#1  
قديم 07/04/2005, 02:42 AM
زعيــم جديــد
تاريخ التسجيل: 15/03/2005
المكان: الرياض
مشاركات: 44
ولـــــــد وايــــــــــــــل اقلط عندي

الاخ الكريم ولد وايل

قرأت ردك على سؤالي عن الفكس ار والكزس

فضلا لا امرا ترد على كل نقطه اقولها لك بشكل وافي وواضح اكون لك شاكراا:

1- ليش بعت الكزس واشتريت الفكس ار . وكيف لقيت الفرق بينهم بشكل عام .

2- تقول المكينه والقير مثل بعض في السيارتين . كيف تقول الكزس ثقيل في الرمل .

3- الفرق بين البريمي والعماني والخليجي . لاتقول البريمي هو العماني لان البريمي فيه اضافات
والعماني هو اللي يجيبه البازعي والخليجي مصدره مو معروف بس يقال من الامارات .

4- بالنسبه لضمان البازعي كيف صيانته وقطع غياره .

5- ضمان عبداللطيف جميل للسيارت العمانيه والبريمي والخليجي مثل ضمانه لسياراته .

6- الفرق بين قطع الغيار لسيارتين بالنسبه لاسعارها وكذلك ايهم اكثر اعطال .

7- اسعار الفكس ار 217 الف والكزس 240 الف تقريبا .يعني قريبه لبعض بس معقوله الفرق هذا بينهم بالسعر ويكون مثل بعض .

واخيرااااااااااااااااااااااااااااااااااااااااااااا
ارجوا اني ماكون ازعجتك اخوي ولد وايل بس جاوبني عن النقاط السابقه اجابه شافيه وواعدك اني ماراح اصدع راسك بالموضوع هذا ثاني مره

وتقبل فااااااااااااااااااااااااائق تحياتي اخوك زعــ الزعامه ــيم
اضافة رد مع اقتباس
  #2  
قديم 07/04/2005, 10:40 AM
مشرف سابق في منتدى المجلس العام
تاريخ التسجيل: 18/12/2004
مشاركات: 9,684
رد
يا ولد وايل
اضافة رد مع اقتباس
  #3  
قديم 07/04/2005, 02:19 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
[align=center]ياخوي امر وتدلل

ليش بعت الكزس واشتريت الفكس ار . وكيف لقيت الفرق بينهم بشكل عام ؟
جيب اللكزس اللي كان معي كان موديله 2001 والفكس ار 2004 طبيعي راح ابيع اللكزس
لكن سبب شرائي للفكس ار هو شكله الخارجي اذا جاك استبنتين وغير كذا الونش والهزاز
يعني بالعربي موتر بر وخط ومدينه . جيب اللكزس عيبه ثقله في الرمل وكان السبب الاقوى
اني اغير بصراحه الفكس ار موتر ماعليه كلام ومبرغوب بزياده حتى في البيع افضل من جيب اللكزس

2- تقول المكينه والقير مثل بعض في السيارتين . كيف تقول الكزس ثقيل في الرمل ؟
والله ياخوك هذا سر ماعرفت وش سببه بالضبط يعني الفكس ار اللي معي استبنتين طبيعي يكون اثقل ولكن اللي حصل العكس مع انهم مايختلفون في اي شي حتى نظام الدفع الرباعي في كل السيارتين ولكن مادري ليه اللكزس اثقل .

3- الفرق بين البريمي والعماني والخليجي . لاتقول البريمي هو العماني لان البريمي فيه اضافات
والعماني هو اللي يجيبه البازعي والخليجي مصدره مو معروف بس يقال من الامارات ؟

البريمي ياعزيزي وكيل في عمان البازعي يجيب منه الجيوب باتفاق بينهم . اذا قالوا لك عماني فهو بريمي ,,, اما الخليجي فهو اللي يجي في الامارات ومافيه فرق ابد عن السعودي الا ان السعودي مكيفه ومسجله يركب اول مايوصل هنا في السعوديه ,, جيوب الامارات الاستبنتين تركب في الامارات هي والونش حتى لو تجيب البريمي والاماراتي تلقى الونش يختلف

4- بالنسبه لضمان البازعي كيف صيانته وقطع غياره ؟
ضمان البازعي طال عمرك صيانة 1000 و 5000 و 10000 مجاني
صيانه الـ 15000 خذوا علي متين ريال والعشرين مااخذو الا 592 ريال بس ,, قطع الغيار مضمونه
حتى مرونه في التعامل يعني شي تتعجب منه الله لايغير عليهم

