اولا هاردلك تعادل منتخبنا مع المنتخب الكويتي

حقيقة تاخرت في طرح الموضوع لأني ما وصلت من الكويت غير البارح في الليل

وبصراحة الشباب ما قصروا في موضوع المباراة

لكن عندي تعليقات بسيطه على بعض النقاط

اول شي قبل ما اروح الكويت سمعت تحذيرات من الشباب كأني رايح ساحة معركة

واني راح الاقي مضايقات من يوم اوصل الجوازات

وبصراحه بديت اخاف

لكن من يوم وصلت عند الجوازات كان التعامل لا باس فيه

طبعا خفت اروح الملعب بسيارة سعوديه من الكلام الي سمعته

فطلعت مع واحد زميلي كويتي بسيارته

اسوأ تنظيم شفته في حياتي في اي ملعب

والسبب الدخول المجاني

هذا اكبر حضور جماهيري في الملاعب الكويتيه من 1986 وكانت مباراة فنلندا والكويت (وديه طبعا)

الملعب اغلق من الساعه 5 ونص

ما بقي غير المدرجات السعوديه ما امتلت لانه الباصات الي جايه من السعودية ما كانت وصلت

دخلنا المدرجات السعودية وكان معاي 2 من الشباب كويتيين

وبصراحه انصدمت لاني لقيت المدرجات السعوديه مليانه جمهور كويتي

وبعد نص ساعه امتلت المدرجات السعوديه وكان حوالي ثلثين المدرجات السعودية من الجمهور الكويتي

تقريبا في الدقيقه 10 الشوط الاول دخل جمهور سعودي كبير وكانت المدرجات مليانه

اضطر اغلب الجمهور يبقى واقف يتفرج

قدامي كان مجموعة كويتيين يدورون مشاكل

5 رجال معاهم ولدين صغار يحاولون يجلسون الجمهور السعودي بالعبط

يرمونهم بالفصفص واي شي في يدهم

واسمعهم يسبو سب اعوذ بالله

بصراحه اخر الشوط الاول ما قدرت امسك نفسي من الكلام الي سمعته

صار اخذ وعطا في الكلام بيني وبينه وبصراحه شكله ايراني نفسي لعبت منه

طبعا اسوأ موقع ممكن الواحد يشوف مباراة منه خلف المرمى مباشرة ما نشوف غير قفا كنكوني وزايد

حصل موقف عرفت فيه قد ايش سامي مرعب ( كبير يا ابو عبدالله)

مجموعة من الجمهور الكويتي قدامي يتكلمو عن المنتخب يقولو مافي غير سامي في السعودية والباقيين تكلمة عدد طبعا ما قدرت اسكت
قلتله المنتخب كله بمستوى سامي قالي لا ما في غير سامي
قلتله ان كان مافي غير سامي فهو عن 11 لاعب من عندكم طبعا ما رد

نص الجمهور الكويتي كان اطفال لدرجة اني شكيت اني داخل ملاهي

الجمهور الكويتي غير فعّال ابداااا

كان الجمهور السعودي منقسم الى 3 اقسام و3 روابط والسبب التنظيم الفاشل من ادارة الملعب

بعد نهاية المباراة صار رمي قوارير مويه واي شي يطيح في اليد بين الجمهور الكويتي والسعودي

واغلب المشاركين في الي صار كانوا من الصغار وفرحانيييين

بس الحق يقال بصراحه ما صار اي شي من المتوقع

بعد المباراة نزلنا واعلام السعودية على كتوفنا ورحنا جهة المدرجات الكويتيه وما صار اي احتكاكات بالعكس كنا نسمع تعليقات يعطيكم العافية وما قصرتوا من الجمهور الكويتي

وما حصل اي شي للسيارات السعودية يمكن لان نتيجة المباراة كانت تعادل

عموما مبروك نقطة التعادل للمنتخب الكويتي وحظ اوفر لمنتخبنا والوعد الرياض ان شالله