22/03/2005, 04:41 AM
|
| زعيــم جديــد | | تاريخ التسجيل: 26/02/2004
مشاركات: 30
| |
انتي هلالي اذن تفظل بالدخول
بسم الله الرحمن الرحيم
السلام عليكم ورحمة الله وبركاته اما بعد
جماهير الهلال العزيزه وش فيكم سلامات عسى ماشر مهوب هذا حضورنا مهوب هذا جمهور جن الملاعب وينكم ايام مكان صوت المعلق مهوب يطلع من قوة التشجيع وينكم من جد اول الواحد مايحصل له محل ياتجي قبل المغرب ولا مكانك ياورى الباب ولا ماتحصل ممكن وش فيكم من جد مهوب هذا جمهور الهلال الهلال الموسم هذا مشاء الله ماشي تمام لعبين مميزن وموجودين رئيس متفهم ومجود مدرب قدير وموجود نتايج وموجوده وش العذر من اتمنى اشوف جمهور الهلال
يناس انا احضر مباريات الهلال يعني تقدر تقول كلها من جد ترى الجمهور يتعرض لمضايقات يمكن تكون هي السبب اجل العسكري يقعد يفتشك قطعه قطعه هذا اولا ثانيا اي شئ معاك ممنوع تدخل به حتى القلم ماتدخل فيه والله يناس قدامي كانو بيخلون واحد عندهم وقالو منتاب شايف المبارة الا الشوط الثاني بنوقفك لانك علية صوتك على العسكري وهو من جد يحق له اجل يجلس ينافخ عليه ويقوله منتاب داخل ليه هو جاي يدخل بيت ابوه وبعدين الاعلام ماتدخل ليه انا جاي وش اسوي في الملعب اصور مع اللعيبه مثلا جاي علشان اشجع بالاعلام اذا ماشجعت بالعلم في الملعب متى نستخدم الاعلام ولا نخليها في السيارات ولا الدوالايب كذا عن قولة انا احنا هلاليين بعدين لو مشينا وتعدينا كل هذي الامور تدخل للملعب وبعدين يجيك عسكري من جد مدري وش يبي ويوقف قدامك ياشيخ ياطيب يهديك يرضيك وخر شوي خلنا نشوف ولا يعطيك وجه راد بك ليه يعني الاسلوب هذا لا وكل ساعه مارين يفتشون حشا ارهابيين مهوب مشجعيين والله شئ يرفع الظغط من جد اتوقع هذا سبب من الاسباب وانا اعرف ناس معاد تحضر علشان كذا وفيه ناس اعرفها مهيب تحضر لانهم ياخذون الولاعات منهم وهم راعيين دخان يعني تعددت الاسباب بس تكفون علشان الهلال خلونا ننسى كل الي يصير ولنقل وبصوت واحد موعدنا الاستاد مبارة الوداد لنثبت ياجماهير الهلال ان احنا موجودين اتمنى نعرف السبب الي مايخلي الجمهور يجي وانا اثق ان كثير من الي مايحضرون يدخلون للمنتدى نبي نعرف الاسباب
اخر تعديل كان بواسطة » هلالي فرنسي في يوم » 22/03/2005 عند الساعة » 05:05 AM |
الوضع العادي