5- ضمان عبداللطيف جميل للسيارت العمانيه والبريمي والخليجي مثل ضمانه لسياراته ؟
مادري عن الخليجيه ولكن سيارات البازعي عليها ضمان عبداللطيف وهذا اتفاق بينهم يكون له نسبه لجميل كل سنه والصيانه هي هي ماتفرق ابد جيب اللكزس اللي كان معي احترقت علي لمبة الزينون
وصارت الشمعه مشهبه غيرتها على الضمان عند عبداللطيف

6- الفرق بين قطع الغيار لسيارتين بالنسبه لاسعارها وكذلك ايهم اكثر اعطال؟
اللكزس اغلى انا كنت اركب قطع فكس ار يوم كان معي جيب اللكزس ماكان يفرق الا السعر
الفحمات والسيور والبواجي وغيرها مافيه فرق بين السيارتين الا السعر

7- اسعار الفكس ار 217 الف والكزس 240 الف تقريبا .يعني قريبه لبعض بس معقوله الفرق هذا بينهم بالسعر ويكون مثل بعض ؟

فرق السعر طال عمرك الماركة يعني اسم لكزس تبيه تزود عليه عشرين الف بس
ولاتنسى الموديلات الاخيره 2004 و 2005 نزلت شاشه وبلوتوث وكميرا خلفية في اللكزس
وهذا اللي زاد سعره شوي يعني اول كان جيب اللكزس بـ 225 الف والفكس ار 215 الف
الحين زاد شوي ووصل اللكزس الى 235 الف والفكس طبعا بين 215 و 220 الف

وعلى فكرة لافيه ازعاج ولاشي بالعكس انا في راس الخدمة ياغالي اي استفسار انا حاضر

إقتباس
رد
يا ولد وايل

ياعصبي

تحياتي للجميع[/align]
اضافة رد مع اقتباس
  #4  
قديم 07/04/2005, 03:00 PM
زعيــم مميــز
تاريخ التسجيل: 06/03/2005
المكان: عـبـدالـعـزيــز
مشاركات: 5,478
مشكوووووووووووووور
اضافة رد مع اقتباس
  #5  
قديم 08/04/2005, 01:48 AM
زعيــم جديــد
تاريخ التسجيل: 15/03/2005
المكان: الرياض
مشاركات: 44
جعل عمرك طويل ياولد وايل يالغالي ماستغني عن مشورتك .

بس لي ملاحظه على بعض ردك السابق :

البريمي فيه اضافات زياده عن اللي يجيبه البازعي مثل الحساسات اكثر والتخشيب اكثر والمشكله انها كلها عمانيه .

الجيب الكزس البريمي او الخليجي عن السعودي

في النهايه ::: (((( انا داخل مزاجي الكزس )))))


ايش رايك بصرااااااااااااااااحه
اضافة رد مع اقتباس
  #6  
قديم 08/04/2005, 04:07 AM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
رح توكل على الله بس ولايهمك احد صدقني ماسرقت الا بعير
الله يبارك لك فيه ويعطيك خيره ويكفيك شره ولا اوصيك على اللون البيج الغامق اذا هو عاجبك

عموما متى مابغيت شي بس لايردك الا رساله خاصه وابشر بسعدك ياخوك

صدقني ياعزيزي البريمي هو العماني ومافيه اي اضافات اللهم 2005 نزل مخشب بس
وعلى فكره موتري جاي مخشب وكاله قير ودركسون
تحياتي وبالتوفيق
اضافة رد مع اقتباس
  #7  
قديم 09/04/2005, 11:57 AM
زعيــم جديــد
تاريخ التسجيل: 15/03/2005
المكان: الرياض
مشاركات: 44
الله يسامحك ولد وايل خليتني سارق بعير

طيب اذا انا سارق سارق خليني سارق جيب لكزس

اما اللون فأنت جيت على الجرح هذا اللون اللي ذابحني البيج الغامق

اخوي ولد وايل ايش رايك اخذ من البازعي او عماني من المعارض ويضمنه عبداللطيف جميل .

ولك تحياتي يالغالي

اخوك زعــ الزعامه ــيم
اضافة رد مع اقتباس
  #8  
قديم 09/04/2005, 04:53 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
ابد خذ البازعي وتراها نصيحة اخو لاخوه
البازعي ولايردك الا مندوب مبيعاته
رح والله يوفقك
اضافة رد مع اقتباس
  #9  
قديم 11/04/2005, 10:27 AM
زعيــم جديــد
تاريخ التسجيل: 15/03/2005
المكان: الرياض
مشاركات: 44
اشوفك تمدح البازعي دايم وتحرص عليه

لاتصير احد عيال البازعي او تقرب لهم او موظف عندهم

تعرف شي عن عبداللطيف جميل وكيف ضمانه ؟






ملاحظه : اخوي ولد وايل ترا امزح فوق لاتزعل بس حبيت اعرف تركيزك على البازعي بالذات


اخوك زعــ الزعامه ــيم
اضافة رد مع اقتباس
  #10  
قديم 11/04/2005, 06:17 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
[align=center]والله يخوك تركيزي على البازعي والله راجع لتعاملي معه
يعني ماخذ منه سيارتين وش عاد تبي اكثر من كذا
هو مافيه فرق بين البازعي وعبداللطيف الا في اللاند اما سيارات اللكزس فماراح يختلف الا الوكيل اللي انت تختاره وسلامتك

بالنسبه لضمان لكزس كاي ضمان
القطع المستهلكه عليك مثل الفحمات السيور جلب المقصات هوبات بواجي بطارية وغيره
اما القطع النادره مثل شريحة كمبيوتر احترقت فجاه او نظام الهيدروليك خبط لاسمح الله او لمبة الزينون وغيره طبعا على الضمان بس بشرط يكون ساري طبعا وانت ادرى
بصراحه انا مجرب صيانتهم من سبع سنوات في اكثر من سياره وكلها لكزس ابشرك يعني :
اولا مهندسين محترمين ,,,, صيانه غير ممله ,,,,, تعامل سلس ,,,,, في حالة عدم اصلاح السياراة في الوقت اللي حدد لك يعطونك سيارة على حسابهم الخاص وابشرك فخمه وهي وحده ثنتين
1- لكزس ES300 او 2- RX330 يعني انبسط
عموما عبداللطيف الكل يشهد له من افضل اذا ماكان الافضل على الاطلاق في صيانة السيارات
في المملكه ولا اخفي عليك صيانته متوفره في معظم المدن وهذا شي يحسب لصالح عبداللطيف
الله يكتب لك اللي فيه خير ان شاء الله
تحياتي[/align]
اضافة رد مع اقتباس
  #11  
قديم 12/04/2005, 01:31 PM
زعيــم جديــد
تاريخ التسجيل: 15/03/2005
المكان: الرياض
مشاركات: 44
بصراحه انا مجرب صيانتهم من سبع سنوات في اكثر من سياره وكلها لكزس ابشرك يعني :
اولا مهندسين محترمين ,,,, صيانه غير ممله ,,,,, تعامل سلس ,,,,, في حالة عدم اصلاح السياراة في الوقت اللي حدد لك يعطونك سيارة على حسابهم الخاص وابشرك فخمه وهي وحده ثنتين
1- لكزس ES300 او 2- RX330 يعني انبسط

اخوي ولد وايل مين تقصد بكلامك هذا البازعي اوعبداللطيف جميل
اضافة رد مع اقتباس
  #12  
قديم 12/04/2005, 04:08 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
اللي اقصده عبد اللطيف
اضافة رد مع اقتباس
  #13  
قديم 12/04/2005, 06:37 PM
موقوف
تاريخ التسجيل: 28/08/2002
المكان: جداوي بس في مصر
مشاركات: 1,314
كرسيدا
اضافة رد مع اقتباس
  #14  
قديم 14/04/2005, 12:25 AM
زعيــم جديــد
تاريخ التسجيل: 15/03/2005
المكان: الرياض
مشاركات: 44
بالعربي اخر اجابه اخوي ولد وايل

بازعي او عبداللطيف ؟؟؟؟؟؟؟؟؟؟؟


ولد وايل ترا كلمتك هي اللي تبي تتم

قلها وعلى مسؤليتك اما ادعي لك او ............


وســــــــــــــــــــــــــــــــــــــــــــــــــــلامـــــــــــــــــــــــــــــــــــــــــــ ــــــــــتك
اضافة رد مع اقتباس
  #15  
قديم 14/04/2005, 02:24 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
الله يرجك ناوي تدعي علي ,,,,,,,,, منتب صاحي
قلت لك دامك بتاخذ لكزس فمافي فرق بين الوكيلين يعني الاختيار لك
بالنسبه لي لو انا في محلك اخذت من البازعي
وسلامتك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:56 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube