#1  
قديم 03/04/2005, 02:10 PM
زعيــم مميــز
تاريخ التسجيل: 23/10/2003
مشاركات: 1,612
عشان (نهزم) الوداد .. لازم (نترس) الاستاد.. "تصميم" + نقاط أخرى

الهلالي ابو سارة يعود لكم من جديد ..

السلام عليكم اجمعين ..

أجل تصميم .. هااه !!

ياحبني لكم.. يعني مابعد عرفتوا ابو سارة الى الحين ؟!

تمقلوا زين .. بالله هالوجه ، وجه تصاميم !!

حده يفتح صفحة موضوع جديد واحيان ما يعرف !!

يازينكم بس وانتم جايين مدرعمين ..

عاد مادامكم جيتوا .. فـ هلا والله وغلا ..

ابيكم بـ ( هيد وورد )) كلمة راس يعني ..

بيني وبينكم كلام .. والكلام للجميع بس تكفون لايدري احد اوكي حبايبي ..!!

أول شيء .. صبحكم الله بالخير .. يمكن الوقت عندكم الحين قبل العصر ..

لكن عشان (توني) قايم من النوم ،، وبتوقيت استراحتنا .. الوقت الآن الصباح الباكر .. لا وعندنا مطر وبردي (( شاربين توت الظاهر!! ))

صباح الخير والورد صباحكم بريحة الكادي اللي اسمع به ولا قد شفته..

صباحكم بتغريد الخيول المستنفره وشقشقة العصافير المهاجرة خلف هونج كونج (( ياهووه يانزار ))

المهم خلونا من الهرطقه والكلام الفاضي وخشوا معي بسرعة 120 ريختر على كلام الجد !!

جماعة الخير .. نبي 70 الف يترسون الاستاد .. (( وش السالفه ))!!

أدري خرشتكم ..

لكن ترى مصخت ..

اعنبوا بليسكم يابني هلال.. تراكم أكثر من يأجوج وماجوج (( خربها أبو سارة )) !!!!!!

:

:

:

**هذي مباراة مو زي اي مباراه .. الحاجه فيها ماسه للجمهور الكثيف قبل صانع الألعاب والاجانب وهلم جراا ...

الهلال لما يسافر المغرب .. راح يواجه ستين ألف مغربي هناك ..

بلاش نضحك العالم علينا.. ونشوف المدرج مافيه الا كم واحد مع بياع البيبسي !!

بلاش نحسس اللاعبين انهم لحالهم وسط هالمعمعه .. ثم نجي بكل بجاحه ونحاسبهم بالأخير!!



** فريق الوداد هذا مرعب نوعاً ما ..

يلعب كورة هجوميه بحته .. سواءاً بارضه او خارجها ..

هذا الفريق اللي تأسس ايام العشرينات في القرن الماضي ..

لما مالقوا له اسم .. واحتاروا .. كان وقتها نازل اول فلم لأم كلثوم بعنوان ( وداد ) ..

ولما أعجبهم في المغرب اطلقوا على ناديهم هالاسم ..

وفعلاً يشترك مع ام كلثوم في مسألة الطرب.. لأنه يلعب كورة هجوميه ..

بس فيه عيب واحد ..

دفاعه مو ذاك الزود .. يعني الله بالخير ..

دفاعه كأنه باب بنده (( ابوك يالتشبيه )) .. لا منك اقبلت عليه انفتح ..

ليت المسيو باكيتا يركز على هالنقطه .. (( والله يابو سارة وصرت مساعد مدرب )) !!

** عندهم مدافع ملتحي .. رجله الله لايهينه كأنها ( مرزبه ) الله لايضره باسمه ..

عليه أهداف بالفاولات .. مدري وشلون تجي.. يعني تخيلوا ..

كورة عند الكورنر .. يجي أخونا في الله .. واصل عند المصورين ماخذ عزم ..

ويمغطها الينها متعلقه في الشبكه .. أحرج ريفلينو ..

ليت مدافعينا ومحاورنا يبعدون نهائياُ عن ارتكاب فاولات قريبه.. ثم يحطونها في ظهر ابو عتب..

بس هو .. كبير في العمر .. والجيزاني حق الأهلي اللي مايملك مهارات .. لعب فيه ..

هو (( شويت )) ايه .. لكن ثغره دفاعيه وبطيئ جداً .. يذكرني بسيفو اللي حالياً محترف مصارعه!!



** كثر الكلام على اجانب الهلال ,.. وتسمحون لي أدلي بدلوي مادام كل واحد أدلى بدلوه.. وكل واحد حر في دلوه .. دلو ..؟ قصدي حلو؟؟

تفاريس .. مدافع ممتاز جداً جداً ... أصنفه على حسب دلوي اللي أنا طبعاً حر فيه .. من ضمن افضل

عشرة أجانب في آخر عشر سنين.

كماتشو ... باين الولد موهوب.. لكن صغير بالعمر .. ومتعود أميمته وربعه .. والغربه تاعبته شوي..

يعني نفسيته مو ذاك اللي انت تبي.. هذا يفسر مستواه اللي مرة فوق ومرة متوسط..

بس عند الفاولات .. تخسي الغربه ..

سلفا.. باختصار .. لا شفته يطامر في الملعب ,, قلت ليش نسقنا عادل حنتوش !! كلهم زي بعض بس ذاك أرخص!!!



** اخونا الغالي تغيب الشمس .. قال : أكبر نعمه علينا بعد الاسلام اننا صرنا هلاليين ..

هبوا فيه بعض الاخوان وفسروا كلامه واجتهدوا ..

وتسمحون أدلي بدلوي ههههههههههههه (( يا ذا الدلو اللي أبلشتكم فيه )) ،،

صدقوني ان تشجيع الارزق عافيه ..

مادام الله بلاكم في هالكورة .. فـ احمدوا ربكم انه ألهمكم تشجيع الهلال ..

يالربع... السلامه مو عافيه ؟؟ والعافيه مو نعمه ؟؟

يعني مالها داعي سكر وضغط وانت في العشرين ..

وعندي سالفه ااذاا وقتكم يسمح .. لأنها طويله حبتين ..

واحد من العيال.. صديقي المقرب .. أحد اعضاء المجلس الدائم في الاستراحه ..

(حلم) مجرد حلم .. أنه أهلاوي .. وكل مباراه بالحلم مهزومين فيها..

قاعد يصيح في الحلم .. جت اميمته الله يمسيها بالخير .. تصحيه الجامعه الساعه سبع ..

وليدي قم .. قم ..

نط في وجهها يقول .. لا اا لا ااا مابي مابي ..

اسم الله عليك وليدي وش فيك ؟؟

فرك عيونه وقال اشوا انه حلم ..

هذا الصديق .. مهما شفت من هلايين متعصبين.. ماراح ياصلون نصف حبه للهلال ..

لو لعب الهلال بالمريخ !! شفتوا المريخ اللي ورى كوكب الزهرة يمين!!

لو راح الهلال هناك .. لحقه فهد .. مايهمه مباراه وديه ولا رسميه ولا اعتزال..

ليت نصير ربعه .. اسمه فهد السبيعي.. وفديت السبعان لعيون ابو فهيد .. ولأجل عين تكرم قبيله.


** يالربع .. ياخوان يالمسلمين لحقوا علينا ..

تكفون .. ياللي لكم أمر ونهي بالموضوع .. فكونا من المزمار !!!!!

يالربع والله جايين نحضر مباراه .. مو جايين نغني (( يا علايه )) ..

على هالحال.. اجيب العود وخويي يجيب الربابه .. والموسيقار اللي معه المزمار ..

ونقلبها ( دحه ) في المدرج !! وفنون شعبيه..

** يقول أحمد شوقي:

قم للمعلم وفه التبجيلا .. كاد المعلم ان يكون رسولا..

ويسمح لي اخوي ورفيق دربي احمد شوقي من باب الميانه اللي بيني وبينه .. أغير بيته ..

قم يامشجع مارس التشجيعا .. كاد المشجع ان يكون هجوما . (( بالله وش احلى بيتي ولا بيته ))!؟!!

** يقولون ادموس ( فلسع ) .. يعني طردوه أهل الاماارت !!

وين اللي طبلوا لأدموس وقالوا عالمي.. وسامي اللي طفشه .. هههههههههه والله حاله !!

وعلى طاري ادموس .. كم وصل سعر البقر !!؟؟!!

وبالله تخيلوا ايامه .. عشان تعرفون أن باكيتا مدرب محسودين عليه ياللي كل ما تعادل الفريق ..

طالبوا بالأقاله .. اللهم لك الحمد



** مايحسب لأدارة ابن مساعد .. بالاضافه لكأس ولي العهد.. هو .. صفقة الخثران ..

والشكر كل الشكر لصالح المحيميد على تكفله بعقده الجديد ..

ويستاهل عبدالعزيز . . فنان .. أخلاق.. هجومي كويس دفاعي ممتاز , حماسي ..

مع احترامي لمضواح والجري وغازي. . هو نمبر ون وتو وثري ..



** للأسف اني ماادخل الشبكات الهلاليه الا كل اسبوع .. تقل أحيان أو تزيد ..

وما دريت ان اخونا ابو ريان تعرض لوعكه الا اليوم ..

سلامات يالغالي.. عساه تكفير .. وحقك علينا الدعاء ونضل مقصرين ..









***************

همسه رومانسيه:

يقولون محشش فتح الثلاجه .. شاف الجلي يرج .. قال لا تخاف بسم الله عليك.. جاي آخذ ماء ..!!

والنكته الاحلى بنظري ..

هي أن الهريفي (( يقيم )) سامي .. ههههههههههههه

ياربيه .. ذا الهر فيفي أحياناُ يغطي على المحششين وسوالفهم..


** مهما يقولون مهما صار مهما تم .. تبقى الجزيره أول وآخر منبر هلالي ...

تحيه تبدأ بالرئيس العبدي وتنتهي برشيد السليم .. مروراً بالهدلق والسليمان والرشيد والعبودي والعجلان والبقيه ..


** محمد بن فيصل ..

قلت احضروا ..

بس يالغالي؟؟ ياخوك ماطلبت شيء ..

أوعدك تكحل عيونك يوم الاثنين بالمدرج الكثيف .. وتستاهل ..

..


طولت أدري ..

أسهبت ..

لكن الزبده .. الحضور ثم الحضور ,

ورجاءا .لا أحد يسرق التصميم .. أوكي يالله فمان الله ..

اشوفكم في الاستاد..
اضافة رد مع اقتباس
  #2  
قديم 03/04/2005, 02:27 PM
زعيــم نشيــط
تاريخ التسجيل: 04/10/2004
مشاركات: 651
والله ياخفت على روحي أول ماقريت الموضوع الهلالي أبو ساره فجعتني ههههه
صباحك فل وياسمين على فكره ترى عندنا في الأستراحه الساعه 7 الظهر أحسن منكم هههههههه
لا وعندنا حر وغبار (( وناكل حنيني ونشرب عصير منقى !!)) أعوذ بالله وسع صدرك أدري شحطة وملغت وسع صدرك
يازين توقيعك تراني حاسدك مين يحصله
المهم الحضور أنشاء الله يبي يبيض الوجه وحنا متفائلين وشكراً على مواضيعك الشيقه (ثانكس) يعني شكراً للي مايعرف صيني ...........قايلك وسع صدرك هههههههههه
تحياتي لك
اضافة رد مع اقتباس
  #3  
قديم 03/04/2005, 02:28 PM
زعيــم نشيــط
تاريخ التسجيل: 14/09/2004
المكان: الرياض
مشاركات: 511
ما شاء الله عليك ابو ساره سواليفك ما تنمل ... وموضوع راااائع الصراحه


وانا بعد صنفني مع خويك السبيعي .. ان شاء الله حاضر حاضر اي مباراة للهلال


والله فشيله من ابو سلطان


وعلى فكره ترا بعدل على التصمييم شوي اذا ما عندك مانع !!
اضافة رد مع اقتباس
  #4  
قديم 03/04/2005, 02:36 PM
زعيــم مميــز
تاريخ التسجيل: 14/01/2004
المكان: منطقة صناعـة اللعب
مشاركات: 1,728
[align=center]

[blink][glow=FFFFFF]هلا111111111111 و غلا111111111111[/glow][/blink]

[blink][glow=FFFFFF]يالله حي الغالي أبو سارة الهلالي ...[/glow][/blink]

والله الواحد يتعب وهو يضحك ...

وعن جد مدري أضحك على نفسي وانا داخل بكل حماس قولتك مدرعم اناظر هالتوقيع ...
وإلا إضحك على كلامك ...

تصدق عاد كنت أتمنى تنزل هالموضوع عقب المباراة علشان الله لايقوله لو تحققت نتيجة غير اللي بالبال يكون هالمقال بمثابة إراحة الأعصاب ...

ياولد إنت شلون تخطر على بالك هالمواضيع ...

[blink][glow=FFFFFF]
إذا كان سامي ملك التسحيب بالمدافعين في ميادين كرة القدم ...

فأنت يابو سارة ملك التسحيب في ميادين الأنترنت والمنتديات ...
[/glow][/blink]

بالنسبة لتصميمك الرائع شخصيا أنا اتوقع الاخوان في مجلة صدى الزعيم يختارونه كأفضل تصميم ...

يعطيك الف مليون عافية يالغالي ...

وبإنتظار موضوعك عقب المباراة ...
[/align]

اخر تعديل كان بواسطة » تغيب الشمس بحلم يومي في يوم » 03/04/2005 عند الساعة » 03:56 PM
اضافة رد مع اقتباس
  #5  
قديم 03/04/2005, 02:52 PM
زعيــم متواصــل
تاريخ التسجيل: 03/06/2004
مشاركات: 184
يابعدي والله يابو سارة والله ان سوالفك ما تنمل والله انتظر مواضيعك

بس اعجبتني حقت احمد شوقي
هههههههههههههههههههههههههههههههههههههه
ههههههههههههههههههههههههههههههههههههههه



تحياتي هلالي
اضافة رد مع اقتباس
  #6  
قديم 03/04/2005, 02:57 PM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
يامال العافيه يابو ساره الحقيقه انك ظريف مره
اضافة رد مع اقتباس
  #7  
قديم 03/04/2005, 03:01 PM
زعيــم مميــز
تاريخ التسجيل: 11/12/2004
المكان: السعودية - الرياض
مشاركات: 1,659
[align=center]وعليكم السلام ورحمه الله وبركاته

ياهلا وغلا فيك ابو سارة والله أشتقنا لك ولكتاباتك الحلوووة

ومن طول الغيبات جاب الغنايم

<---- جاي مدرعم يبي يشوف تصميم أبو سارة

وان شاء الله هالسبعين الف يكون لهم حضور بكرة من زمان ماشفنا الملعب ملينا في مباراة الهلال
عشان يحقق هلالنا نتجيه تكون مريحه له في مباراة الرد

والله يستر مايكون الحضور مثل مباراة الوحدة اللي ينعدون بالاصابع

بس حلو التشبيه حق دفاع الوداد

وانت الصادق هالفريق مهوب سهـل ويلعب كورة صح

أما بالنسبه لاجانب الهلال فهم ممتازين مرة الا هالديسلفا

وتفاريس والله انه مكسب كبير للفريق .. وياليت يستمر مع هلالنا موسم ثاني

وبالنسبه لـ ياعلاية نتمنى أنهم يفكونا من المزمامير وعلى يدك كلم لنا داحم توتا

قم يامشجع مارس التشجيعا .. كاد المشجع ان يكون هجوما
^
^
فري ناااااااااايس

ونشوفك ان شاء الله بكرة في الاستاد ابو سارة

ولاعاد تقاطعنا ;)

