|
صعبة حضور الجمهور السعودي في مباراة الكويت القادمة؟؟!!! تفاجأت وأنا أطالع جدول التصفيات عندما رأيت أن مباراة المنتخب السعودي مع الكويت يصادف تاريخ مزعج جدأ لجميع من يريد حضور المباراة الهامة والمصيرية.. التاريخ هو الجمعة 26 ربيع الآخر 1426 هـ الموافق 3 يونيو 2005م أوزباكستان --:-- كوريا الجنوبيه 15:05 السعودية --:-- الكويت 17:05 السعودية الرياضية وتعرفون أن يوم السبت 27-4-1426هـ يواف أول أيام الاختبارات النهائية.... والله قهر.. حتى مباراة اوزباكستان في الأسبوع الذي يليه والاختبارت على أشدها..... فالله يوفقهم.... |
اوه والله صج قهررررررررررر المشكلة اكثر شي هم حضور الطلاب :( الله يعينهم :( والله يوفقك يالاخصر بس ترى عندك خطا مباراة السعوديه مع الكويت 20:30 |
ما عليك الشعب السعودي بيجون لو ايشششششششششششششششش :thumbup: :clapping: وانا اولهم ان شاء الله هذا مطلب وطني وما راح يعيقنا لا اختبارات ولا غيره (ندرس اربعاء وخميس s60s ) |
قهر والله,,, الله يعين من الاختبارات انا ان شاء الله ابحضر المباراة في الاربعاء والخميس مذاكره |
حاضرين حاضرين الله لا يعوق بشر الدراسة ووخلصناهاا والعلوم الطيبه بيشوفونها الكوتيين بالملعب انشالله |
انا اكون موجود ان شاء الله |
اعتقد ان ساعتين فقط...ماهي مانعتنا من مؤازرة الأخضـــــر |
تمنى من الاتحاد الاسعودي التنسيق لاجل اولا مصلة الطلاب لان لو ماتغير وقت المبارة متاكد من هناك من سيتضرر لان الطلاب بيكون مشغل بالمبارة ولايستطيع التركيز على اختباره وسيضيع ربما مجهود ترم على مبارة!!لانه لو ماحضر بيشاهدها على التلفزيون وبيكون على حساب دراسته ثانيا لاجل المنتخب في مهمه ومنعطف كبير لانه فوزه بيحدد بنسبه كبيره تأهله من عدمه...وحضور الجمهور مهم جداً فنتمنى تقديم المبارة ويفضل تأخيرها .... لتكون بالاجازة....واذا كان هناك رفض من مسئولين الفيفا او الاتحاد الكويتي او الاسيوي... نتمنى من التعاون مع وزارة التعليم ..لينسقون لو يأخرون الاختبارة مثلا تبدأ يوم السبت اللي بعده او على الاقل تبدا الاثنين مثلا ليكون متسع من الوقت للطلاب لمذاكرة!! ونتمنى ان نرى الاتحاد السعودي يبحث عن مصلحة الطلاب ومن ثم المنتخب لان اعتقد المبارة بالتعارض هذا الطلاب لاهم حاضرين المبارة ولا هم اللي مذاكرين لانهم بيشاهدونها بالمنزل!! |
إقتباس:
من جدك انت ..... كاس العالم بكبره كان في وقت الاختبارت ولا غيروا اي شي بوقت الاختبارت انا عصرت كاس العالم و طول عمره كان بختبارت فما بالك بتصفيات كاس العالم يعني الحل الوحيد انكم تدرسون يوم الربوع وا لخميس وبعدين تروحون المباره غير كذا انا اول مره اشوف في احد راح يحضر في اسبوع المراجعه واتمنا من طلاب الجامعات الحضور للمبريات .......... ديما الجامعين يخلصون بدري s60s والي في الثنوي والمتوسط الله يعينهم |
انشالله الملعب فل واكيد طلاب المدارس وانا منهم :d يدرون عن توقيت المباراه والماده اللي راح تكون عليهم يوم السبت من قبل اسبوعين يذاكرونه بس اللي في ثالث ثنوي انصحه مايجي |
[align=center]التوقيت عادي جداً الطلاب عندهم ربوع وخميس و صبح وعصر يوم الجمعة ... يمديهم فيها يحفظوم صحيح البخاري :D أتمنى أنها ما تكون عذر لسكان الرياض ... المباراة ستكون بعد صلاة العشاء ... ولا أظن إن فيه أحد يبدأ يذاكر بعد صلاة العشاء !! وبالتوفيق للصقوووور s13s [/align] |
يالله والتذاكر صات مجان ...... يعني مافي شي يمعك s60s |
الصراحة الوقت ماهو بصالح الاخضر لكن ان شاء الله نشوف جماهير وأتمنى يكون الاربعاء والخميس للمذاكرة وفي الاخير أتمنى التوفيق للأخضر |
الله يعطيك العافيه بس الجامعات تخلص قبل بأسبوع s60s |
الله وأكبر يامجتهد :d معقووله يعني ماراح تشوف المباراة؟؟ انت شايفها شايفها ولو حضرت للملعب احسن من انك تشوفها بالبيت عندك اسبوعين قبل المباراة معروفه مافيها دراسه كل طلاب الثانويه يغيبون عشان يذاكرون وعندك الاربعاء والخميس ذاكر على كيف كيفك ويوم الجمعه قبل المغرب رح للملعب اذا منت حريض على مقعد مناسب والساعه 11 وانت بالبيت ارقد واصحى ذاكر لك شوي ورح اختبر :d ماهو عذر الاختبارات نبي نشوف الملعب 70000 ألف متفرج نبي ترجع ايام كأس الخليج هي أقرب مباراة اذكر ان الملعب امتلى فيها وهذا البلوي ماقصر الدخوول مجاناً شدوا حيلكم ولو يكون فيه ترتيب بالمدرجات بحيث يكون الجمهور كله أخضر بيعطي هيبه للمنتخب وروح للاعبين المنتخب ورهبة في المنتخب الكويتي ;) والله يوفق الاخضر |
| الوقت المعتمد في المنتدى بتوقيت جرينتش +3.
الوقت الان » 04:45 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd