#1  
قديم 09/04/2005, 01:18 PM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418
كيــفـــيـــات!!

[align=center]


أهلا وسهلا بالجميع

:: وسعوا الملعب وزين العذارى في وصول ::

تخيل لما تكون في دوامك او في كليتك او في مدرستك وتحس انك قاعد في صالة افراحيمكن تتقبل الوضع وتقول زيران تجي وتروح:p لكن قمة الوقاحة والانحطاط لما تشوف بنات منقبات مو لابسين نقاباتهم في مكان فيه رجاللا ووحده منهم قاطه النقاب والملفع وبنت الحلال فلت الشعر بعد.رفيجاتها يغنون ويطبلون على الطاولة وهي ترقص
طبعا هذي الاحداث صارت في الكافتيريا..المصيبة ان هندي ستار بكس وراهم بالضبط وقبالهم هندي باسكن روبنز هذا غير مشرفين البوفيه اللي رايحين رادين في الكافتييريا
اللي منرفزني شغلتين..الاولى فيه قسم للمنقبات في الكافتيريا ليش ما ذلفوا هناك!!
وليش الاخت متنقبة ومتحجبةوالله لو تقطينه ابرك



:: من يكون ::



شرايكم فيني:p اعرف ارسم صح؟ المهم من هو صاحبنا اللي تشوفونه:p بعدين اعلمكم انا شلون صرت مبدعة





:: مناهجنا الله بالخير ::

طبعا الصورة اللي تشوفونها من المنهج الاماراتي لصف رابعه ثانوي المهم جيل رابعه ثانوي الحين عندنا في الكويت درس المنهج الاماراتي من الابتدائي وتدرج فيه الى ان وصل الى الثانوية انا على ايامي >> احلى يالكبيرة >>كنت ادرس منهج لونج مان
الزبدة مناهجنا قديمة ومغبرة وما ادري متى بتواكب التطورات



ركزوا في السؤال الثالث والرابع :p ومنا الى الامانة العامة لمجلس التعاون الخليجي تكفون شوفوا لنا حل




:: احساس ::

~ ول ياوقت ~

ول يــــــا وقـــــتٍ ..
صــــفــــعـــنـــا
وش بــــــعــــــد ..
مــــــوت الــشــعـور
مــا رسـمـتك.. لــي مـسافه
و لا تنفستك حضور و لآبصدقتك ..
إنـــفـــجـــعـــنــا
ول يــــــا وقـــــتٍ ..
صــــفــــعـــنـــا


~ بحور الاماني ~

سافرنا في بحور الأماني
كان الوفا شراع السفينه
وعيوننا تسهر .. تعاني
تبحث عن أنوار المدينه
وتـدرين يا عمري أنا
حـنا انـخلقنا لـلفراق
حـنا تـذوقنا الـفراق
وعـانينا مـر الأشتياق


لصدى الحرمان الله يرحمها


:: كيفي كويتية::

احب هالقصيدة وهي لعلي مساعد:p وبصراحه ما ادري انا قد نزلتها في المنتدى من قبل ولا لأ >>والله وكبرتي ياكيفي

حرقتي اعصاب اعصابي دخيل الله
جنون وغيره علي هالحال يوميه
لامن زعلتي قلبتي عالمي كله
واعيوب خلق الله اتحطينها فيه؟
ولامن رضيتي تناديني هلا والله
دنياي عقبك علي مساعد رماديه
اكيد بك شي او تشكين من عله
لامستحيل انتي انسانه طبيعيه
ياليلي الليل لاشفتي علي زله..
ساعتهاا اكره حياه الناس مو ليه
طلعتي الشيب براسي قبل حله ..
انا اصبغ الشيب وانتي توك ابنيه
قلبك اعرفه ضعيف يخاف من ضله..
لاكن معي تركبك مليون جنيه
يانااس دربي عجزت القااه وادله..
البنت ماهي طبيعيه خيااليه
لا قلت وشفيه عقلك صابته خله..
قالت وهي تلتفت كيفي كويتيه



:: عاشت القدوة .. مربية الاجيال::

