للجميع مع التحية والتقدير ,,,
طبعاً الكل سمع عن المدرس اللي يقولون أنه جاب قطعة رياضية وأخطاء ووو ... الخ .
أن مع أحترامي للي يقولون أن هذا خطاء ما شوف أن فيه أي خطاء وبعدين وين الخطاء فيه إذا كأن فيه خطاء ؟ الرجال وبعيد عن التعصب ما جاب شي من براء جاب حادثة واقعية في بلادنا وإنجاز كروي وحب يسهل الأختبار على الطلاب مساعدة منه والمفروض يشاد بهذا الاستاذ والا بؤخذ عليه ونص القطعة اللي ذكرها ما فيه شي يدعي للتفرقة والتعصب بالعكس كلام رياضي عن أنتصار للكرة السعودية وعن ما حققت ولكن الظاهر أن اللي في إدارة التعليم لهم منظور خاص تجاه من يتكلم عن الإنجازات مدري ليه ............ هذا التخلف . (بعيد عن هلال ونثر) .
وإذا كأن أخطاء في نظر البعض وش تبون يقول ويكتب وش تبون القطعة تكون عنه .
تبون فيها من نوع ...
( أبي فوق الشجرة ودجاجتي لم تبيض والعصفور غرد وأمي الجميلة سافرت . . . )
هذا يذكرني وهذي للقداماء فقط ( سامي يلعب كورة ودخل قول )
تبون ها الخربيط لا هذا ما أشوف أنه تطور تعليمي بالعكس هذا تخلف وهذا له زمانه
أجل أبي فوق الشجرة والله لو يكتب لي مدرس أعرب أبوك فوق الشجرة لقوم ..... أيه) .
لازم نشيد فيه والله أن أقول كذا لأن المشكلة إذا عاقبو هذا المدرس مصيبة لأنه لو واحد منا طلع الفضاء بكرة وأعتبرناه إنجاز لنا ومفخرة بيخافون المدرسين يكتبون عنه صح والا ياجماعة . . . في الخارج وفي الدول المتقدمة خصيصاً .
( طبعاً ما أقصد نسلك مسلكهم لا حنا لنا دينا وقيمنا اللي ما تخلينا نتبعهم في بعض الأشياء) بس للمعلومية يكتبون عن الحيوانات (تكرمون) وعن ما تتعرض له بس يكون شي واقعي أو حادثة صارت ويخذون فيها بحوث لسنوات طويلة .
وأتمنى من إدارة التعليم الإشادة بهذا المدرس وما ذكر وبعدين هو أعتقد أنه جاب القطعة نقلا عن جريدة أو عن مقال في جريدة وبهذا دفع الطلاب السنة الجاية أنهم يتابعون المجالات والإنجازات اللي تحصل في بلادنا ولفت الأنتباه للإنجازات أي أن كأنت .
ملاحظة هامة / التخلف والتعصب لو يطلع مدرس بكرة يكتب قطعة ضد الهلال لطلابه وهو عاجز على أن يجيب إنجاز وطني أي أن كأن لطلابه . ويكتب قطعة لهدف شخصي فقط .
عموماً هذا رأئي وسبق أني ذكرت بعض الشي منه في رد على أحد الأخوان ولكن للأهمية حبيت أذكره للجميع .
أخوي أبو سليمان . . . بعد أطيب تحية
الله يصبحك بكل خير وبالرضى والعافية إن شاء الله وأسعد الله جميع أوقاتك عزيزي
أخوي أبو سليمانً أسعدني ردك . ولكن تمنيات أنك تقرأ في كلامي (الملاحظة الهامة) وتعرف وش أنا أقصد منها . والأهم من هذا اللي أقصده وأنا أخوك وذكرته بعيد عن ما ذكرت أنت في ردك الكريم فأنا لا أقول نبعد بأفكار الطلاب بالعكس أن أقول نشيد ونذكر إنجازاتنا للطلب سوء كروية أو غيرها فأنا ام أذكر الإنجازات الكروية فقط أنا ذكرت جميع المجالات (الطب , الرياضة , التقنية , ..... الخ) .
وللتوضيح بمعنى أخر لو مثلا أخ أو قريب لك أو صديق فاز بجائزة تستحق الثناء في علم معين أو أختراع معين أو حصل على كأس أفضل لاعب عالمي في كرة التنس الأرضي ليه ما نذكر هذا الإنجاز على شكل قطعة للطلاب مفخرة لما وصل له أخوك أو قريبك ومفخرة لما حقق لبلاده وبأسم بلاده وهذا فيه تشجيع كبير للطلاب بأن يكون لهم قدوة بما حقق من نصر أنا ودي بعد يذكر (هادي صوعان) لما حقق لبلاده عادي وأنا أخوك هذا المنظور للتنافس الشريف ولا تفهمني غلط أنا ما أقول التنافس الكروي في الدرجة الاولي ويبعدنا عن التعليم لا .
للمعلومية المدرس مخير بذكر القطعة المناسبة وش تشوف المناسب أنه يقول
(الحياة في السابق كأنت شقا وتعب واما حاظرنا الان فهو في تقدم وتطور سريع ... )
طيب هذا مذكور في وسائل الأعلام وملموس للجميع والكل له منظور لابد أستغلاله في التمييز في كل ما همو جديد .
لكن الإنجاز ما يجي كل عام في الكرة ومحصور فيها وللهلال فقط لا التنافش للجميع في الكرة وغير الكرة حتى المؤسسات والشركات الأهلية لو أشادو فيها وبإنجازها معناه دفعو بعجلة التنافس الشريف المحقق للفائدة للأمام .
أتمنى أن ترجع للملاحظة أو للموضوع كاكل مرة ثانية وتركز وش قصدي من موضوعي .
وألف شكر على ردك الكريم أبو سليمان وأنت أخو عزيز وغالي وأختلافنا يزيد علاقة الود ولا تزعل من ردي هذا أو من أي شي فيه بس كأن مجرد للتوضيح أتمنى قبوله بصدر رحب .
أسمحلي أنا معك في شي وأناقضك في أشياء . . .
أخوي أنا معك في نظرتك للمجتمع وفي عواطفهم (( سريعين الزعل .... ))
لكن أسمحلي وهذا رأئي أن أقول لوطُـلب من معلم أو معلمة تنسيق الوان أوغيره للتميز الصف هذا ما فيها أي شي ولو تطرق أحد الطلاب لأن هذا المقصد منه التحايد للهلال أو لأي فريق فهذا المطلب أن نعرف منهو اللي تفكيره وصل للتحايد من الطلاب ونعالج أفكاره .
أنا بطلع عن المعلم في حادثة سبق وأن صارت وأنا أخوك :
أعرف لك أحد الأشخاص طبعاً معرفة قوية . وهو أشوي متعصب نصراوي جدا جدا جدا وكاتب رائع جدا جدا جدا طبعاً مجال كتابته في غير الرياضة لكن له مفهوم واسع في أمور الرياضة . كأن من أحد الكتاب اللي حصل على جوايز قيمة وحصل على شهادات من كتاب سبقوه في هذا المجال وحصل أعلاميا على درجات نجاح لما يمتلكه من أسلوب وغير ذلك أبختصر عليك الموضوع . . . المهم يالحبيب جاه عضو شرف نصراوي وقاله بما أنك كاتب أبيك تنقد وبشده لون ((سلات المهملات)) يمكن البعض عرف منهو قال أخينا أبشر طبعاً هذا الكلام قديم له قرابة الخمس سنوات . . . كتب موضوع ورفع شكوى ووو الخ ولما سألوه بعض الكتاب الكبار عن السبب اللي خلاه يكتب عن لونها الاصفر والتطرق لهذا الموضوع والاصرار فيه قال علشأن اللون يشبه لشعار نادي النصر والاتحاد والانصار ذكر جميع اللأوان اللي فيها لون أصفر المهم سأله أحد المنتقدين له قال طيب وش رايك في الصرف الصحي تكرم ويكرم القراء سكت لفترة قال دور اللوان اللي الموجوده وخالف طبيعة الحياة كلها على شأن النصر وغيره وخلك بتخلف وتخبط من هم أصحاب النظرة المحدودة . . . شف وراعي الموضع حي ولو تبي جبته لك الموضوع اللي تحسف حسافة كاملة فيه هو هذا الموضوع . وإلى اليوم وهو متندم وطاحة النظرة من ناس كثيرين فيما يكتب حتى من نصراويين انتقدوه ويمكن أشتهرت قصته فترة من الفترات . المهم شف وأنا أخوك المنظور اللي نظر فيه للموضوع منظور خاطي مائة بالمائة .
فالمقصود أن الإنجاز اللي تحدث عنه المعلم بعيد عن هلال ونصر هو حب يجيب القطعة على شكل حدث كروي أو إنجاز كروي أن صح التعبير (مثل أستاذ الملك فهد) لو جاء في قطعة هل من المعقول أن نقول ليه ما ذكر (أستاذ الأمير عبدالله الفيص بجدة) في قطعة ونخاصم ونناقش طبعا لا .
وأنا معك لو المعلم وهذا بعد إطلاعي على نص القطعة لو ذكر (نعم يعيش الهلال) ومن هذا القبيل كأن أقول أن له ميول ومن العيب عليه ذكر هذا الميول في أختبارات وغيره لكن المشكلة أن القطعة خالية من العنصرية وراجعها بنفسك وتشوف أنها خالية من العنصرية بتاتا وتعتبر كإنجاز للكرة السعودية .
وتاكد أخوي في كلامك (( أرجو أن يكون فكري قد وصل اليك )) اللي في الأخير .
تأكد أته وصل وعارف وش تقصد وأنا معك في هذي النقطة بس إلى متى نصبر ونسكت ؟
أسعدني جدا أن يكون شخص مثلك هو من يناقش الموضوع وأسعدني كذلك غيرتك على التعليم والمعلمين والطلاب الله يكثر من أمثالك .
حتى ولو كان المعلم قد أخطاء ولا أضنه كذلك فلا يمكن لهذا الخطاء أن يصل لدرجة مايتفوه به رمزهم من اساءت متكررة للرياضين عموما في الداخل والخارج وللهلاليين على وجه الخصوص !!!
وبعدين تبي الصراحة انا اعتبره أشجع هلالي على هذه المعمورة !!!
وتسلم يالغالي
أنت صادق فيما قلت وصدقني ما زلت أقول مثلك أنه يعجبني
والمفروض نفكر نطلع من الشي المعتاد اللي تعودنا عليه
من أول ما وضعت المناهج الى الوقت الحالي بعيد عن التعصب . . .
الأخ الغالي حساس ..
رأيك وافي وكفيت في هذا الموضوع لكن لي رأي .. ( إذا ممكن )
لو أخذنا الموضوع من معيارين أثنين ..
معيار ( الوطن ) .. أعتقد أن المدرس قد أصاب ولم يأت بجديد .. فالزعيم أحد أندية الوطن ولكن وبعيداً عن العاطفة .. ( ماذا لو كتب المدرس عن إنجاز الهلال الآسيوي الأخير ) .. ؟؟
معيار ( التعصب ) وهذا مما أثار العالم على هذا المدرس ..
فالأخوة النصراويين لاشك أنهم لايعجبهم ذلك ..ولايرضيهم وتجد أنهم هم من حرث عن هذا الموضوع وهم من يحاول إيذاء هذا المدرس .. أعتقد أن معهم حق ..( تقول ليش )
شف ياخوي ماذا لو كتب أحد المدرسين عن فوز النصر عام 1415 هـ على الهلال 3/1 في النهائي ..
ماذا سيكون ردة فعل الناس ..؟؟ أكيد أنها ستكون مثل أخينا وأكثر ...؟؟
إذن ومن معيار ( التعصب ) أعتقد أن المدرس أخطأ في مثل هذا الموضوع ....؟؟
وصدقني لو كتب المدرس عن بطولة للمنتخب أو أي فريق سعودي ( بطولة خارجية ) لأصبح الأمر عادياً .....
لكن موضوعك وتشبيهاتك ( مقلعة ) وتصلح لمنتدى الأقلاع ;)
الغالي حساس والغالي سور الصين ولايهون اخوي ابو سليمان
اللي يسمع او يقرأ كلام اخواني الهلاليين العقلانيين او الموضوعيين يعتقد بان الساحة خالية من الشوائب ومن التعصب بل يعتقد لاول وهلة ان مجتمع المعلمين والطلبة خالي من التعصب فلو رجعنا الى الواقع لوجدنا ان غالبية الصحفيين والاعلاميين من المعلمين وللأسف بعضهم ممن يوقد نار التعصب , اخواني انا اعتقد ان من زرع التعصب الممقوت في مجتمعنا هو رئيس النصر وانا اعتقد ان هذا الرئيس لم يترك كلمة فاحشة لم يقلها بحق ادارة وجماهير واعضاء شرف واداريي ولاعبي الهلال الم يشاهد الجميع هذا الرجل وهو يقول بان شعار نادي الهلال مثل شعار اسرائيل الم يقل هذا الرجل بان الهلال مثل العقيم الذي يبشر كل يوم بولد وماذا يعني هذا الا يعني ان هذا الزوج ديوث وان زوجته عاهرة والعياذ بالله اي يعني حسب فهمي البسيط ان الهلاليين دواوثة هل هذا ليس تعصب ؟.
ابنه يتهم العرب والهلاليين بالرشوة وعلى رؤوس الاشهاد وايضا يطلب من جماهير نادية بعدم الحضور لان الهلال منظم البطولة وسيستفيد ماديا ماذا يعني هذا ؟.
استخدمو اسلوب الاستهزاء والتجريح ضد كل من يشيد بالهلال الم يقل هو عن احد اعضاء الشرف بانه خرب ؟
الم يقل الم يقل وحقيقة لقد تمادى هذا الرجل في تطاوله على الهلال هو وابنه وانا كنت اتمنى ان يكون الرد الذي اتى به هذا المدرس البطل من ادارة الهلال المتعقلة الى ابعد حد فالمدرس اقتص ورد على رئيس هذا النادي فهو يقول بان الشلهوب فض البكارة وان الجمعان انجب ولدوهذا صحيح.
واعتقد ان هاتين الكلمتين هما في الصميم ولهذا خرج رئيس النصر عن طورة ولله العجب كيف تغيرت المقاييس والمعايير والموازين باختلاف الاشخاص وباختلاف الاندية هو يتهم الناس باشد من ذلك وتعتبر عادية اما ان المدرس قال الحقيقة فتعتبر جريمة انني اطالب كل هلالي غيور وله دور في التعليم ومؤسساته وكذلك كل عضو شرف هلالي الوقوف في وجه الحملة التي تقاد ضد نايف الروقي واذا حدث وان الحقت به مضرة ارجو من الهلاليين ان يحاولو بما اوتو من قوة لالحاق ماجد الشلوي صاحب قطعة الانجليزي بهذا المدرس ويفصل والا الهلالي مذنب والنصري غير مذنب الى متى الكيل بمعيارين ويجب ان يعامل الجميع بميزان واحد والموضوع ذو شجون ولو اني اردت الاستمرا لاشتكتني النت من كثرة مالدي ولكن البركة فيكم جميعا وشكرا .
محبكم ومحب الهلال
عبوود
أخوي العزيز / أبو سليمان (( aszq2001 ))
هلا والله وردك يالغالي يزيدني شرف وإنضمامي لقائمة الأصدقاء يزيدني سعادة وأنا أخوك ومشاركتك وأفكارك كلها مصدر سعادة لي لما تحمل من غيرة ومن ذوق وخلق رفيع المستوى فالله يجزاك خير على ما ذكرت من كلام أجمل من كونه جميل فقط وأتمنى أن أكون بقدر ما ذكرت إن شاء الله . ودعواتي لك من القلب إن الله يوفقك لكل ما فيه خير وصلاح ومشكور كل الشكر لك على تفضلك وتكرمك بالسماح لي أن أشترك معك في موضوع وأناقش عقليتك الكبيرة والنادرة .
تحياتي ,,,
أخوي الغالي / محمد أبو لما
هلا بك عزيزي وأسعدني وجود ردك الكريم وفعلا أنت صادق ماجاب المدرس شي من الخيال جاب واقع أو حادثة واقعية حاصلة في رياضتنا السعودية وتعتبر إنجاز أيضاً .
تحياتي ,,,
أخوي الغالي / هلالي من الرس
هلا والله وغلا وشكرا على مشاركتك الكريمة وعلى فكرة أسعدني كلامك أخوي هلالي في موضوعك وفي اللي رديت علي فيه وكأن مؤثر بالنسبة لي وأتمنى أن أكون قد ما ذكرت وأتمنى من الله التوفيق . . . وزادني شرف وجودك وردك في موضوعي أو مقالي هذا وأنا معك في المنظارين بس لازم نعرف أن المدرس وبعيد عن التعصب حب يجيب حادثة واقعة ويذكر إنجاز كروي للكرة السعودية وما أعتقد أنه طلع عن الواقع اللي نعيشه جاب حادثه من واقعنا حاصلة . وعموماً أنا ما أخالفك في المعيارين المذكورين أنت صادق فيها . وبخصوص((منتدى الاقلاع))والله يا ضحكت على قولك وانت صادق بس لتوضيح الحقيقة بشكلها الطبيعي ذكرت هذا التشبيه وهذا الكل عاشه في مراحل التعليم لكن عاد خلاص نطور المفهوم وننظر للإنجازات ونعلق على كل ما يخدم للوصول إلى أعلا المستويات .
تحياتي ,,,
أخوي الغالي / abudd2
هلا والله أنت ذكرت حاجة مهمه أشكرك عليها أن المدرس فعلا ما أستخدم أسلوب التجريح مثل غيره ولو فرضنا ان الناس قالو عن هذا تجريح وينهم من كلام رؤساء النوادي اللي ما ينقال من رشاوي وغيره داخل او خارج المملكة . فعلا أنت محق في كلامك أخوي ولا عليه غبار كلامك تسلم يمناك ... ولي إيضافة إذا كان البعض يقول ان المدرس اخطى في حق طلابه ووو طيب المدرسة وش فرقها عن النادي مو النادي تربوي وثقافي واجتماعي ويعد شباب رياضي على مستوى عالي اعتقد فرق المدرسة عن النادي فرق بسيط ولازم يكون رئيس النادي قدوه النادي ويمثل الكرة السعودية بما يرقى للمستوى مو يقول هو وأبنه كلام ما له داعي والمدرس عندهم كأنه مجرم حرب مو مدرس .
عموما جزاك الله خير وما قصرت فعلا ردك أكثر من رائع ومعالج أو مضاد لما وقع فيه هذا المدرس . عموما البركة فيك بعد ما قصرت تشكر على هذا الكلام .
تحياتي ,,,
من يقول أنه أخطاء ؟ بالعكس مو خطاء ياجماعة 
الوضع العادي
