عندك . . . .
5-ان الملعب يوجد به مرامي جاهزه . .
6-كان ودك تطق خيمه بوه تراها مهب شينه ابد [/align]



[align=center]لقاءات للتاريخ : [/align]

[align=center]تم لعب عدد (2) مباراتان على هذا الملعب ( الا عربي فصحى ! ) [/align]

[align=center]اللقاء الاول / [/align]


[align=center]المباراه الاولى كانت بقياده الكابتن واحد زاحف القائد المحنك الخبير في ملاعب الصابون
ويعتبر اول قائد يصفط على اول ملعب صابوني اخترع في عام 10 فقاعه
وهو من المحنكين في هذا المجال . .

وكان فريق الخصم بقياده الجرثومه الهموثجرا العفنه

كان اللقاء من شوطين ( حلوه من شوطين ولا ؟ احس كأني جايب خبر جديد )

كل شوط من 10 اهداف فقاعيه صابونيه

فزنا بالشوط الاول 10 - 7 سجل واحد زاحف 8 اهداف
والهدفين المتبقيه دخلت على النيه

وبعد مابدلنا المرامي

بدء الشوط الثاني وانتهى الشوط الاول ( لحسه )

وانتهى الشوط الثاني وقتها ( سريع سريع )

وفاز فريق واحد زاحف بنتيجه قوامها 10 - 9 لنا

وسجل واحد زاحف 4 اهداف واصبح الهداف لدوره تايد للغسيل معها كلش مافيش مستحيل !

والباقي سجلها زملاؤه في الفريق ( يبي هو اللي يصير البطل اللي مايموت في النهايه ( سلامات ؟ ابد مافيني الا الخير طيب كمل خلاص ابشر ) وبس هم اللي سجلوها . )[/align]




[align=center]اللقاء الثاني / [/align]


[align=center]
تم لعب هذه المباراه في نفس الملعب ! قل قسم طيب بقول قلت ولله ( عادي لاتشرهون )

الفريق الاول بقياده واحد زاحف قاهر العفن والجراثيم

الفريق الثاني بقياده المجرثومه المتجرثمه الغباريه ( عادي ترا اسمه اطول قبل الدبلجه )

وكان فريق واحد زاحف قد عانى الكثير والكثير وذلك من صفطات وانبراشات ادت الى اضعاف

فريقه بشكل مقصود للأسف

وانتى الشوط الاول غباريا ً بنتيجه 10 - 7

وفي هذه المباراه كنت اصنع الاهداف بعد ماخذت حقي من الشهره الاعلاميه

ولكن الضغوطات من رئيس فريقي وحارسه والطباخ والسواق واعضاء الشرف حالت دون ذلك

ورجعوني هجوم في الشوط الثاني وعنادا ً بهم سجلت هدفين على مرماي

و نص هدف على مرماهم ( يعني مشت على خط المرمى ثم هونت على نيتها )

وانتهى هذا الشوط الثاني بفوزهم مره اخرى بنتيجه 10 - 1 (ترا الاهداف اللي سجلتها تحسب لهم الظاهر ) [/align]




[align=center]من عند طعش ومن عند عشره : [/align]

[align=center]تم توافد عدد لا بأس به من الجماهير لتسلم على واحد زاحف ( موضوعي وقلت استغل الفرصه )

حضرت الجماهير بكثافه ورددت زاحف زاحف هو هو بس كان في بزر حطمني وقال تفو تفو
>> والله مدري من البزر

وبس [/align]


[align=center]الختام . .

كان معكم مراسلكم ولاعبكم المتميز

واحد زاحف

وعشاني احبكم واعزكم جبت لكم لقطات فيديو صامته

وترا اللي يسولفون انا موب معهم انا صوتي احلى من كذا ( مشكله ولد بيتهوفن )
تفضلوا الفيديوات :

ملعب الصابون الدولي 1

ملعب الصابون الدولي 2

واحب ان اهدي هذا الموضوع لجرثومه واقوله اياني واياك تقعد تمزح معي فاهم

وحبيت اشكركم على حسن المطالعه

تحيات مراسلكم في ذاك الملعب \ واحد زاحف [/align][/align]