فـــهد
[/align]

اخر تعديل كان بواسطة » ..][ فـهـد ][.. في يوم » 03/04/2005 عند الساعة » 03:24 PM
اضافة رد مع اقتباس
  #8  
قديم 03/04/2005, 03:27 PM
زعيــم مميــز
تاريخ التسجيل: 17/11/2004
مشاركات: 1,732
مفاتيح الفوز على الوداد

السلام عليكم ورحمة الله وبركاته

أقل من 48 ساعه ويلتقي الزعيم الهلالي وشقيقه فريق الواداد المغربي في لقاء مرتقب من ربع

نهائي دوري أبطال العرب غدا على الأستاد الدولي الزعيم وضيفه الوداد في لقاء مشتعل من

أول 5 دقائق حتى آخر 5 دقائق ولكن هناك بعض الأمور التي تساعد الفريق غدا أن شاء الله

أنا لست رئيس نادي ولا مدرب ولا لاعب حتى أقول هذا الكلام ولكم مادفعني لقول هذا الكلام هو

شئ واحد فقط حبي للكيان الأزرق :

1 : عدم دخول اللاعبين وهم ضامنين النتيجه بحكم أن المباراة في أرضنا وبين جماهيرنا

2 : أخراج المدرب البرازيلي ( باكيتا ) للاعب ( باولو داسيلفا ) من الشوط الأول أذا لم يقدم شئ

وأدخال اللاعب صغيرالسن وكبير الفن ( أحمد الصويلح ) لما يتمتع به من مقومات اللاعبين الهدافين

3 : حضور الجماهير وتلبية رغبة رئيس النادي ( الأمير محمد بن فيصل ) لما يبذله هذا الشخص الرائع

من أجل ظهور الفريق بأفضل صوره وبأذن الله الفريق راح يفوز بكرا أن شاء الله

ولكم جزيل الشكر يا جماهير الهلال

مع تحياتي للجميع ( زعيم شقراوي )
اضافة رد مع اقتباس
  #9  
قديم 03/04/2005, 03:30 PM
زعيــم مميــز
تاريخ التسجيل: 23/10/2003
مشاركات: 1,612
هلا حبايبي ..

الزعيم عبودي .. مشكور على الكورس الصيني ..

خاوني نتعشى في المطعم الصيني.. بس الحساب عليك لأنك تفهم لهم هههههههههههه

يعطيك العافيه

..........


body 9

لا الله يخليك بلاش احراجات .. التصميم هذا بالذات ما ينلمس ..

تحيه ومشكور لتواصلك معي يابعدهم

(__________

ياسيدهم وينك .. وهلالي مشكورين ويعطيكم العافيه.

_______________

ابو شمس ويييين قالبها اراضي ومساحات خخخخخخخخخخ

يالله انتظرك بالذات

تغيب الشمس ( ليش لما اكتب هو أول من يكون على بالي ))

________________________

فهد هلا وغلا ..

الغنيمه ياقلبي ان الواحد يتواصل مع اخوان له مثلكم .,

والله لايجيب القطاعه ..

والتشبيهات والتصاميم هذي حقوقها محفوظه..

اسعتني مداخلتك ..

والملعب بكره نبيه فل على قولتك ان شاء الله.

............





اشوفكم بعدين سلام
اضافة رد مع اقتباس
  #10  
قديم 03/04/2005, 03:32 PM
الصورة الرمزية الخاصة بـ حبايب انا والهلال
مشرف منتدى الرياضه السعوديه
ومنتدى المنتخب السعودي
تاريخ التسجيل: 03/03/2003
المكان: المملكة العربية السعودية
مشاركات: 5,146
اشتقنالك يابو سارة


اهلا بالعودة ومواضيعك الرائعه
اضافة رد مع اقتباس
  #11  
قديم 03/04/2005, 04:05 PM
الصورة الرمزية الخاصة بـ ابو طيف الهلالي
زعيــم متواصــل
تاريخ التسجيل: 11/03/2005
المكان: جده
مشاركات: 167
هلا وغلا بابو ساره ما شاء الله عليك مواضيعك فيها تشبيهات على الطاير جميله جداً
نشوف موضوعك بعد المباراة ان شاء الله
ـــــــــــــــــــــــــــــــــــــــــــــــــــــــــــــــــ
مع خالص تحياتي لك
اضافة رد مع اقتباس
  #12  
قديم 03/04/2005, 04:10 PM
زعيــم نشيــط
تاريخ التسجيل: 14/10/2002
المكان: مـمـلـكـة الـزعـيـم
مشاركات: 662
[align=center][frame="7 80"]حيالله الهلالي ابو سارة...

ياخي انت والله عليك مواضيع توسع الصدر تطرب الواحد اخ بس يا القهر لو عندنا في المنتدى واحد ثاني مثلك

كان طلعتوا اثنين ابو سارة <<<<<<<<<<<يستخف دمه


على العموم مشكور يا الغالي على موضوعك الراااايق وانشاء الله بكون من اول الحاضرين بكررره


[grade="00BFFF 4169E1 0000FF"]اخوكـ روحي الزعيمـ[/grade][/frame][/align]
اضافة رد مع اقتباس
  #13  
قديم 03/04/2005, 04:13 PM
زعيــم مميــز
تاريخ التسجيل: 28/11/2001
المكان: اينما يكوون الزعيم LoNDoN
مشاركات: 10,365
هلا وغلا بابو ساره ما شاء الله عليك
اضافة رد مع اقتباس
  #14  
قديم 03/04/2005, 05:04 PM
زعيــم متألــق
تاريخ التسجيل: 26/04/2004
المكان: الشـــــــــــرقية
مشاركات: 1,165
ياهلا والله وغلا ومسهلا ومرحبا<<<مابقى شي

يالله إن تحيي أبوساره وشذا التنسيم على الصبح

والله متحمس قلت أبي أشوف التوقيع بس الصراحة

مايعلى عليه بينحط كأفضل توقيع هالموسم

وإن شاء الجمهور بيكونم 70ألف وزود

وسلملي على خويك فهد.....
هذا الهلالي اللي عليه الكلام


وكل الشكر لصالح المحيميد على هذا الدعم
ويستاهل الخثران

وتسلم يالخالدي أبوسارهـــ

ونستنى موضوعك بعد الفوز إن شاء الله
اضافة رد مع اقتباس
  #15  
قديم 03/04/2005, 05:20 PM
زعيــم مميــز
تاريخ التسجيل: 23/10/2003
مشاركات: 1,612
هلالي

زعيم أسيا

روحي الزعيم

ابو طيف الهلالي..

مشكورين وكلامكم تاج على راسي من فوق..

_______________________

اخوي تغيب الشمس ..

صدقني انا متفائل بأذن الله ان بعد المباراة ماراح نحتاج مقالات تهدي الأعصاب ..

متفائل بنتيجه روووعه وحضوور أورع ..

وأذكرك بحول الله ..


____________


ابن آخي ندفد .. هلا وغلا ..

وين هالغيبات ؟؟؟؟؟

وأثني ( روعه اثني) على كلامك ..

فعلاً الشيخ المحيميد يستحق كل الشكر ..

مشكور ياخوك على التواصل المستمر ..


اخوكم الخالدي الهلالي ابو سارة ..

(((( قالت لي قلبك وين..؟؟؟

قلت لها ناسيه ..

قالت لي : وينه ؟؟

قلت: وسط العريجا ..

آآآآآآآه ياحبني لك يالعريجا .. احبها من حب ساكنها ..

الهلال
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:09 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube