سر لحراس مرمى الهلال ( لصد ضربات الجزاء )
 

لفت نظري في مقال الرائع حجة الهلال صالح السليمان ( السهل الممتنع ) هذا اليوم أنه قال عن حراس مرمى الهلال أنهم يعتزلون ولايصد أيا منهم ضربة جزاء وأن الدعيع لايحسن سوى الإرتماء في الجهة اليمنى ،،
وأنا من واقع خبرتي كحارس مرمى سابق ( في دوري الهيئات والمؤسسات ) أقول هذا السر اللي يسمح للحارس بصد ثمان من كل عشر ضربات :::
الطريقة المثلى هي في التركيز على الكرة بدلاً خمن قدم أو إتجاه اللاعب أو بدلا من إختيار جهة عشوائية ،، فعليك أيها الحارس أن تعتبر ضربة الجزاء طلقة رصاص تنطلق من بدء ركلها من قدم اللاعب المنفذ وليس قبله ( لأن هذا لايعنيك ) وعلى الفور ترتمي بسرعة الطلقة نفسها إلى إتجاه الكرة ،،، وستلاحظ بحول الله انك ستصد الكرة وتكون عندك حساسية فائقة علىى التعامل معها مستقبلاً .........

أرجو أن يستفيد من هذه الطريقة حراس الهلال ,,,,,,,,وليس غيرهم
تحياتي . s60s

<<---- أخوك حارس فى كم بطولهـ .. هاه يالهلالين ماودكم فى حراستى :D

تصدق اغلب ضربات الجزاء تخرج خارج المرمي :razz:

اشكرك اخي العزيز على هذه النصايح


لكن لابد تعرف ان اي حارس مرمى تكون عنده زاوية افضل من الاخرى

واحتمالية صده للكرة فيها اكثر من الزاوية الاخرى .. اكلمك من واقع تجربة ..


وفيه ملاحظة انا الاحظها على كثير من الحراس في ضربات الجزاء ؟؟


ليه ما احد يستخدم رجله في الكرات الارضية ..



يفترض ان الحارس لو احس ان الكورة بالزاوية المخالة يحاول يصدها برجله ..

لانها بتساعده كثير ..


على العموم الله يعين ويوفق


كل الشكر لك اخي العزيز مرة اخرى ..

معانق الزعيم _________ وش رايك بتحدي ضربات جزاء أنا واثق اني بأغلبك .......على كلٍ تبقى الموهبة هي الأساس حيث سرعة البديهة وحسن التوقع ..


__ هلالي الشعراء :: ________________أنا مصدقك في إرتياح الحراس لزاوية معينة ،،بس هذي تعتبر نقطة ضعف خاصة إذا عرفها اللاعبين المنفذين

وبالنسبة لإستخدام الرجل صعبة إلا إذا كان تنفيذ الكرة في المنتصف لأن المرمى الظاهر انه تسعة متر وإذا لإرتمى الحارس لزاوية معينة يشوف الزاوية الثانية بعيدة جدا

والعلم عندالله ......

في هذي صدقت وهذا الدليل
((( اضغط هنا )))

الا وش رايك تقترح عليهم انه يخمن وين اتجاه الكره ويروح عكس الأتجاه اللي خمنه يمكن تجي معه :d :d :d

الله يعطيك العافية

وش رايك تقترح عليهم انه يخمن وين اتجاه الكره ويروح عكس الأتجاه اللي خمنه يمكن تجي معه :d :d :d s60s

كلامك صحيح

بس فيه قاعده ان الحارس اللي يشوت باليمين راح يرتمي مع الرجل اللي يشوت بها

يسلموو يالزعييم الحقيقي على مشاركتك

واتوقع انه كل حارس وله طريقه
وله ايضا نقطة ضعف واتمنى الحراس يستيفيدون من نصيحتك :d

تبغون الجد

الدعيع اشتهر قبل عدت سنوات في صد ضربات الجزاء

سواء امام الهلال في بطولة كاس ولي العهد
قبل كم سنه وفاز الطائي

او ببطولة كاس اسيا 1996

بس من تالي خرب الولد وصار بارد في صد ضربات الجزاء

واللي اشوفه ان العتيبي يبدع اكثر منه في ضربات الجزاء


تحياتي لك

بالنسبة للدعيع ماعنده غير
الجهة اليمنى يفكر اللي بيشوت
الكابتن سامي :wallbash:

انا أتكلم من خبرة وتجربة وممكن انكم تجربونها بعد واحكموا بنفسكم ،،،،،،، وسبق ان علمت كثير من الحراس عليها ونجحوا فيها وانا أستغرب لاعبين دوليين مايعرفون آلية معينة لصد ضربات الجزاء والكور الثابتة عموماً ......بس أرجع واقول ماهي غريبة اذا عرفنا ان بعض اللاعبين ومنهم دوليين لايرفع راسه عند لعب الكرة بعد تخطي اكثر من لاعب ولايجيدون التحرك بدون كرة بل اذا انقطعت منه يبقى يتمشى حتى تجيه الكرة ثم يبدا الركض وهنا الفرق بين الجد والهزل يالاعبينا الأعزاء ..............

مشكور أخي على هذه المعلومة

و أتمنى أن ينبه حراس الهلال لها و أن تقوم أنت أو أي شخص يهمه الهلال بإيصالها لهم

بالنسبة لإيصال المعلومة فانا دوري هنا في المنتدى ولا أعرف من يؤثر في إيصال المعلومة ولعل إن شاء الله يطلعون عليها أو يطلع عليها أحد اللاعبين ....... وشكراً مرة أخرى ...

اخوي الزعيم الحقيقي ..

صحيح ان الحارس بتكون بعيده عنه الزاوية الاخرى لو حاول يصدها برجله


لكن يفترض ان حارس المرمى بعد برهه من التسديد يكون على علم انه في الزاوية المخالفة ويحاول تدارك الامر ولو بالقدم قدر المستطاع

ومستحيل تكون كل التسديدات في اقصى الزاوية اكيد بيكون فيه شي بالنص او يميل للزاوية



شكرا ً لك عزيزي الكريم ..

الي يقول حسن العتيبي يصد ضربات جزاء

الا كل واحد صا ر اسوء من الثاني في هالنقطة

حسن العتيبي عمره ما راح يصد ضربة جزاء وشوفوا بس مباراة الهلال مع سامسونج الكوري

باعتقادي احسن حل لحراس المرمى هو التنويع في الطرق

يعني مرة يرتمي وبس في زاوية

مرة يحاول يروح للكورة من بعد تنفيذها

مرة يحاول يتحرك على حسب حركة قدم اللاعب

وهكذا

وفي النهاية المسئلة توفيق من رب العالمين

يعطيك الف عافيه

[align=center]بداية اشكر اخوي صاحب الموضوع
بالنسبة لحراس الهلال الحالين وهم
@محمد الدعيع
@حسن العتيبي
فهم مخفقون حقا" في صد ركلات الجزاء
@الدعيع
معروف عند كثير من اللاعبين في الدوري السعودي .زبارتمائه في الزاويه اليمني....
@العتيبي
انا متابعه ..وواجزم.زبأن اكثركم..ملاحظ نفس ملاحظتس...وهي ان العتيبي...بعد تنفيذ الركله
يتقدم نصف خطوه للامام...ثم ينبرش.......علي الارض....
@الحل في نظري
@الدعيع
حارس خبره..وله تجارب كثيره...اطلب منه...بأن يركز..فقط...الكره فقط لاغير..وان ..يجرب ويرمي نفسه يسار..وهو ماهر في استخدام قدميه لو...خالفته الكره...قليلا"
@العتيبي....
عليه ان يرمي نفسه في...زاويه...سواء يميمن او يسار....ارمي نفسك ياحسن بزاويه..وخل الانبراش عنك..للامام..وانا احس ..ان العتيبي...يسلم قبل تنفيذ الركله بأنها هدف

@@@@@@@@@@@@@@@نصيحه للدعيع...وللعتيبي@@@@@@@@@@@@@
اذا لم تعرف ...او لم تستطع.....ان تعرف اتجاه الكره............الي اي زاويه................
خالف توقعك...او ظنك................
يعني توقعتها يسار
ارمي نفك يمين.....
والعكس صحيح[/align]

مشكووووووووور على المعلومه يا بوفون زمانك s60s

تبقى مسألة توقعات الحراس وتخمين جهة مسألة غير عملية والفيصل في الموضوع هو قوة الحدس وحسن التوقع ....
وانا مجرب هالطريقة وبودي لو يجربها اي واحد منكم ويشوف الفرق ويخبرنا

والحقيقه المفروض الدعيع يستفيد من طوله البارع اللي دايماً يسعفه في إلتقاط الكور العالية في منطقة الثمانطعش وعامل الطول مفيد في صد ضربات الجزاء زي ماقال أخونا هلالي الشعراء

دمتم هلاليين وشكرا لكم .......

اقول مين شاف سامي يوم يحرس صد ثنتين بلنتي :laugh:

جني الهلال أنا شفت الدعيع لعب مهاجم في أحد المباريات وسجل هدفين وكانت ودية طبعاً قبل يمكن سنتين أو ثلاث ......