تقولي اختي ان ابلتهم العربي خذتهم من حصة الالعاب وقالت لهم يطلعون ورقة ويكتبون كل اللي تكتبه هي على اللوحولما خلصوا وكتبوا قالت لهم ترى الموجه بيجي الحصة الجايةوكل وحده تحط الورقة في الدرج عشان الموجه ما يشوفها وقالت لهم ابيكم تشاركون من الورقة وابي كل الصف يرفع ايده
تحية تقدير واحترام لهذه المدرسة اللي خايفة على تقديرها:p ومنا الى وزارات التربية بدول الخليج>>شكو الخليج>> ترى العلة فيكم اولا واخيرا وهذي نتيجة تخباطتكم يامعالي الوزير!!



:: خارج منطقة التغطية::

قبل يوم كنت ناشبة في منتدى المنتخب السعودي كانو المشرفين يرابطون هناك:p ويحذفون ويعدلون اي رد فيه اساءة للكويتلكن الفترة الاخيرة صرت افضل القراءة على المشاركة بس اشوف الربع طبوا فينا طب




ملاحظة اخيرة: ما ادري فيه احد داعي علي من يوم الاربعاء وانا كل ماجيت بضغط على زر ارسال الموضوع يطير كل شييوم الاربعاء مرة ويوم الخميس واليوم الصبح بعد


تحياتي للجميع بلا استثناء



[/align]
اضافة رد مع اقتباس
  #2  
قديم 09/04/2005, 01:33 PM
موقوف
تاريخ التسجيل: 31/07/2002
المكان: المملكة العربية السعودية ..
مشاركات: 759
أهلا وسهلا بالغالية .. العجوووووز (( كيفي كويتية )) !!!!!



لا تزعلين , هذا ما استنتجته من أسلوب كلامك ..



راجعلك إن شاء الله .. مواضيع (( الشخصيات )) الكبيرة تبي دراسة



ما تبي أي رد !!!!!!!


على العموم صاحب الصورة هو صاحب هذين البيتين :


أصلاً لو إن بخوّتي شئ ينعاب
ذبحت نفسي قبل لا يذبحوني

أنا يدي لو ما كست متني ثياب
نذرٍ علي لقطع يدي من متوني



تحيتي يالغالية .
اضافة رد مع اقتباس
  #3  
قديم 09/04/2005, 02:04 PM
زعيــم مميــز
تاريخ التسجيل: 27/11/2003
المكان: KSA
مشاركات: 2,477
مشكورة اختي كيفي على هالموضوع

وبصراحة نرفزني موضوع المنقبة الي ترقص هذي لو عندنا كان مع شعرها مسكوها
وعلى القسم او المخفر
ومن ناحية منتدى المنتخب السعودي تأكدي اختي انه اي اهانات على الكويت مايقولها الا مراهقين
مافيه عاقل يتكلم بهالطريقة واسفين نيابة عنهم
تحياتي

فهد
اضافة رد مع اقتباس
  #4  
قديم 09/04/2005, 02:18 PM
الصورة الرمزية الخاصة بـ دبــل كيــك
زعيــم مميــز
تاريخ التسجيل: 02/12/2003
مشاركات: 3,453
يعطيك ألف عافية على الموضوع الرااااااااااائع .........


أما الأمـانة العـامة لمجلـس التعـاون الخليـجـي ،،،

فأحسـن شي قدرت تسويه .....


هو برنـامــج سـلامتـك وافتـح ياسـمســم ...!!!


وياليتـها واصـلــت بعـــد !!!


((يقـولـون مـن شــاف مصيبــة غيــره هانـت عليــه مصيبـته .....))

أجـل لو درسـتي مـناهـجـنا ؟؟

الابتـدائيــة سـت سنيــن .....

طـلــعــت منـــها أعــرف أرســم البـطـــة عـن طريـق حـرف اليــاء
وطـلـعـت منــها ببدلــة وزارة المـعــارف أم سحــاب ...!!!

