وش هالفريق .. ما يسجل إلا من ضربات ثابتة !! ( احصائية ) - نادي الهلال السعودي - شبكة الزعيم

Czech Republic · #1 22/03/2005, 04:05 AM

[align=center]السلام على الجميع ..

الملاحظ على الهلال في مبارياته الأخيرة الضعف الشديد من الناحية الهجومية .. و هذا يدل على احد أمرين ..

إما حالة ضعف في العناصر الهجومية في الهلال .. و بالأخص اللاعب الثابت و الاساسي دائما ديسلفا
أو افلاس باكيتا فنيا و الذي بدا ينهار الفريق تحت قيادته في المباريات الأخيرة بشكل غريب !!

و الدليل على صحة ما أقول .. انظروا إلى أهداف الهلال في مبارياته الأخيرة في الدوري و الكاس .. جميعها و بلا استثناء اهداف من ضربات ثابتة !!

شاهدوا الأهداف .. و احكموا بأنفسكم

الاثنين 21 مارس .. الهلال و الوحدة .. هدف للهلال سجله كماتشو من فاول !!

الخميس 10 مارس .. الهلال و الرياض .. هدف للهلال سجله تفاريس من ضربة ركنية !!

الاحد 6 مارس .. الهلال و الوحدة .. هدف للهلال سجله الشلهوب من ضربة جزاء !!

الجمعة 18 فبراير .. الهلال و الرائد .. هدف للهلال سجله الشلهوب من فاول !!

الجمعة 4 فبراير .. الهلال و الأهلي .. هدفين للهلال من الجابر و الصويلح و كلاهما من ضربات ركنية !!

وش هالفريق اللي ما يسجل إلا من ضربات ثابتة !!

أمحق من فريق !![/align]

مجنون الفن الهلالي · #2 22/03/2005, 04:45 AM

امحق من فريق !!

يا شيخ خش بعيني !!
هااذي اخرتها الهلال امحق من فريق !!
ومسوي احصائيه واخرتها على شهر 2 و 3 !!
اذا بتسوي احصائيه للفريق سوها لكل مباريات الفريق الموسم الرياضي وحلل النتايج على كيفك ..

ياقلبي تذبذب مستوى الهلال في هالفتره شي عادي لكن الشي الي مهوب عادي انكم انقلبتوا على الهلال 360 درجه !!

Czech Republic · #3 22/03/2005, 05:25 AM

^

^

^

ياخي آخر خمس مباريات في أهم بطولتين محليتين ما نسجل إلا من ضربات ثابتة !!

وش تبينا نقول يعني .. فريق رائع و مدرب أروع !!

ما أقول إلا سلم لي على ديسلفا و الغامدي و فهد سرور و عزيز و باقي الشلة !!

شكلنا بنختمها هالسنة خمسات مثل السنة اللي راحت .. و الله يستر !!

سيفين و نخله · #4 22/03/2005, 06:06 AM

الارقام لا تكذب

حاله مزرية للفريق في الفترة الأخيرة مع الأسف

هلالي(موت) · #5 22/03/2005, 06:15 AM

ترتيبه الثانيـــه في كاس الملــك

متاهل للدوري الاربعه لكاس ولى العــهـــد

وجاي تقـــول وش ها الفـــريــــق

مقدر اقول لك الا امحـــق من مشــجـــع

سندريلا الهلال · #6 22/03/2005, 06:35 AM

وشو امحق وما امحق وش هالكلام هالحين الهلال صار امحق

ان شاء الله يسجل باليد بعد بس ما تقول عنه هالكلام

الهلال مرضينا في جميع الاحوال

**ABU S3OOD** · #7 22/03/2005, 09:53 AM

اخوي اشكرك على الملاحظه الحلوه

لاكن اذا استثنيناء الاهلي من ذا الفرق لاحظ من كتبت ؟؟

الرياض - الوحده - الرائد

وش رايك تبي تلعب معك لعب مفتوح ؟؟شف انا اراهن لو لعبوا معك لعب مفتوح اقل شي بحقهم خمسه

كن وش بتسوي فرق ضعيفه فنيا وعندها عك كروي تتشرف لما تطلع منك بنقطه او تنهزم باقل شي بهدف

بمثابة بطوله عندهم

لاحظت مبرياتنا مع الشباب والاتحاد والنصر لعب مفتوح واهدافنا ملعوبه

وصلت الفكره ؟؟

ياسيدهم وينك · #8 22/03/2005, 12:02 PM

والله انك صادق الله يستر لابد من تدخل الامير محمد بن فيصل ومناقشة المدرب على هذا الامور

عنيد2000 · #9 22/03/2005, 12:10 PM

العوض ولا القطيعة ... أذكر قبل عدة مواسم أن الهلال عاني من عدم الأستفادة من الكرات الثابتة

وأن شاء الله يتحسن الوضع برجوع نواف والشلهوب وسامي

النــواف · #10 22/03/2005, 12:22 PM

[align=center]الله يعينك على الكلام اللي يبي يجيك

للاسف بعض الناس ماتحب تسمع الا ماتريد

الهلال يقدم عك كروي

اتحدى اي واحد يقول ان الهلال سوى حركه تكتيكه متدرب عليها في مباراة الامس

@التسجيل من الكرات الثابته ميزه

لكن ان الفريق مايسجل الا من كرات ثابته هذا يدل بوضوح على خلل في صناعة اللعب والمهاجمين

@ احصائيه رائعه لمن يريد فعلا ان يضع يده على مكان الخلل

هل ننتظر الخساره حتى يحدث تغير بالفريق؟؟[/align]

هلالي غصب · #11 22/03/2005, 12:49 PM

سبحان الله..

فريق مسجل بالدوري 36 هدف..!!
وفي الكأس هدفين..!!
وفي ابطال العرب حوالي25 هدف..!!

وانت جايب لي خمس اهداف وتقول امحق من فريق..
والله انت الي امحق من عضو..

هــ الامجاد ــلال · #12 22/03/2005, 01:40 PM

للمعلومية فريق يسجل من كرات ثابته ويستغل الكرات الثابته أحسن استغلال يعتبر فريق عالمي ومسألة إنك تقول ما سجل الهلال من كرات ملعوبه فأنا أقول ما قصر اخوي هلالي غصب وعطاك المقسوم

مع تحياتي : هــ الامجاد ــلال

Czech Republic · #13 23/03/2005, 04:44 AM

يا اخوان

يعني تبونا نضحك على انفسنا و نقول والله الفريق متصدر و جايب 36 هدف و ما أدري ايش !!

نعم .. الفريق كان جيد في بداية الموسم لكن في آخر شهرين صار يدحدر بشكل مخيف !!

تقدرون تقولون لي متى آخر هدف جبناه في الدوري ( مو ) من ضربة ثابتة ..

انا اقولكم .. هدف كماتشو الرابع في الاتحاد لما سامي سدّح بدفاع الاتحاد كل ابوهم !!

طيب .. و بعدها .. و لا هدف إلا من بلنتي أو فاول أو ركنية !! .. و لمدة شهرين بالتمام و الكمال !!

ما في داعي نضحك على انفسنا و نقول كلام يهون علينا الواقع السيء للفريق !!

اجادة الالعاب الثابتة ميزة .. ما نختلف على هالكلام

لكن إنك ما تسجل إلا من ضربات ثابتة .. فهذا مؤشر خطييييييييير على سوء الادارة الفنية و و عدم وجود منهجية أو تكتيك تسمح للفريق بتسجيل هدف !!

لا بد من ايجاد الحل و بشكل سريع .. فلن نجلس و ننتظر الضربات الثابتة في كل مباراة حتى نستطيع هز الشباك

ALZa3eEm 3AmaHoM · #14 23/03/2005, 12:03 PM

أمحق من فريق

esh tib'3a ya 7bibi
PLEEZ ta3ib nafsak showaya o fakir gabil ma tiktob

shaaqi · #15 23/03/2005, 12:17 PM

اخي الفاضل جزاك الله خير.....

الهلال إن كان يسجل من الثابت فهذا دليل على قوة الهلال.. لانه الفريق الوحيد الذي يلعب امام الخصوم يلعبون بخطط دفاعية.. وهذا ماقاله الشتالي في اوربت..

ان الهلال لن يستطيع تسجيل اهداف االا عن طريق الثوابت ركنية او فاول..

وقال بان المدرب باكيتا ذكي وذكي جدا لانه يعتمد في تدريباته على الضربات الثابته لانه يعلم بطرق الاخرين الدفاعية..

فاياخي الفاضل... الهلال الفريق الوحيد الذي تلعب امامه كل الفرق هذا الموسم بطرق دفاعية..

وياليت تتابع برنامج المركز الرياضي في اوربت.. علشان تفهم الكورة .. ماتقعد تتفلسف بالفاضي..

مسوي فيها هلالي..