[frame="2 80"]السلام عليكم ورحمة الله وبركاته

الف مبروك الانتصار وان شاء الله تكتمل الفرحه بالتأهل للدور نص النهائي .

* تأخر الجمهور الهلالي بالدخول للملعب وذلك بسبب الازدحام الشديد عن شباك التذاكر وعند تقريبا الدقيقه 30 من الشوط الاول( اكتمل الحضور ) .
السؤال اللي يفرض نفسه ليه ما تتوفر التذاكر في النادي وفي اسواق محدده تعلن في المنتديات والصحف قبل إقامة المباريات الجماهيريه بيومين او ثلاثه !

* انتهى الشوط الهلالي الاول بالرياض 1/0 وبانتظار الشوط الثاني في الرباط .. وان شاء الله ربي ما يخيب رجانا .

* الف شكر لكل من حضر وآزر الزعيم رغم انها اقيمت في وسط الاسبوع وخلال فتره الامتحانات .

* الرابطه كانت مختلفه هذي المره فتفاعلها واختيارها للاغاني كان مميز ... فما اعرف هي اللي تابعه للنادي الاهلي او اللي تابعه لنادي العيون بالاحساء .. اتمنى الافاده
وما ننسى بعد صوت الطبل المكسيكي الكبير ( اللي كان مع حماده المصري ) كان مميز وصوته واضح جداً

* باكتيا ارتكب عدة اخطاء للأسف منها :
1- اشراكه للدوخي كوسط ايمن ... فهذا الوقت ليس وقت اختراعات .
2- دخوله المباراة بمهاجم واحد رغم اننا نحتاج للفوز وبفارق كبير !!
3- تغييراته جدا جدا سيئه فدخول المبارك اللآعب العادي جداً مكان الياس اكبر خطأ فمن المفروض اشراك الجمعان بجانب سامي او الموري لو كان متواجد في الاحتياط .
4- ديسلفا اللآعب العاله بمجرد ما دخل اختفت الخطوه .. اظن بـأننا الآن في الهلال لا نحتاج لهذا اللآعب اللي استقبله الجمهور بصافرات الاستهجان لحظه دخوله .
5- تغيير سامي كان اكبر خطأ فاللآعب لياقته كانت جيده جداً وكان في كل هجمه يشكل خطوره واظن هالتغيير اراح اللاعبين المغاربه .

* تحية كبيره لكل نجوم الفريق واخص بالذكر ( سامي - المفرج - تفاريس ) .

* أمن الملعب ما زال يواصل ( عنتريته ) على الجمهور الهلالي فبعد منع دخول الاعلام المكتوبه او اللي عليها رسومات اصبح امر ( ضرب ) مشج واحد على الاقل في كل مباراة امر معتاد سواء بسبب او بدون سبب

* باكتيا من النوع اللي يخطط للتغير قبل بدء المباراة وهذا اكبر غلط .. فالمفروض التغيير يكون حسب الظروف .. واكبر دليل خطاه بغيير سامي اللي كان بكامل عافيته .

* الجمهور الهلالي بدء بمغادرة الملعب قبل انتهاء الوقت الاصلي للمباراة بخمس دقائق ولم يتواجد الا نصفهم عند اعلان نهايتها .. وهذا دليل عدم الرضاء على النتيجه .

* الشلهوب ما ظهر بالمستوى المطلوب واتوقع السبب هو ازدواجيه مهامه مع مهام كماتشو .. اتمنى تدارك هذا الشئ بأسرع وقت فمباريات الحسم قربت .

* تستاهل هالصوره ان تكون صورة الموسم ( شكراً للفيصل الهلالي )



في النهايه الحمد لله على كل حال .. وان شاء الله نواصل الانتصار في الاياب [/frame]

كلام جميل

تحياتي لك

اللي في الصورة ضرب مين

ملاحظات ... جميلة .. جدا ...

لا وفي الصميم ..

على العموم مشكور يالغالي ..

ومبروك الانتصار .. وعقبال الاياب ...

* الرابطه كانت مختلفه هذي المره فتفاعلها واختيارها للاغاني كان مميز ... فما اعرف هي اللي تابعه للنادي الاهلي او اللي تابعه لنادي العيون بالاحساء .. اتمنى الافاده

انا افيدك الرابطه كانت هلاليه لكن الاغاني كانت اهلاويه لاني انا من تغنى به وهذا شرف كبير لي لان الهلال فريق كبير ومن يتغنى به يكون صاحب حظ رائع..

اخوك
اهلاوي هلالي

يعطيك الف عافية اخوي الغالي عالي الشان ..

لكن ودي أسالك لو سمحت ...

شلون عرفت ان باكيتا يخطط للتغير قبل بداية المباراة ...

بعدين ياخوي اسمح لي سامي الجابر صحيح أنه حسم الامور وكعادته إلا أنه بالامس لم يكن بالفورمة ...

بعدين ألا حظ أن كماتشو ماله نصيب من إشاداتك ...

بالنسبة للعسكر .. في فمي ماء على قولت ممدوح .. لكن بصراحة أنا اتوقع أن احد اهم اسباب عدم حضور الجماهير هو هالتعامل البايخ من هؤلاء الأعراب ...

تحياتي لك أخوي العزيز ...

صراحه أمس من نجوم اللقاء الدوخي بمكانه الجديد إن لم يكن النجم والله الدوخي أثبت كفائته في هذا المكان

والله اني ادوور الدوخي واقول وش عند التلفزيون منقل احسبهم عكسو جهت الكاميرا اثره مغير مركزه !

مشكورين

الله يعطيك العافية اخوي.