والصــورة هو شــاعرنــا الكبيــر حــامد زيــد

بالنسبـة للملاحظــة الأخيــرة
أعتقد ان وجووودك خـاارج نطـااق التغطــية وضـعـك في موقـف تســلل
وكل مابغيـتــي ترسـليــن رفــع رجــل الخــط الرايــة

مع تمنيــاتي لك بالتوفيــق ،،،،،،
اضافة رد مع اقتباس
  #5  
قديم 09/04/2005, 02:39 PM
زعيــم فعــال
تاريخ التسجيل: 05/12/2004
مشاركات: 410
.
..
...

مشكووووووووور أختي كيفي على هالكيفيات


وبالنسبة للمنقبة أثبتت أن العيب مو في النقاب
العيب في إللي تلبس النقاب وهي مو قده

وعلى فكرة واضح أنك معجبة كثير بالشاعر حامد زيد العازمي


سلملم
اضافة رد مع اقتباس
  #6  
قديم 09/04/2005, 02:44 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
[align=center]هلا كويتية كيفي

إقتباس
لكن قمة الوقاحة والانحطاط لما تشوف بنات منقبات مو لابسين نقاباتهم في مكان فيه رجاللا ووحده منهم قاطه النقاب والملفع وبنت الحلال فلت الشعر بعد.رفيجاتها يغنون ويطبلون على الطاولة وهي ترقص

في زمن العجااائب كل شئ جاااااااااااائز !!

إقتباس
:: من يكون ::

يقولوووووووووون انه قنبلة الشعر ;)

اما من ناحية الرسم !! طبق الأصل اما عاااااااااااد ذي رسمة

<<< جاااااااااب العيد في البنت


إقتباس
:: مناهجنا الله بالخير ::

اجل لو تشوووووفين مناهجنا !! قسم بــ الله تهوووووون مناهجكم !!

ومثل مااا قاااااااااالوا .. من شااااف مناااهج غيره هااااااااانت عليه مناااااااهجه


إقتباس
:: عاشت القدوة .. مربية الاجيال::

لا تــعـــلــــيــــق !!

ويااااااااااااااااااااااااااكثرهم اللي مثل هـــذي !!


إقتباس
:: خارج منطقة التغطية::

طيب ليه ما طبيتي انتي فيهم بعد !!

<<< يبيها تتوقف


إقتباس
ملاحظة اخيرة: ما ادري فيه احد داعي علي من يوم الاربعاء وانا كل ماجيت بضغط على زر ارسال الموضوع يطير كل شييوم الاربعاء مرة ويوم الخميس واليوم الصبح بعد

تصدقين اثر مهوب بس انا اللي مااااا ابيك حتى المنتدى


تحياتي لتس .. [/align]
اضافة رد مع اقتباس
  #7  
قديم 09/04/2005, 02:49 PM
زعيــم مميــز
تاريخ التسجيل: 11/12/2004
المكان: السعودية - الرياض
مشاركات: 1,659
إقتباس
الرسالة الأصلية كتبت بواسطة كيفي كويتية
[align=center]
ووحده منهم قاطه النقاب والملفع وبنت الحلال فلت الشعر بعد.رفيجاتها يغنون ويطبلون على الطاولة وهي ترقص
طبعا هذي الاحداث صارت في الكافتيريا..[/align]

[align=center]الله يهديهم بس ناس ماتستحي
رقص وفي مكان عام لاحول
والصورة يقولون أنهــا لحامد زيد
ولا عندك غير هالتوقع

ثانكس كيفي
[/align]
اضافة رد مع اقتباس
  #8  
قديم 09/04/2005, 03:34 PM
مشرف سابق بمنتدى المجلس العام
تاريخ التسجيل: 02/12/2001
المكان: حيث الأمل
مشاركات: 5,600
[align=justify]أهلاً أم صخر ..

أنت تقولين "....تخيل لما تكون في دوامك او في كليتك او في مدرستك وتحس انك قاعد .... الخ "

بالله عليكِ كيف نتخيل هذا . و هَبَي أنني تخيلت و تطور التخيل الى تمتمة بصوت عال ، من أين أذهب أنا من أم عبدالله؟ قولي مثلاً : ممنوع تخيل الرجال ، على نسق ممنوع دخول الرجال. لكن أن تتركينها هكذا فهي إلقاء بالنفس الى التهلكة . أنفس الرجال المساكين طبعاً.

آه منكن معشر النساء ... فكيدكن عظيم ...[/align]
اضافة رد مع اقتباس
  #9  
قديم 09/04/2005, 05:09 PM
الصورة الرمزية الخاصة بـ واحد زاحف
زعيــم مميــز
تاريخ التسجيل: 30/01/2004
المكان: الرياض >><< ريدنق
مشاركات: 3,566
[align=center]

كيفيات خفيف ومواضيع رائعه

وبصراحه يكيف الواحد على كيفيات

يعطيك العافيه كيفي

روعه [/align]
اضافة رد مع اقتباس
  #10  
قديم 09/04/2005, 08:50 PM
زعيــم مميــز
تاريخ التسجيل: 13/10/2003
المكان: ¨¨¨°~*§¦§DXB §¦§*~°¨¨¨
مشاركات: 2,504
Cool

[align=center]هلا و الله كيفي

إقتباس
وليش الاخت متنقبة ومتحجبةوالله لو تقطينه ابرك

ايه و الله ابرك

إقتباس
:: من يكون ::

حامد زيد .. بس سؤال يطرح نفسه.. انتي شافه الرسمة ولا :p .. بحكم الخبره اللي عندي في الرسم و خاصة الرسم على الادراج في الحصص :p و لين يومج و انا اشخبط على الادراج من خبره 10 سنين اعرف الرسم الاصلي من النقلي عرفتي .. يعني الحين لو بشيكوون على رسمات فان كوخ مدري شو اسمه ينادوني اشيك و اعطيهم رايي الزبده انتي شافه الرسمه اعترفي ؟


إقتباس
:: مناهجنا الله بالخير ::

انا مب متحسفه الا على الوقت اللي ضيعته و انا احفظ في هالكتب :p صدق و الله سمعي بخبرج عن وزيرنا السابق.. وزير التربية و التعليم الفاضل ..بس ما يخصها في الكتب :p .. يقولج شاري زوليه بــــ250000 حق مكتبة اللي في الوزاره .. الله من البطره .. الحين في بيته اظن اثاثه كله ما ايي سعره 250000 .. فلوس الدولة يلعب فيها و شاري زوليه .. و الطلاب مساكين ادراج و كراسي نفس الناس ما عندهم حبيت قرار تفنيشه الصراحه .. تحيا الحكومة و يحيا الوزير اليديد ;)
[/align]
اضافة رد مع اقتباس
  #11  
قديم 10/04/2005, 01:13 PM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418
[align=center]8
8
8
8
الاخت غيرانة من ابداعي :p نطري دورج عشان اجاوب على سؤالج

هوجن_15

هلا وغلا
إقتباس
لا تزعلين , هذا ما استنتجته من أسلوب كلامك ..

شدعوه انت ما قلت شي :p

إقتباس
راجعلك إن شاء الله .. مواضيع (( الشخصيات )) الكبيرة تبي دراسة

ما تبي أي رد

شكرا

إقتباس
أصلاً لو إن بخوّتي شئ ينعاب
ذبحت نفسي قبل لا يذبحوني

أنا يدي لو ما كست متني ثياب
نذرٍ علي لقطع يدي من متوني

اذا هو لحامد فاجابتك صحيحة :p


الف شكر وياهلا والله


هلالي مو عالبال

هلا وغلا
إقتباس
مشكورة اختي كيفي على هالموضوع

العفو اخوي هلالي بس ليش هذي>>

إقتباس
ومن ناحية منتدى المنتخب السعودي تأكدي اختي انه اي اهانات على الكويت مايقولها الا مراهقين
مافيه عاقل يتكلم بهالطريقة واسفين نيابة عنهم

شدعوه هموني

الف شكر لك وحياك الله

دبل كيك

هلا وغلا
إقتباس
هو برنـامــج سـلامتـك وافتـح ياسـمســم ...!!!

بالضبط :p

إقتباس
الابتـدائيــة سـت سنيــن .....

احنا السنة هذي خلوها خمس سنين بس الحين الغو القرار :p تخبطات والله :sad:
لا المصيبة انهم يخلون حريم يدرسون في مدارس الاولاد الابتدئي تخيل الوضع يعني لو واحد يعيد السنة كذا مرة صعب ان وحده تتحكم فيه

الف شكر وتشرفنا بتواجدك


يله دعواتكم ترى باجر عندي مدتيرم fiction :p ثلاثين درجة على خمس اسئلة الله يستر

تحياتي للجميع [/align]
اضافة رد مع اقتباس
  #12  
قديم 10/04/2005, 02:25 PM
زعيــم مميــز
تاريخ التسجيل: 29/07/2004
المكان: شبكة الزعيم
مشاركات: 7,277
الله يعطيك العافية على الكيفيات

بالنسبة للرسم

مثل ماقالوا اخواني الشاعر((حامد زيد))

أما بخصوص منتدى المنتخب السعودي

هذه الردود تخرج من مراهقين متعصبين مع احترامي لهم

وأتمنى من المشرفين

حذف أي موضوع في سب لأي دولة خليجية

وهذا ماعودونا عليه في هذا المنتدى ا لرائع
اضافة رد مع اقتباس
  #13  
قديم 10/04/2005, 05:17 PM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
[align=center]هلا كيفي




إقتباس
لكن قمة الوقاحة والانحطاط لما تشوف بنات منقبات مو لابسين نقاباتهم في مكان فيه رجاللا ووحده منهم قاطه النقاب والملفع وبنت الحلال فلت الشعر بعد.رفيجاتها يغنون ويطبلون على الطاولة وهي ترقص

قلتيها والله قمة الوقاحه والإنحطاط


إقتباس
الزبدة مناهجنا قديمة ومغبرة وما ادري متى بتواكب التطورات

ترى أنتم اطور مننا وقمة التطور يوم بدلو كتب البنات بتغيير الجلده وحطوهن مثل كتب العيال


إقتباس
وكل وحده تحط الورقة في الدرج عشان الموجه ما يشوفها وقالت لهم ابيكم تشاركون من الورقة وابي كل الصف يرفع ايده




كل هذا عشان مصالحها ويا كثر اللي على شاكلتها


الله يوفقك أختي كويتيه وانشاء الله تجيبين الثلاثين كامله
[/align]
اضافة رد مع اقتباس
  #14  
قديم 11/04/2005, 01:18 PM
الصورة الرمزية الخاصة بـ الصقر الهلالي
زعيــم مميــز
تاريخ التسجيل: 24/12/2000
المكان: ][وهل غيـر الشمـال أعشـق .!!.][
مشاركات: 10,797
الله يعطيك العافية على الكيفيات

بالنسبة للرسم

مثل ماقالوا اخواني الشاعر((حامد زيد))

أما بخصوص منتدى المنتخب السعودي

هذه الردود تخرج من مراهقين متعصبين مع احترامي لهم

وأتمنى من المشرفين

حذف أي موضوع في سب لأي دولة خليجية

وهذا ماعودونا عليه في هذا المنتدى ا لرائع


ولكي كل الشكر يا اختي كيفي..

بانتظار جديدك


صقووري
اضافة رد مع اقتباس
  #15  
قديم 12/04/2005, 03:22 PM
عضو سابق بلجنة تطوير المجلس العام
تاريخ التسجيل: 25/11/2002
المكان: سجن الحياة
مشاركات: 2,298
مرحبا بالكيفيات وأهلها ,,

إقتباس
لا قلت وشفيه عقلك صابته خله..
قالت وهي تلتفت كيفي كويتيه

هالبيت لقيته قبل فترة في أحدى قصاصات قديمة عندي من مجلة المختلف ,,

وكنت أنوي تنزيله وسبقتيني عليه ونزلتيه ,,

بس بالصراحة الشاعر علي مساعد ,, ثقيل طينة من جد ,, وسلمي لي على حامد زيد اللي

أكل الجو على الكل ,,

تحياتي لك ياكيفي ويعطيك العافية ,,
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:26 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube