[ALIGN=LEFT][/ALIGN]

كيفنكم زعماء

باركولي اليوم جاني إتصال من بنيه
لا ومن خارج السعودية بعد

المهم لا يكثر
<<< خربانه الأخلاق


إليكم القصة
صحيت الصبح بدري مثل العادة
لقيت بجوالي مكالمة لم يرد عليها من خارج السعودية
ما ركزت بالرقم لأن تجيني إتصالات كثيره على وقت الفجر من الشباب من خارج السعودية
بسبب فارق التوقيت بيننا وبينهم

المهم وأنا بالدوام قلت بشوف من من الشباب داق علي
إستغربت إن مفتاح الرقم لدولة تونس
ما أخبر أحد من أخوياي هناك
قلت خله بعدين نشوف وش سالفته

رحت للبيت وقلت بشوف وش سالفة هالإتصال
دقيت وإلا يطلعلي ذاك الصوت الناعم
قلت من معي ؟؟ قالت انت مين ؟؟
<<< بلش
قلت جايني إتصال من هالرقم اليوم الصبح
قالت أيوا أنا شفت هشام ودقيت عليك علشان ترشحه
<<< يهوجس من هشام ؟؟
قلت من هشام ؟؟
قالت ماتعرف هشام
هشام اللي بستار اكاديمي
<<< خربت الأخلاق
قلت اللحين متصله علي من تونس علشان تقولين لي رشح هشام
قالت أنا شفت هشام وسويت إتصال على أرقام سعودية علشان يرشحونه
قلت تصدقين عاد ،، أنا ما أتابع البرنامج لكن مع هذا ما أتمنى أن هشام يفوز
قالت ليش أنت مو سعودي
قلت لا هندي
أصلاً كل هالبرامج ما تهمني ،، يالله باي


للأسف هذا حالنا يالعرب !!!
الغرب يفكرون كيف يشغلوننا ويسيطرون على عقولنا وبلادنا
وحنا مع جنبها
كل تفكيرنا كيف نرشح فلان وكيف تفوز فلانه !!!

مدري على أي أساس مطلوب مني إن أرشح هشام ؟؟
هل لأنه سعودي ؟؟
هل من الواجب علي أن أفتخر فيه لأنه سعودي ؟؟

طيب إذا قلنا نعم
فعلي أيضاً أن أفتخر به لأنه يعيش مع بنات فاسقات وأمام أعين الجميع أيضاً !!
علي أن أفتخر به لأنه يحضن فلانه ويغني مع فلانه ويرقص مع فلانه وما خفي كان أعظم !!!

هل فوز هشام سيشرفنا كسعوديين ؟؟؟
هل رفع راية لا إله إلا الله في اكاديمية الرقص والغناء والحب والغزل وووووو ..... سيشرفها ؟؟
تكرم راية لا إله إلا الله عن مثل تلك الأماكن

نصيحة لمن ينساق خلف تلك الترشيحات :
تذكر بأنك سوف تحاسب على قيمة كل رسالة ترسلها لهذه البرنامج الفاجر
ولا تكون سبباً في رفع راية التوحيد في مكان الفسوق

تقبلوا أرق التحايا