|
حنا السعوديين صراخ ولجلجة واخرتها اللي يقوله فلمبان يمشي غصب عن خشومنا فلمبان سوى اللي يبي وحطنا حنا والامارات على روؤس المجموعات وحط اقوى المنتخبات في مجموعة واضعفها في مجموعة ومشى كلامه وضرب بالقوانين عرض الحائط وضرب بالتصنيفات العالمية عرض الحائط ومشى كلامه غصب غصب غصب عن كل السعوديين اللي فالحين بالصراخ والجلجة في الملاحق واذا جاء كاتب رياضي وكتب ان القرعة غير عادله في اخر سطر من مقاله قلنا من هو هذا الجرى اللي قدر يتكلم!!!!!!!! فلمبان يتحدنا علنا اما الملا ويقول (....... ما اشوف انتم يالسعوديين) وحنا ما نقول الا السعوديه تحب الطريق الصعب وحنا نعشق الصعب وسنتاهل رغم كل شي (هذا اللي حنا فالحين فيه) طيب افرضوا لو ما تاهلنا بسبب القرعة الغلط هذي وش نسوي :- (نقشر بصل) ولا نقول السبب( التحكيم) على قولة (عبدالرحمن بن سعود) ياناس عمره ما كان الصراخ والسواليف مفيدة ولا ذات مردود ايجابي تخيل الناس في كاس العالم تلعب وتقدم وحنا قاعدين نتابع مباراة في الدوري السعودي بلاعبين المنتخب اللي المفروض انهم هناك في اليابان لو حنا تاهلنا والسبب هو ان بيتر فلمبان مزاجه ان القرعه تمشي كذا غصب عنكم يالسعودين ياللي ما لكم كلمه ولا لكم راي وكل شي يمشي عليكم غصب واللي فيه خير يرفع راسه ياناس ا لمنتخبات اللي مستواها بمستوى اندية الدرجة الثالثه عندنا قاعدة تلعب في نهايه كاس العالم وحنا (نعشق الطريق الصعب في الدوري السعودي) اقول خل الطريق الصعب ينفعنا اذا شفت الامارات اللي الهند واليمن شرشحوها اقول اذا شفنا الامارات ولا قطر ولاعمان تلعب في كاس العالم وحنا شاطرين نقول (نحن نعشق التحدى والطريق الصعب) اقول ياشينها اذا صاروا لاعبينا الدولين في القاهره وكازا بلنكا ومنتخب عمان اوالامارات مع مجموعة الارجنتين ولا فرنسا (بالله تخيلوا) انا ما قدرت اتخيل صعبه شوي على تفكيري وارجع واقول انه كله بسبب اننا حنا السعوديين مساكين الكلام يمشي علينا غصب واتخيل فلمبان يقول لنا انا اسوي اللي ابي وانتم انا عارفكم حدكم كلمة ( نحن نعشق الطريق الصعب) والله ان متوقع ان الكلام ما راح ينفعنا في التصفيات واللي قاهرني زيادة هو السعوديين اللي في الاتحاد الدولي والاسيوي يعني وش قاعدين يسوون ولا مبسوطيين على السفريات وفنادق الخمس نجوم واخر شي يفكرون فيه هو القرعه الغريبه هذي انا اتخيل ان بعضهم ما يدري وش المجموعات الى الان وقولوا خلودي ما قاله يا حقيين الطريق الصعب انتم (الله يرحمك يافيصل بن فهد الي وقفت ضد دولة اليابان ودول شرق اسياء وشعوبها كلها وخليت النصر يلعب في بطولة انديه العالم الاولى غصب عنهم رغم انه المفروض جبيليوا يلعب بالبطوله وليس النصر) الاعزاء ادارة الموقع ارجوا عدم حذف الموضوع لان الواحد يحب يفضفض عن اللي بقلبه شوي من فلمبان وعمايله فينا وحنا حدنا (عشق الطريق الصعب) (ايه هين) (الوعد الدوري ) قال ايه قال كاس عالم (افلقني يابو الشباب) والسلام عليكم |
يأخي الكريم ليس هناك داعي للتهجم على المنتخبات الشقيقه ونرجو لهم التوفيق في المباريات القادمه اما بالنسبه لما فعله طرمبان فهو شيء عادي وهو نتاج مافعله الخونه في الثنيان خاصه والهلال عامه. للمعلوميه الخونه هم من قاتل حتى جعلو من عانس نجد احد الفرق المتاهله الى كاس العالم للأنديه بدون وجه حق اين هم الآن. لااقول سوى حسبي الله ونعم الوكيل |
أما من ناحية كلام وتصاريح (( خذ كلام وتصاريح )) عندنا واجد وأما فعل وتحركات ((على حسب الواسطة والمعطيات والعنصرية)) وأزيدك من الشعر بيت وأنا أخوك : ياخوي ذبحتنا العنضرية والله ذبحتنا والعالم تطور وواصله القمر وأنا جالسين نحقد على بعض وأنت لا منت منا وانت الا منا تعال مدري متى بنصير يد وحده نتعاون للرقي والوصول إلى أعلى المستويات بيد جماعية ؟؟؟ وعن مثل ما قال abdullah طرمبان هذا مهوب على راحته على راحت اللي راضين به وبقراراته الصارمة ضد الكرة السعودية والهلال خاصة ... تحياتي ,,, |
اول واكثر واحد يتحمل هذة المهزلة هو الوليد بن بدر اللي صار لة ثلاث سنوات لة عضوية في الاتحاد الاسيوي ولانفع الا نادية المفضل النصر وخلاة يتاهل لكاس العالم والثنيان يوقف ونادي القرن يروح على الهلال بمباركة منة وتشجيع لفليبان |
تسلم والله بس يا خوي البلا ماهو طرمبان (( على قولة أخونا )) البلا والله ربيعنا السعوديين اللي ماسكين مناصب في هالاتحاد .......:D |
عبدالله حساس صمام الامان سعد الهلالي حنا نبي ناس في الاتحاد الاسيوي يقولون (لا) اذا صار شي ضد السعوديه مانبي ناس اذا قال فلمبان شي يقولون حاضر على امرك. بس وينهم اضن حتى بالحلم ما فيه ناس كذا اللي ما يهمهم مناصبهم في سبيل وطنيتهم |
اخوي khlloodi .. اشوف انك بالغت شوي .. فلمبان يمكن معروف بمواقفه ضد السعودية .. بس ما اتصور ان القرعه جت برغبة منه هو بالذات .. يمكن في البداية كان فيه سوء تخطيط .. او يمكن غباء وجهل باللوائح والانظمة .. بس مايتحمل هذا كله هو لحاله .. لان الشرهه على اللي حوله .. وفي النهاية الحظ ماحالفنا .. وصارت ايران مع مجموعة السعودية .. وانت تتصور ان الاتحاد السعودي ممكن يعترض على قرار الاتحاد الاسيوي في ان الامارات راح تكون على راس مجموعه مع السعودية ؟؟ طبعا لا .. لان الاتحاد السعودي اخذها بعزة نفس .. يمكن الاتحاد السعودي يتدخل لو كانت غير السعوديه مع الامارات على راس المجموعات علشان يرجّع هيبة الكرة السعودية .. والحين بعد ما انتهى الموضوع .. وصارت السعودية مع ايران والعراق في مجموعه وحده .. ماعلى الاتحاد السعودي الا المطالبة الجادة بحل هالاتحاد .. ومشكور اخوي .. |
الغالي (khlloodi)### اولا الحمد الله على السلامة واخيرا شفنا لك موضوع@ بخصوص فلمبان الامر محسوم ولا ازيد على ماقلتة ياغالي بخصوص القرعة والله اني متفائل مدري لية وكنت اتمنى اننا نتجنب اللامارات وعمان لانهم بيلعبون باسلوب دفاعي وقفل المنطقة لكن ايران والعراق لعبهم مفتوح اكثر وحنا نقول الله يوفقنا ونتاهل باذن الله ,,, تحياتي لك ياغالي,,, """""""""""""""""""""" |
هلالية سدير حياك الله انا ما بالغت ولكن الروح الانهزاميه اللي عندنا تخلينا نوافق على كل شي ولا المفروض من قبل القرعه نمنع المهزله حبيبي الفكر مساك الله بالخير اتمنى الوصول للنهائيات بس عندي احساس قوي اننا بنسنتر في الرياض بعد التصفيات لاسباب كثيرة |
هلا والله بخالد : اخوي العزيز الاتحاد الاسيوي وفلمبان حاقدين على السعودية من زمان وهذا على ما اعتقد شي معروف . يا حظ الصين الي اخذتها على طبق من بلاتين ما هو ذهب وبس التاهل بين يدينها واذا ما تاهلت الحين الصين متى راح تتاهل . وانا مع الاخ حساس في كلامه عن العنصرية , يا اخوان اذا راح الواحد الملعب يبي يحظر مباراة المنتخب الا ويشوف اعلام الهلال والنصر والاتحاد والاهلي وغيرهم , وكتابات مالها صلة بالمباراة . المفروض اذا كان الواحد يشجع يشجع المنتخب وهو ناسي فريقه الاساسي لان مصلحة المنتخب اهم , وفي ناس ما تشجع المنتخب علشان المنتخب ضم لاعبين اكثر من الفريق الفلاني وما ضم النجم العلتاني , هذي مشكلة لازم تنحل قبل مشكلة القرعة . القرعة ان شاء الله يوفق المنتخب ويقدر يتاهل وكم مرة وتاهلنا عن طريق المجموعات القوية بس ما هو كل مرة تسلم الجرة . اخوي تفائلوا بالخير تجدوه . وياله يارب ينقلع فلمبان والاتحاد الاسيوي ويجي اعضاء جدد فاهمين . |
سلااااام اولا على فكره هذا اتحاد اسمه ادفع واطلب امر وكلنا نعرف الشى هذا العالم تشتغل من ورانا واحنا نحتج ونهدد وليه كذا وكله كلاااام بس للاسف والعالم تدفع من ورانا وتحصل اللى تبى واكبر دليل قرار الساعتين وكيف تغير ب 5 مليون دولار لاحظو سرعه التغير بساعتين بس اذا ليه نستغرب الوضع مكشوف للجميع ومن زماان والاتحاد هذا ضد الهلال يعنى ما تحركو وقالو انه غلط الا يوم صار ضد المنتخب وووينكم يوم الاتحاد هذا يلعب بالهلال ولاعبين الهلال؟؟ الاتحاد السعودى صدر وقف قرار الثنان ولاحظنا انه مؤيد جداا للقرار ولا ننسى الاخ الجمعان اللى ترك اهله وطارر لجده عشان يسلم الهلال قرار وقف الثنيان ؟؟؟ اذا كل شى مكشوف من زماان ولكن الهلال اظلمووه العبو فيه ما علينا منه وصدقوونى العقووبه جاايه بالطرريق وراح يتضرر المنتخب اكثر واكثر خلوهم يحسون الهلال من سنوات وهو مظلووم وساكتين واسف على الاطاله |
حبيبي فهودي حبيبي هلالي ويكفي انا كتبت موضوع عن الانتقال الى الاتحاد الافريقي قبل كذا ومن كلامكم احس ان الانتقال صار واجب علينا وان الاتحاد الخربوطي الاسيوي ما عاد يمسك مسؤوليه وهذا سكرتيره |
| الوقت المعتمد في المنتدى بتوقيت جرينتش +3.
الوقت الان » 03:45 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd