#1  
قديم 22/03/2005, 02:59 PM
زعيــم نشيــط
تاريخ التسجيل: 14/09/2004
المكان: الرياض
مشاركات: 511
Question رسالة الي من يهمة الأمر...؟؟؟

[align=center]بسم الله الرحمن الرحيم

السلام عليكم ورحمة الله وبركاتة

والصلاة والسلام على سيدنا وحبيبنا محمد وعلى آله وصحبه أجمعين..


بالاول ياليت واحد من اعضاء ادارة المنتدى يشوف سالفة اسمي أسير&الشعر أمس سجلت وماقدرت اكتب او ارد على موضوع..


بالأمس دخلت المنتدى الساعه حدود الثالثه عصراً وقريت رسالة الأمير المبدع محمد بن فيصل الي جماهير الهلال يطالبهم بالحضور للملعب ليساندوا الفريق أمام الوحدة على ملعب الملك فهد..

انا بصراحه كنت متردد بالروحه عشان كان عندي اختبار بمادة السلامة الصناعيه << مادة مدري وش سبب وجودها ودكتورها جزائري ماتفهم منه كلمه ,,

بس يوم قريت الرساله والله قلت ماني راده الملعب قريب احضر مع الشباب وارجع اذاكر..

مريت الشباب ورحنا الملعب اول ما أذن العشاء صلينا اول مادخلنا للملعب وجلسنا بالمدرجات..

بدة المبارات وتسمع الجماهير كلن يسب لاعب لا والنكته بعض الجماهير تسب وهي وربي ماتدري وش الطبخه , مثل الي يسب كماتشو يقول انه ضيع اهداف ويمدح ديسلفا على انه هو الي جايب الهدف<<<< انواع التناقض

كل هذا كوم ويوم اخذ عمر الغامدي كرت احمر , يومه طالع من جهت الجماهير تعال ناظر وش يسوون كلن يسوي حركه اقذر من حركت الثاني والله عيب بغض النظر عن انه لعبه وبغض النظر عن انه لاعب هلالي ياناس ياعالم وين السلام بالله هذي حركت واحد يشهد أن لا إله الا الله وأن محمد عبده ورسوله..

ياعالم انا لما اشوف المباريات الاوربيه اشوف اذا الفريق او تعادل قاموا جماهيره يصفقوله وحنا المسلمين نسويلهم الحركات النابيه الي ماتدل للأسلام بأي صله..

قسم بالله الي الحين وانا منقهر ودي اني قمت وشته ..

أخواني الي يشوف مستوى الفريق العام الي راح وربي مايصدق انا الهلال قدر يتغلب على الظروف بعد الله سبحانه..

الموسم هذا اغلب المباريات الي بالرياض حضرتها ولفت نظري المزمار الي يرفع الضغط وربي صوته نشاز ياخي مانبيه وانا ما اخبر اهل نجد يستخدمون المزامير..

بالنهاية انا سعيد بالمشاركه

وعليكم السلام ورحمة الله وبركاتة

أخوكم أسير&الشعر[/align]
اضافة رد مع اقتباس
  #2  
قديم 22/03/2005, 03:07 PM
زعيــم جديــد
تاريخ التسجيل: 09/03/2005
مشاركات: 23
انا معك في مسألة المزمار

والجمهور الذي لايمثل الهلال

اخلاقهم بذيئة
وهم اتوا ليتفرجوا ويرفهوا عن انفسهم
لاليشجعوا فريقهم
اضافة رد مع اقتباس
  #3  
قديم 22/03/2005, 03:19 PM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
المفروض يمنعون المزمار
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:43 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube