إقتباس الرسالة الأصلية كتبت بواسطة ابو ناديه انا اول امره ادري بهالسوالف لأنه كلام غريب صراحة..! شفت تشديد في ملعب الملز بمنع اعلام(في كأس التضامن ضد الإرهاب) وشاهي (بعد الفوضى اللي صارت) وكونه تشديد مايتعدى منع حاجات بسيطه لكن في استاد الملك فهد ماشفت احسن من معاملة العسكر معنا حتى واحد منهم يوم جينا ندخل مزح معنا وقال خلاص مافيه دخول لكن دليل على حسن تعاملهم كان يلاطفنا.. بعد مادخلنا للملعب كان فيه جنبي ابو عيال معه طفلين الكبير منهم مايتجاوز الـ 5 سنوات ومع هذا دخل للملعب. اذا كان الكلام اللي انت قاعد تقوله حصل فعلا فمعناه انكم مستقصدين او حصل منكم تصرف او طلعت كلمه ما اعجبت العسكر واستقعدوا لكم.. في النهايه احب اقولك ان الكلام اللي قاعد تقوله موب سهل ويمكن يعرضك لمسأله ومشاكل عشان تثبته.

..!! انت جالس تتهمني بالكذب يعني...يبو مو انا اللي صار معي بس اكثر من نص سكان الرياض جالسه تصير معهم هالاشياء وانا ماغلطت ولا كذبت انا انقل شي حقيقي..

في كم رد وكم موضوع عن هالكلام روح اقراه علشان تصدق اني هالشي حقيقي...وعلى طاري الشايب ومعه الطفل ايه انا مصدقك انا برضو نفس الشي وانا خارج من الملعب شفت شايب معه بنت عمرها تقريبا 6 سنوات يعني مامنعو بنته من الدخول..يعني الموضوع شايب وبنته ايه يدخل..انا اخو واخته الصغيره لا..!!!

--------------------------------

بعدين في ردود غريبه هنا من جد في الموضوع ماتوقعتها تكون موجوده..!! اللي يتكلمون عن البرمودا ويقول انه تقليد للغرب..طيب لاتنسى ان كورة القدم بكبرها تقليد لهم...جت على البرمودا الحين..!!

إقتباس انا ما علي من البرمودا انا حزتنتي الطفلة بالله وش ذنبها ياااااااانااااااااس فعلا تخلف

والله وانا معك انا اكثر شي قاهرني الطفله هذي والله شي من جد خلاني انقهر واطرطع..المشكله اني شايف اطفال جوا داخلين مع شيابهم..يعني ليه يتقوون على الشباب وعلى الشياب عادي..لأن يعرف ان الشايب بيرد عليه صح..

إقتباس وتلومون العساكر؟؟؟؟ اللعيبة لابسين شورتات والجمهور ما يلبس برمودا؟؟

انا ازيد على كلامك على هالاستفهامات.؟؟؟؟؟

===================

واختم ردي برد مقتبس من كلام اخوي عالي الشان ..

إقتباس بما انه الواحد ما عمل شئ يخدش الحياء فهو حر بتصرفاته

للأمانه

في التفتيش عند بوابة الجمهور الهلالي رأيت شابين .. أحدهما تعدى الحاجز الأمني - <<< حشا الكونجرس !! - والآخر قال له العسكري : عوّد عوّد .. وش ذا اللبس يابو ؟؟ قال الشاب : خير ؟؟ قال : عوّد ممنوع ... قال : خويي لابس مثلي - <<< نكب خويه - قال العسكري : وينهو ؟ قال : شفه هناك ... قال لخويه : عوّد أنت معِه .. يالله إنزح وراك !!

أنا وأنا مالي علاقه بالموضوع شبّ عليّ قولوني

ربي حسيب الظالم

اعذورني المشكلة مو من رجال تطفيش الملاعب ولكن المشكلة منكم انتم في سكوتكم عن حقكم وانا عن نفسي لايقم حتى بالكلام معي ولكن على العموم اتمنى من ادارة النادي توكيل محامي لرفع قضية لرجال التطفيش ورفعها الى ديوان المظالم او اي جهة مختصة والاثبات سهل بوجود الشهود وامور اخرى تقضي على هذا الموضوع وانا عندما ذكرت النادي لان المشجع العادي لن يستطيع ان يعمل شئ وعلى العموم اتمنى ادارة النادي تتدخل.

تبووون واسطه بديوان المضالم كل واحد يرسلي قضيته:


عشان يعرفووون كيف الزعماء
صح والا لا

هد اعصابك طيب..........
مافي شي يستاهل الحمد لله انك عند اهلك اللحين وبخير
بعدين على اي اساس بنيت اني اتهمك بالكذب ياكابتن..؟
انا ماقلت لك انكم يمكن تكونوا مستقصدين من العسكر او شي زي كذا
(لاتستعجل)
وبعدين وش تفرق اب وبنته واخ واخته؟

وانا وش دخلني في لبسك ياخي
انا ماتكلمت معك اصلا في لبسك او لبس خويك بالأصح

ومسألة المنع هذي يمكن تكون تعليمات من جهه مسئوله


الظاهر انت اللي ماقريت ردي زين

ترى للحين الاستادات ما خلوا الحريم يدخلونها حسب تفكير الجهبذ المضحك النصراوي مسلي المعمر

غريبة الي يقول تستاهل ما دخلوك لانك لابس برمودة

يا خوفي بس لين جيت تسئله ليه قال لك تخدش حيائي !!!!!!!!!

واذا على تقليد الغرب فكرة القدم كل ابوها فكرتها جت من الغرب

ليه جالسين تتابعونها ؟؟؟؟؟؟؟


غريبة بجد

عموما اخوي الله يساعدكم على ما ابتلاكم به

واذا صار خصمك القاضي فمن تقاضي

حتى في الجمارك بعض العسكر معاملتهم ازفت من الزفتة

المشكلة على ما يبدو ان من مواصفات الانخراط في العسكرية انك تعامل الناس باستحقار وبدونية

إقتباس أحدهما تعدى الحاجز الأمني - <<< حشا الكونجرس !!

الله يستر..

إقتباس شبّ عليّ قولوني

صدقني مو بس قولونك انت...

إقتباس ولكن المشكلة منكم انتم في سكوتكم عن حقكم

مافي يدنا شي وانا اخوك..!!

إقتباس تبووون واسطه بديوان المضالم كل واحد يرسلي قضيته:

اخاف توهقنا بعدين بس..

إقتباس واذا على تقليد الغرب فكرة القدم كل ابوها فكرتها جت من الغرب ليه جالسين تتابعونها ؟؟؟؟؟؟؟

انا قلت قبلك هالكلام فوق..واترك عنك هالشي تراه بسيط ..المشكله الكبرى ان اللاعبين انفسهم لابسين شورتااااااااااااااااااااااااااااااااااااااااااااااات....ويمنعون الجمهور يلبس برمودا..!!

وهذا رد لك لحالك يا ابو ناديه علشان تعرف اني مازلعت ولا عصبت عليك بس بوضح لك ليه رديت عليك ...

إقتباس بعدين على اي اساس بنيت اني اتهمك بالكذب ياكابتن..؟

شف يمكن اكون فعلا قد اخطأت بالحكم وقلت لك انك انت جالست تكذبني...لكن شف كيف كان ردك علي وبعدها بتعذرني ليه قلت هالكلام...مو هذا كلامك انت اللي تحت

إقتباس لكن في استاد الملك فهد ماشفت احسن من معاملة العسكر معنا حتى واحد منهم يوم جينا ندخل مزح معنا وقال خلاص مافيه دخول لكن دليل على حسن تعاملهم كان يلاطفنا.. بعد مادخلنا للملعب كان فيه جنبي ابو عيال معه طفلين الكبير منهم مايتجاوز الـ 5 سنوات ومع هذا دخل للملعب. اذا كان الكلام اللي انت قاعد تقوله حصل فعلا فمعناه انكم مستقصدين او حصل منكم تصرف او طلعت كلمه ما اعجبت العسكر

كلامك هنا كله مخالف للي قلته انا..يعني معناه انه انا غلطان ولو فعلا هذا الشي صار اقصد ان العسكر فعلوا معنا هالبلاوي على كلامك انت فنحن (اقصد الجمهور) اللي بدينا في الغلط..
هذا شرح لكلامك اللي قلته لي وواضح انك تقصد اني انا وكم واحد اللي فتحوا مواضيع واشتكوا اننا مو صادقين...

اذا انا فهمتك غلط فاعذرني لأن اسلوبك كان يقول اني انا كذاب...على العموم حصل خير..

إقتباس وبعدين وش تفرق اب وبنته واخ واخته؟

والله هذا السؤال لاتوجهه لي انا..وجهه للعسكر وقل لهم ليه فرقتوا بين الشايب وبنته وبين الاخو واخته..واذا عرفت الجواب ياليت تجي وتعلمنا السبب في المنتدى

إقتباس الظاهر انت اللي ماقريت ردي زين

اخوي صدقني قريت ردك زين وانا ما استعجلت لكن ارجع واقول يمكن انا فهتك غلط لكن هذا مو عيب مني..هذا خطا منك في التعبير عن رايك...
وصدقني والله مازعلت ولا عصبت لأن في الاساس معي ناس واجدين شاهدين ويكفي رئيسنا ابو سلطان تكلم عن هالموضوع بعد..وخير دليل ذاك المشجع المسكين اللي انضرب قدام الجمهور والعسكر والله قطعوا ظهره تقطيع قدام الجمهور..!!

على قولهم الاختلاف في الرأي لايفسد للود قضيه..((مدري والله صح ولا لاخخخخخخخخخخخخ))

إقتباس الرسالة الأصلية كتبت بواسطة عالي الشان [align=center]راح تستمر هالمضايقات دام ردود الفعل من المسئولين لم تتعدى سوى تصريح من ابو سطان لجريدة الاقتصاديه فقط !!! بما انه الواحد ما عمل شئ يخدش الحياء فهو حر بتصرفاته اخوي السكري . تحياتي ,,[/align]

صدقت والله

اللهم عافنا من التخلف

أولا :-
نحن محن رايحين ذعارة لا قدر الله نحن رايحين لملعب يعني لازم الثوب والشماغ والسروال الطويل والكوفية والشخصية .

تانيا : انا مني مصدقك تدري ليه لأن واحد سكرجي بزرنجي محشش زي ذولي الصرب اش يفهمه بالبرمودا .

ثالثا :- يقول المثل ومن الغيرة ما يقتل ( من عقلي بس مشي )
يعني هو ما عنده غير كم قرش ما يقدر يشتري برمودا فيقول لك ضع البرمودا على جنب وهو ماشي على بيت أمه يروح ياخذه ويكشخبه .



ورابعا : - أقول الحمد لله أني مني من الرياض ولا بالشرقية الحمدلله اني من الغربية ومن مكة الحمدلله .

اذا ما اخذ الشباب راحته وعبر عن مشاعره في الملعب وين ياخذها

الاخ يتكلم عن الكرامه واجد والله انك انت وخويك

شلتو كرامتكم بنفسكم اجل بالله وش فيه اللبس السعودي

والله انه احسسن منذا البس الي جايبه انت وخويك عيب عليك يارجل استح

وين لبس اجداد خلاص صارو الغرب هم الي يلبسون احسن منا وانت وجهك قاعد تقلد وبس

ابسالك ليش الغرب مايقلدون لبسنا هم عندهم كرامه افضل منك مع احترامي لك مع انك ماخليت فيه احترام

إقتباس الرسالة الأصلية كتبت بواسطة romance prince تانيا : انا مني مصدقك تدري ليه لأن واحد سكرجي بزرنجي محشش زي ذولي الصرب اش يفهمه بالبرمودا .

[align=center]

الا هالهرج

======

هي بالنهاية توافيق عسكر الملعب زيهم زي عسكر الشوارع تطيح بواحد وش حليله واللي جنبه ياشين نفسه

كان رحت من باب ثاني وقطعت الشر [/align]