#1  
قديم 06/04/2005, 11:05 PM
زعيــم نشيــط
تاريخ التسجيل: 18/09/2004
مشاركات: 583
Lightbulb الغوث يا أعضاء الهلال ..إنتهاكات خطيرة بحق مشجعي الهلال ،، ولا أحد يتدخل ؟

كلكم شاهدتم مدى الإحتقان اللي كان عليه فريق الأمن في إستاد الملك فهد ( أصبحت أكره هذا الإستاد ،، فمدرجاته بعيدة عن الملعب ، وطاقمه يدعو للغثيان بدءاً من السكورتية ثم رجال الشرطة وانتهاءاً بمديره المبجل ))
مالاحظناه جميعاً أن الطاقم الأمني كان منذ بداية المباراة في حال تحفز وقد أحضروا معهم كمرا وكان الضابط ومعه أحد المسئولين يعاينون الجمهور ( كما تعاين الخراف للذبح ) وفي لحظةٍ حاسمة شهرت الكمرا وفتحت الأبواب ، بعد أن أوعز لهم مديرهم بأحد الأشخاص ، وتم الإنقضاض على أحد الجماهير المغلوب على أمره وكان محتاراً من الوضع وفي - المذبح - أمام الجماهير بدأ مسلسل الصفع والركل والكمرا بتصور والضحية هلالي والخلفية أعلام وجماهير الهلال ذات اللون الأزرق ومتى يبث المشهد لآ أدري ( ربما أمام الشلة والمضروب أحدهم كنوع من المزاح الثقيل ، أو لأسباب إنتقامية ) أقول ربما والكارثة أن يكون الهلال فعلاً هو المستهدف وانا لاأستبعد هذا .... طيب وآخرة هذا الليل الطويل من الممارسات ،،فحتى الصلاة ممنوعة والخروج ممنوع ،،،،

أنا لا أنكر أن هناك قلة قليلة تعكر الأجواء من الجماهير /// ولكن مسألأة العقاب الجماعي وعلى جماهير الهلال فقط مسألة فيها نظر ،، وكنت العام الماضي من حضور مباراة الأهلي والإتحاد ومن خلال مدرج الإتحاد ،، قسماً بالله العظيم أن هؤلاء الشرطة كادوا ان ينسحبوا من الملعب مما جاءهم من الإهانات والضرب وتكسير الكلام وفتح الأبواب بالقوة من قبل الحمهور الإتحادي ،،، ولا تعقيب ........

فهل المشكلة في عدم فهم هؤلاء الشرطة للكرة وإستيعابهم للمفاهيم الرياضية ؟؟ أنا أقترح حلاً للتعامل مع الجماهير أن يتم تفعيل دور الكشافة بزرعهم في كل أرجاء الملعب كل نادي ينظم جماهيره وإذا حصل خلل يعاقب النادي ،، في هذه الحالة يحرص كل نادي كل الحرص ولن يعدم النادي آلاف المشجعين المتطوعين للتنظيم بدون مقابل ،،، ومتى تتدخل الشرطة ؟؟؟ إذا حصل خطر أو شيء يهدد حياة الجماهير أو للفصل بين الجماهير المختلفة بوضع حاجز فراغي بين المدرجين ........
أرجو إيصال إقتراحي ممن يستطيع ذلك ... وأتمنى حال إستفحال الوضع أن يتم تنظيم درع جماهيري يوضع دائما في مقدمة الجماهير لمنع من لاعلاقة له بالمباراة ( شرطة أو غيرهم ) من التعكير على تشجيع الجمهور ....
اضافة رد مع اقتباس
  #2  
قديم 06/04/2005, 11:34 PM
زعيــم نشيــط
تاريخ التسجيل: 24/03/2005
المكان: في قلب الجابر
مشاركات: 851
السلام عليكم

مشكور اخوي فعلا اخوي وهذا اللي خلاني ماجي الملعب

فعلا شي يحير ويرفع الضغط وغريب هذا التصرف يعني لوكان جمهور غير الجمهور الهلالي

لحدث هذا الشي؟ ماعتقد ابدا

عموما مانقول الا...............................................
اضافة رد مع اقتباس
  #3  
قديم 06/04/2005, 11:37 PM
زعيــم مميــز
تاريخ التسجيل: 31/01/2005
المكان: الرياض
مشاركات: 2,059
كلامك صحيح 100% وهي بدون شك تستهدف الهلال
اضافة رد مع اقتباس
  #4  
قديم 06/04/2005, 11:38 PM
زعيــم فعــال
تاريخ التسجيل: 20/12/2004
المكان: بحـــار
مشاركات: 203
هلاا يالغالي

بصراحه اللي يصير بالملعب ماتوقع للمهندس سلمان النمشان اي تدخل فيه

الامن تجيهم توصيات من مديرهم وما يتدخل سلمان النمشان فيهم الا اذا احتكمت الظروف

اما اللي يصير عند بواباة الاستاد هذا يكون كله بعيد عن نظر ابو مخلد
بس لو اي واحد يصير له مضايقات ينزل تحت للمكاتب حقت الموظفين ويتكلم مع احد المسؤلين
وبتنحل كل مشاكله

وصدقني اشتغلت معهم بالاستاد ثلاث سنين وماشفت على ابو مخلد الا كل خير
التقصير يأتي من الامن

وبالعكس يضايقه اذا شاف خطا وكان قبل كل مباراه يوصينا ان المباراه الكل يشوفها
وياليت نكون حضاريين بتنظيمنا والله ان عينه ماتشوف النوم ليلة المباراه

وهذي كلمة حق بأبو مخلـد

والظاهر تكليفه بالدوره الاسلاميه شهاده له والرجال قبل كم يوم كان بالمستشفى
فما اتوقع انه كان حاظر مباراه الهلال ويمكن يكون مُكلف شخص غيره
اضافة رد مع اقتباس
  #5  
قديم 07/04/2005, 03:05 AM
زعيــم نشيــط
تاريخ التسجيل: 18/09/2004
مشاركات: 583
شكراً للزعماء :
مثلي الأعلى سامي

هلالي كاتلوني

الملاح الهلالي


وللملاح الهلالي أقول أنه في البطولة العربية اللي استضافها النصر وفاز ببطولتها الهلال حضرتها في الملعب وكان السكورتية في غاية التعقيد مع جماهير الهلال خاصة ،، ويعقدون أي واحد هلالي يمر من عندهم بالتعاون مع الللجان المنظمة وكلهم شباب نصراوية ومتكدسين في المدرج الهلالي يضايقون خلق الله ومن المضايقات اللي انا شفتها واحد طلع يصلي وولده الصغير جالس محله ووالله العظيم انهم ماسمحوا له بالدخول إلا بعدأن ثار عليه كل من كان واقف وبعد حوالي ربع ساعة ،،، وطبعا أي شيء كنا نسمع صوت النمشان على الجهازو وهو يوجههم أولاً بأول ....... كلهم كلهم كانوا يراجعونه ...... بعدين أنا بأسالك مادمت تعرفه وجاوبني بصراحة : وش هي ميوله ؟؟ ولك تحياتي.
اضافة رد مع اقتباس
  #6  
قديم 07/04/2005, 05:11 AM
زعيــم نشيــط
تاريخ التسجيل: 01/04/2003
المكان: الرياض
مشاركات: 949
للرفع
اضافة رد مع اقتباس
  #7  
قديم 07/04/2005, 10:44 AM
زعيــم فعــال
تاريخ التسجيل: 20/12/2004
المكان: بحـــار
مشاركات: 203
[align=center]بسم الله الرحمن الرحيم


الزعيم-الحقيقي العزيز

يحق لك تقول كل شي عن اللي صار واللي يصير
بس انا قلت كلمة حق بأبو مخلد .. والله يشهد انها قليله بحقه
طابع المباريات النهائيه يكون فيه تشدد امني لدرجة اني بوقت دوامي معهم
وخلال النهائيات اللي كانت وانا موجود بالاستاد على ما اعتقد كانت مباراتين
اللي هي الهلال والاهلي على كاس ولي العهد او الاهلي والاتحاد على كاس ولي العهد حفظه الله
يطلعوني برى عند شباك التذاكر حتى وانا معي بطاقة عمل ياناس موظف والله محد عطاني وجه مادريت الا انا واقف جنب ذاك الهندي اللي يبيع فصفص واعلام وارجع من مدخل الموظفين من تحت واطلع فوق لصحفيين مادري الا نفس الحاله تتكرر معي .. ومادري الا انا جنب رفيقي ابو فصفص... ما اتوقع سلمان النمشان يقول للحرس او المهمات الخاصه اطردوا ذا الموظفبرى تراه مايشتغل معنا

يكون فيه فرق جايه للاستاد من قوات الامن الخاصه والمجاهدين والحرس وكل من له سلطه يجي
ويكون عندهم أوامر من قايدهم .. عشان كذا ماقدر احكم لك باللخبطه اللي بتصير وقتها
هذا بالنسبه لمباراة الهلال والنصر اللي قلت عنها بالبطوله العربيه

اما اللي يصلي انا اقولك خطا واكبر خطا انك تسمح للجمهور بين الشوطين يطلعون للمضمار اللي عند المدرجات والبوفيات .. واذا ابتدا الشوط الثاني تمنعهم يدخلون ...


على العموم القرار هذا متاكد منه مو من سلمان النمشان لان اجهزة الامن مستقله عن الاجهزه اللي بتكون مع الموظفين المسوؤلين عن التنظيم الميداني .. اما تنظيم الجمهور هذي مسؤلية كم فرقه تجي من خارج الاستاد من الحرس او المهمات الخاصه ..

حط اعتبارات كثيره ونزه سلمان النمشان من التهم الكثيره اللي طاحت عليه
واعرف ان عليه تنظيمات ميدانيه وتنظيمات صحفيه وتنظيمات بالمنصه وشي والله كفى ووفا فيه

اما عن ميوله صدقني الرجال (عملي) اكثر جلست معهم ثلاث سنين والله ماعرف وش الرجال يشجع
لانه الجد جد

بس تصدق فيه جمهور كانوا يسالوني الامير المرحوم فيصل بن فهد والامير سلطان بن فهد هلاليين
والسبب لان كراسي الاستاد زرقاء والخيام بيضاء

على العموم يالغالي الاشادات بمدير الاستاد سبق وان وصلته من هلاليين ونصراويين واتحاديين ومن جميع المسوؤلين ...
اما هفوة مباراه او مبارتين ماتوقع تلغي تميز 15 سنه تحت ادارة هذا الرجل

حكمت عليه من خلال مبارتين وانا حكمت عليه من خلال عمل ..

الكمال لله ..

وجهة نظر [/align]
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:46 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube