#1  
قديم 22/03/2005, 12:09 PM
زعيــم مميــز
تاريخ التسجيل: 23/10/2003
مشاركات: 1,612
شي شفته أمس بالملعب رفع ضغطي.. والله قهر ..

هلا والله بالزعماء كلهم ..

الله حيهم ..

من امس وانا شايف المواضيع .. طااخ طيخ .. قصف عشوائي ..

والمشكله ان المواضيع اللي تنتقد.. أكثر من عدد جمهور أمس!!

المهم ماعلينا ..

بالملعب الخاوي على عروشه ..

كنت جالس فوق واشوف المباراه ..

المهم جاني اتصال ضروري بين الشوطين .. وطلعت من الاستاد .. رايح للربوة ..

شفت شيء يرفع الضغط ..

تدروون وش هو؟؟

لا قولوا ..

قولوا انتم .. لأني خايف أطب فيهم!!

اوكي اقول أنا ..

وانا في الطريق اشوف المقاهي ملياانه .. تعرفون كيف مليانه .. فل عن بكرة ابيها..

أمس ماكان فيه الامباراة الهلال .. وحتى الدوري الاوروربي أمس مافيه ..

يعني اللي ( تارسين المقاهي ) وهي قريبه نوعاً ما من الاستاد ..

مستكثرين يدفعون فلوس التذكرة .. ومتكين في المقهى بنفس القيمه تقريباً !!

والله صدق اللي قال .. ان جمهور الهلال.. نمبر ون ((رقم واحد )) في المقاهي .. بالعالم..

وبعد كل هذا ..

نجي نشتم فلان .. ونسب علان ..

أوكي أنا ما اصادر رأي احد .. أو امنعه من انه ينتقد ..

لكن قبل تتكلم عن خطأ لاعب.. أو مدرب .. أو اداري ..

شف خطأك انت .. وشف دورك .. اللي هو الحضور والمسانده ..أديته أو لا.. ثم تعال شرشح غيرك ..

قبل مايخش بعيني واحد ويقول.. ليش احظر والمستوى زفت وماني عارف ايش ..

اقول له ولمن يتبع رأيه ..

راح يستمر زفت .. وعك .. دام ان الكورة صوتها واضح بالملعب .. وله صدى .. من فراغ الملعب!!

اللي يقول مافيه لاعبين يحمسونك للحضور..

هذا الله يسلمه .. يروح برنابيو .. او نيو كامب .. عشان يشوف اللعيبه ويستمتع ..

أما اللي يحب الهلال ..

فمفروض يجي للهلال.. حتى لو كانت التشكيله مو قد كذا ..

................

** الشوط الاول اللي اقدر احكم عليه ..

شفت الآتي..

عبدالعزيز الخثران هو رقم واحد في الظهير الأيسر ..

مع احترامي للجري ومضواح ..

فمكانهم وسط أيسر .. لأن الواجب الدفاعي عندهم ضعيف برتبة ( شارع ) ..

** ياسر الياس .. أدى واجبه الدفاعي على أكمل وجه ..

مع أن البنزرتي .. مثبت الكويكبي في جهته .. وهو أمهر لاعب وحداوي ..

وشفنا لما انتقل الكويكبي عند مضواح .. سبب أكثر من كورة خطره ..

** مبارك .. بعض اللمسات تقول .. هذا فنان .. وبعض اللمسات تضيق الصدر.. بس أجتهد ..

** سلفا .. باختصار .. مطلوب حياً أو ميتاً !!

** أبوعبدالعزيز .. الدهن في العتاقي .. ماقصرت يا دعيعنا ..

** باكيتا.. لاحظت عليه من تالي .. يتأخر في التغييرات ..

بس هالمرة . ما غير بتاتاً ..

مدري هو اقتناع باللاعبين الموجودين قناعه كامله.؟

أو عدم اقتناعه بالبدلاء وجاهزيتهم ..

رغم هذا .. مازلت أصر انه مكسب للازرق .. و (( روقونا )) .. بلاش طلب تغيير .. ثم عجلاني ثاني!!

** الشوط الثاني .. ما أقدر أقيمه ..

تدرون ليش ..

لأني ماتواجدت بالملعب .. مع اني شفته بالفيديو ..

لأني ما دعمت الازرق الشوط الثاني بالحضور نتيجة ظرف طاريء.. فلذلك ليس من حقي انتقد..

(( وش هالأخلاق يا ابو سارة .. أحرجتهم )) ..

اقول لا تصدقون ..

الشوط الثاني ..

** الغامدي .. لما بدى يظهر .. ونشوف عمر .. خذ الأحمر .. ( لاتعليق )

** سلفا .. يمارس هوايته في رفع الأثقال .. اقصد رفع الضغط ..

** الجمعان على الدكه وجنبه الموري .. وهم أفضل من الانجولي بمراحل ..

** الصويلح .. حاول.. لكن ألاحظ على سلفا مايتعاون معه ..

مدري سلفا .. شايف نفسه عالمي .. والصويلح اقل منه ..! اعقل يا تريزقيه ..

** كماتشو .. لمساته الحلوة .. كلها لسلفا ... مع أن الصويلح ياخذ أماكن أفضل من الانجولي..

بس الفاول.. محكوور ..

** ختاماً ..

الوضع برجعة سامي..و الدوخي .. والغنام .. والشلهوب .. والخثران .. وجاهزية الجمعان ..

سيكون مختلف .. مختلف جداَ (( اقولها رغم اني انسان مو بطبعي متفائل.. لكن هالمرة غير )) ..

وقبل رجعة النجوم الزرق ..

المهم رجعة الجمهور للمدرج..

الوداد المغربي .. بداية التصحيح ..

وياجمهور المقاهي لاحقين على المعسل ..

أحضروا في الاستاد وأملأوا المدرج .. وافرحوا بالفوز .. ثم مخمخوا على الدائري!!

تحيه لمن حضر وشجع .. ولا عزاء للمتخاذلين ((أقصد جمهور المقاهي ))..

تحياتي .. الهلالي ابو سارة الخالدي ( ياطول اسمه ) ..

وختاماَ هذا مانشيت خاص بأبو سارة ..

(( الازرق لعب مع الوحده .. وهو يعاني من الوحده ))
اضافة رد مع اقتباس
  #2  
قديم 22/03/2005, 12:10 PM
زعيــم مميــز
تاريخ التسجيل: 25/11/2002
المكان: بعد الاذان :)
مشاركات: 1,879
هلا والله ابو سارة ..


مشكلتنا عويصه ..

الجمهور يقول عطونا مستويات ولاعبين عليهم الكلام ونحضر ..!!

والادارة تقول كيف نطلب من اللاعبين مستوى ونتيجة والجماهير لا تحضر ..!!

ذكرتنا في نظرية الاولويه .... و .....

في رأيي المتواضع .. طبيعي جدا" ان يحدث هذا الفتور في الفريق لكثرة المشاركات واختلاف التشكيلة من مباراة الى مباراة اخرى وخصوصا" ونحن نلعب في ثلالث بطولات في وقت واحد ، و حصلنا على بطولتين سابقتين ..

اخاف على الزعيم من كثر النقد والمطالبة بالفوز دائما" ..
اضافة رد مع اقتباس
  #3  
قديم 22/03/2005, 12:19 PM
زعيــم نشيــط
تاريخ التسجيل: 14/10/2002
المكان: مـمـلـكـة الـزعـيـم
مشاركات: 662
[align=center][frame="7 70"]هلا والله وغلا بأبو سارة يعطيك ربي الف عافية على الموضوع وانا معك والله في كل الي قلته عن جمهور المقاهي وصدقت يوم قلت ان المواضيع الي تنتقد في المنتدى كانت اكثر من عدد الي حضروا للملعب


[grade="00BFFF 4169E1 0000FF"]اخوكـ روحي الزعيمـ[/grade][/frame][/align]
اضافة رد مع اقتباس
  #4  
قديم 22/03/2005, 12:22 PM
الصورة الرمزية الخاصة بـ عالي الشان
زعيــم مميــز
تاريخ التسجيل: 06/08/2001
المكان: الرياض
مشاركات: 4,549
[align=center]هلا بابو ساره

صدقني ما راح يجي جمهور دام انهم عارفين انه كلامهم غير مسموع

وهالشئ تأكدنا منه العام الماضي غاب الجمهور لنفس السبب

وما راح يرجع الا لما تتحقق مطالبه واولها ديسلفا يسفر على اقرب طياره

إقتباس
** الصويلح .. حاول.. لكن ألاحظ على سلفا مايتعاون معه ..
مدري سلفا .. شايف نفسه عالمي .. والصويلح اقل منه ..! اعقل يا تريزقيه ..
** كماتشو .. لمساته الحلوة .. كلها لسلفا ... مع أن الصويلح ياخذ أماكن أفضل من الانجولي..

قلتها في موضوعي قبل المباراة هاللآعبين الاثنين يحاربون الصويلح عيني عينك واللي حصل خلال المباراة اثبت هالشئ .

تحياتي ,,
[/align]
اضافة رد مع اقتباس
  #5  
قديم 22/03/2005, 12:23 PM
زعيــم متألــق
تاريخ التسجيل: 03/10/2002
مشاركات: 1,168
وش رايكم ندخل المعسل في الملعب لكي يحضرو الجمهور


بصراحة معاك حق شي يرفع الضغط


واللى يقهرك أكثر


شوف المتواجدين في منتدي الزعيم بعد المباراة وكثرة مواضيعهم


تقول الملعب مليان امس
*
*
*
*

بصراحة الهلال امس تحسن الشوط الثاني

بس والله الصعيدي ديسلفا مافي خير

وياليت نشوف غيره واه لو الحوسني مكانه

ولايجي واحد يرد يقول طموحك الحوسني

لأن الحوسني أفضل مليون مرة من ديسلفا الفاشل
اضافة رد مع اقتباس
  #6  
قديم 22/03/2005, 12:32 PM
زعيــم نشيــط
تاريخ التسجيل: 14/09/2004
المكان: الرياض
مشاركات: 511
مشكور ابو ساره


وكلام رااائع اوافقك عليه 100%


وبالنبسه لي انا كل مباريات الهلال اللي في الرياض حضرتها وبحضرها ان شاء الله
اضافة رد مع اقتباس
  #7  
قديم 22/03/2005, 12:37 PM
زعيــم مميــز
تاريخ التسجيل: 10/07/2004
المكان: فوق هام السحب
مشاركات: 5,009
[align=center]يعطيك العافية يا ابوساره
وترى شفتك يوم طلعت من الملعب أمس
بس ما بغيت اعلم عليك
وبالفعل جمهور الهلال جمهور منتديات ومقاهي
وللأسف الشديد ان اكبر حضور في مقاهي الفحص كان لاحد مباريات الهلال في استاد الملك فهد
رغم ان المسافة خمس دقائق :sad:
تحياتي يا الغالي [/align]
اضافة رد مع اقتباس
  #8  
قديم 22/03/2005, 12:41 PM
زعيــم مميــز
تاريخ التسجيل: 14/01/2004
المكان: منطقة صناعـة اللعب
مشاركات: 1,728
[align=center]الغالي أبو سارة الهلالي ...

... صباحك أزرق هلالي ... صباحك بطولات وصدارة وسلامة ...

كل اللي أقدر أقوله الله يخليك لعين ترجيك يابو ســـأرة ...

قمة في الهدوء والعقلانية والمنطق ...

ببساطة اللي يبي يريح أعصابه كل اللي عليه يسويه يقرى هالتحليل البسيط في تكلف .. الكبير في معانيه ...

وكالعاده راح أناقش بعض النقاط اللي تحتاج مناقشه ...[/align]


إقتباس
الرسالة الأصلية كتبت بواسطة الهلالي- ابوسارة

هلا والله بالزعماء كلهم ..

الله حيهم ..

[align=center]* الله يحيك ياغلاهم ...[/align]

إقتباس
الرسالة الأصلية كتبت بواسطة الهلالي- ابوسارة


من امس وانا شايف المواضيع .. طااخ طيخ .. قصف عشوائي ..

والمشكله ان المواضيع اللي تنتقد.. أكثر من عدد جمهور أمس!!

[align=center]* شرهتك على اللي قرى شئ منها ...

تدري يابو سارة أنا مسوي لي بلاك لست بالأعضاء اللي مواضيعهم مش ولابد .. نهائيا ماقرا لهم ...[/align]


إقتباس
الرسالة الأصلية كتبت بواسطة الهلالي- ابوسارة

المهم ماعلينا ..

وانا في الطريق اشوف المقاهي ملياانه .. تعرفون كيف مليانه .. فل عن بكرة ابيها..

أمس ماكان فيه الامباراة الهلال .. وحتى الدوري الاوروربي أمس مافيه ..

يعني اللي ( تارسين المقاهي ) وهي قريبه نوعاً ما من الاستاد ..

مستكثرين يدفعون فلوس التذكرة .. ومتكين في المقهى بنفس القيمه تقريباً !!

[align=center]*أكثر شئ ضحكني .. واحد من أخوياي جاي من الدخل مع شباب من أخوياه .. توقعت أنهم بيروحون للمباراة .. قلت وينكم قالو قريبين منكم .. صراحة ضحكت إلى حد القهقهه ..
تدري ذولا يذكروني باللي راح مع الهلال في بطولة اسيا اللي بالدوحة .. اخرتها كان يناظر المبارايات في قهوة ...[/align]


إقتباس
الرسالة الأصلية كتبت بواسطة الهلالي- ابوسارة

شف خطأك انت .. وشف دورك .. اللي هو الحضور والمسانده ..أديته أو لا.. ثم تعال شرشح غيرك ..

قبل مايخش بعيني واحد ويقول.. ليش احظر والمستوى زفت وماني عارف ايش ..

اقول له ولمن يتبع رأيه ..

راح يستمر زفت .. وعك .. دام ان الكورة صوتها واضح بالملعب .. وله صدى .. من فراغ الملعب!!

[align=center]* ياليت يحطون هالكلام بواجهة المنتدى[/align] ..


إقتباس
الرسالة الأصلية كتبت بواسطة الهلالي- ابوسارة

عبدالعزيز الخثران هو رقم واحد في الظهير الأيسر ..

مع احترامي للجري ومضواح ..

فمكانهم وسط أيسر .. لأن الواجب الدفاعي عندهم ضعيف برتبة ( شارع ) ..

[align=center]* سمعتم ياللي تبون مضواح وخويه الثاني...[/align]

إقتباس
الرسالة الأصلية كتبت بواسطة الهلالي- ابوسارة

** أبوعبدالعزيز .. الدهن في العتاقي .. ماقصرت يا دعيعنا ..

[align=center]* تبي الصراحة كنت أحد أكثر الناس تخوفا من مشاركة الدعيع .. ولكن شكلنا نبي نقول يالعتبيبي خلك بالمنتخب...[/align]

إقتباس
الرسالة الأصلية كتبت بواسطة الهلالي- ابوسارة

** باكيتا.. لاحظت عليه من تالي .. يتأخر في التغييرات ..

بس هالمرة . ما غير بتاتاً ..

مدري هو اقتناع باللاعبين الموجودين قناعه كامله.؟

أو عدم اقتناعه بالبدلاء وجاهزيتهم ..

[align=center]* بما أن الجمعان له سنين ماطق الكورة إذا عدم جاهزية البدلاء هو السبب في عجم تغيير داسيلفا على الأقل ...[/align]

إقتباس
الرسالة الأصلية كتبت بواسطة الهلالي- ابوسارة

** الشوط الثاني .. ما أقدر أقيمه ..

تدرون ليش ..

لأني ماتواجدت بالملعب .. مع اني شفته بالفيديو ..

[align=center]*كبير يابو سارة .. غيرك يقيم من مجرد سماعه بالنتيجة ...[/align]

إقتباس
الرسالة الأصلية كتبت بواسطة الهلالي- ابوسارة

مدري سلفا .. شايف نفسه عالمي .. والصويلح اقل منه ..! اعقل يا تريزقيه ..

[align=center]* ابو سارة أنت تروح النادي أكثر مني وبالتالي تعرف طبيعه لاعبي الهلال أكثر مني .. سيلفا اللي اشوفه انه مرح وحبوب ..[/align]


إقتباس
الرسالة الأصلية كتبت بواسطة الهلالي- ابوسارة

** كماتشو .. لمساته الحلوة .. كلها لسلفا ... مع أن الصويلح ياخذ أماكن أفضل من الانجولي..

بس الفاول.. محكوور ..

[align=center]مع كماتشو.. صارت الفاولات من ذاك المكان أخطر من ضربات الجزاء .. ماشاء الله عليه تقل يحطها بيده حط ...[/align]

إقتباس
الرسالة الأصلية كتبت بواسطة الهلالي- ابوسارة

** ختاماً ..

الوضع برجعة سامي..و الدوخي .. والغنام .. والشلهوب .. والخثران .. وجاهزية الجمعان ..

سيكون مختلف .. مختلف جداَ (( اقولها رغم اني انسان مو بطبعي متفائل.. لكن هالمرة غير )) ..

وقبل رجعة النجوم الزرق ..

المهم رجعة الجمهور للمدرج..

الوداد المغربي .. بداية التصحيح ..

وياجمهور المقاهي لاحقين على المعسل ..

أحضروا في الاستاد وأملأوا المدرج .. وافرحوا بالفوز .. ثم مخمخوا على الدائري!!

تحيه لمن حضر وشجع .. ولا عزاء للمتخاذلين ((أقصد جمهور المقاهي ))..

تحياتي .. الهلالي ابو سارة الخالدي ( ياطول اسمه ) ..

وختاماَ هذا مانشيت خاص بأبو سارة ..

(( الازرق لعب مع الوحده .. وهو يعاني من الوحده ))

[align=center]بيض الله وجهك ونور الله دربك .. مثل ماقلت سابقا .. مقالك هذا بمثابة الحبوب المهدئة ...

تحياتي لك يابو سارة ...[/align]
اضافة رد مع اقتباس
  #9  
قديم 22/03/2005, 12:50 PM
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 14/05/2002
المكان: في صومعة الحياة ..!!
مشاركات: 9,995
صح لسانك اخوي
اضافة رد مع اقتباس
  #10  
قديم 22/03/2005, 12:58 PM
زعيــم نشيــط
تاريخ التسجيل: 30/11/2004
المكان: في دار ابو متعب
مشاركات: 925
هلا والله وغلا بأبو سارة يعطيك ربي الف عافية على الموضوع وانا معك والله في كل الي قلته عن جمهور المقاهي وصدقت يوم قلت ان المواضيع الي تنتقد في المنتدى كانت اكثر من عدد الي حضروا للملعب
اضافة رد مع اقتباس
  #11  
قديم 22/03/2005, 12:59 PM
زعيــم متألــق
تاريخ التسجيل: 04/12/2001
مشاركات: 1,322
الملعب الملعب عشان ابو سلطان بس والجايه النصر ركزوا يا جمهور المقاهي واي اس بي ان ترا بنلعب ضد النصر وبعده الشباب عشان نرجع للصداره


تحياتي لك مشكور ابوساره
اضافة رد مع اقتباس
  #12  
قديم 22/03/2005, 01:10 PM
زعيــم مميــز
تاريخ التسجيل: 09/03/2004
المكان: رجعنا لرياضنا الحبيبه
مشاركات: 1,525
يعطيك العافيه ابو ساره ,,,

يعجبني دائما طرحك الفكاهي واللي يسلي عن ما بالنفس الكثير ,,,

رديت على اكثر من موضوع بخصوص الحضور الجماهيري ولكن اكتفي بقول ان الجمهور الهلالي لن يخيبب ظني فيه ولا ظن اللاعبين والمسؤلين الهلاليين ,,,

صدقني بيحضرون والله بيحضرون بس تدري الجمهور وش يبي ,,,, يبي ضغط اعلامي قبل مباراه حساسه ومصيريه للهلال بعدها رح سوي تعداد لجماهير الهلال ان قدرت ,,,

لا تنسى ضغط اعلامي و مباراه حساسه مع الاسف في مثل هذه المناسبات يتواجد جمهور الهلال ,,,

تحياتي لك عزيزي ,,,
اضافة رد مع اقتباس
  #13  
قديم 22/03/2005, 01:12 PM
زعيــم مميــز
تاريخ التسجيل: 03/11/2003
المكان: في قلب والدتي
مشاركات: 4,414
لوانا في الرياض كان ماقصرنا في الحضور

ولكن

الله يخارجنا؟؟؟؟؟؟؟؟؟؟؟؟؟؟؟
مع الوحدة والرياض انرفع ظغطنا


وش نسوي مع الوداد ؟؟؟
اضافة رد مع اقتباس
  #14  
قديم 22/03/2005, 01:16 PM
زعيــم مميــز
تاريخ التسجيل: 21/04/2002
المكان: الرياض
مشاركات: 1,691
مشكور ابو ساره


وكلام رااائع اوافقك عليه 100%


وبالنبسه لي انا كل مباريات الهلال اللي في الرياض حضرتها وبحضرها ان شاء الله
اضافة رد مع اقتباس
  #15  
قديم 22/03/2005, 01:23 PM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
تسلم اخوي ابو ساره الله يعطيك وياليت كل الهلاليين مثلك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:13 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube