#1  
قديم 20/03/2005, 09:03 PM
زعيــم مميــز
تاريخ التسجيل: 23/10/2003
مشاركات: 1,612
تقرير عن زيارتي للنادي اليوم..التمرين والتشكيله**

بسم الله ..

الهلالي ابوسارة يعود لكم من جديد ..

بعد انقطاع دام مدة شهرين تقريباً ..

شهرين .. أخذتوا فيها أجازة من ابو سارة ...

واستظراف ابو سارة ..

وثقالة دم ابو جد اللي جاب ابو سارة!!

وبعد شهرين .. جاي اليوم أجدد التواصل معكم .. فـ الله يعينكم.. تكفير ان شاء الله .. احتسبوا..

قبل ما أخش في عين ام المقال .. والموضوع .. واتعمق ..

احب أشكر من قلبي والله .. كل الشكر.. لكل من سأل عني.. أو ارسل .. او كتب أو حتى اتصل..

اخجلتوني ياجعلي ما أبكيكم ..

وبالذات .. اخص الشكر للغالي علي من جد .. أخوي تغيب الشمس .. اللي أحرجني والله ..

واحب اطمنكم ,, تراني بخير ..

والله لا طفشت .. ولا مليت .. ولااستثقلت .. لكن ظروف وعدت ..

وأحب أخبركم بعد .. ترى علاقتي بـ نانسي عجرم اشااااعه .. ..

نرجع محور موضوعنا ..

اليوم العصر رحت النادي ..

وانا مارحت له من فتره ..

المهم.. كان الجو في النادي هاديء.. الموجودين قليلين.. الممرات فااضيه ..

والظاهر السبب غياب الدوليين ..

تواجهت انا والموري والصويلح والغنام في البدايه .. ثم بدأ الباقين بالوصول بالتدريج..

وفاجاني الحضور المبكر للجمعان .. يهبل وهو بالعلاقي .. ذكرني بالـ ان بي اي حقين السله!!

** الغنام مادخل نهائياُ للملعب .. وهذا معروف بسبب التمزق اللي بيحرمنا منه فوق الشهر,,

الله يشفيه .. وانا خايف من غيابه.. لأننا الموسم الماضي مستوانا ضعيف.. وبداية هالموسم نرقل..

و لما انضم الغنام.. ارتفع المستوى.. ثم أصيب وانحدر المستوى حالياً..

وهذا دليل ان مشكلتنا في المحور,, الله يصبرنا على بعاده.. ومو كل طير يعوضه طير ..

** تمرين اليوم كان ترفيهي أكثر من انه جدي ..

يعني باكيتا قلب الموضوع مزح..

الصويلح .. والياس حراس مرمى ,,

والمهاجمين خلاهم دفااع ..

والمدافعين خلاهم هجوم ..

وبصراحه الياس أبدع في الحراسه (( أصرف من شريفي )) ..

والجمعان تميز في الدفاع .. (( ليت يقضبنا عمره ويصحصح معنا وان بغى يلعب مدافع))

وكانت لياقته حلوة .. بعكس سلفا الللي اختفى في المناورة ,,

** انتهت البروفه المرحه .. 5 .. 4 لصالح فريق الياس اللي ضم الشريده وتفاريس والمفرج وخليل..

وحكم المناوره .. سعيد المغربي مترجم الفريق ..

وعلى طاري المترجم ..

أمس في توقيع العقد بين سلطان بن فهد ومدرب الاولمبي الجديد .. خذوا سعيد مترجم ..

عاد انا حطيت يدي على (( ماي بوك )) اللي هو قلبي .. اليوم خذوا مترجمنا الله يستر بكرة يسحبون مدربنا! ( يخرب بيت اللي علمك انقلش)

** تمرين اليوم ماشفت فيه الرئيس .. فقط شفت النمر والقحطاني أعضاء الاداره .. عسى المانع خير

** بعد المناورة أخذهم مادينا في تمارين لياقه .. ثم المعسكر لمباراة الغد ..

والتشكيله راح تكون ..

العتيبي ( اذا ما سافر للدمام )

الياس

تفاريس

مفرج

مضواح

برقان

غامدي

كماتشو

مبارك

الصويلح

سلفا ..

وربما يشارك الجمعان اساسي لو ما طاب سلفا لأني شفته يسحب رجله سحب!!


** هالملحوس كالديرون من جده كاتب في تقريره انه مايبي الدوخي!!

غريبه.. والله ان هالمدرب مدري وين بيودينا..

ولا يهمك يالدوخي .. اللي مايعرف الصقر يشويه ..

واللي مايعرف الدوخي يقول له رح!!

وبصراحه ماأبي انتقد هالأرجنتيني .. لأن المثل يقول اللي مايعرف الدجاجه يقول طيري!!

** لأن المنتخب في ورطه كبرى ..

ولأن المباراة القادمه كبيره والخصم أكبر ..

ولأنه كبير .. فانتظروا منه بصمه كبيره في مباراة الجمعه مع كوريا ..

بالتأكيد هو سامي الجابر .. وأزهلوا الماتش

بس تكفى ياسامي كانك تقرى هالموضوع ..

فـ تكفى ابعد عن البلنتي وغني له !! ..

.........

في الختام تقبلوا تحياتي ومشكورين من جديد


اخوكم الخالدي الهلالي ابو سارة
اضافة رد مع اقتباس
  #2  
قديم 20/03/2005, 09:21 PM
زعيــم مميــز
تاريخ التسجيل: 06/04/2004
المكان: جامعة كل الحلا وزين الصفاتي. مانلومك لو مدحت البرتقاله. منحرم من شوف لابست العباتي. شوفها ما كل مخلوقن يناله. لو تشوف بنات القصيم مفرعاتي. ان تحط البرتقاله في الزبالة
مشاركات: 1,913
هلا ابو ساره

الصراحة مواضيعك كالعادة حلوووووووه الله يعطيك العافية

بس انا مافقدتك الا من تغيب الشمس كل ماكتب موضوع قال وين ابو ساره

ماقصرت
اضافة رد مع اقتباس
  #3  
قديم 20/03/2005, 09:52 PM
زعيــم مميــز
تاريخ التسجيل: 11/06/2001
المكان: أرض الهلالين
مشاركات: 2,042
حياك الله أخوي أبو سارة ومن طول الغيبات جاب الغنايم
اضافة رد مع اقتباس
  #4  
قديم 20/03/2005, 10:21 PM
زعيــم مميــز
تاريخ التسجيل: 18/09/2004
مشاركات: 1,684
ياهلا وسهلا تو مانور المنتدى
وبانسبه للمنتخب(( ردد ياليل مطولك))
والله يستر من ثمانيه جديده
اضافة رد مع اقتباس
  #5  
قديم 20/03/2005, 10:28 PM
موقوف
تاريخ التسجيل: 28/08/2004
المكان: على سطح الهلال
مشاركات: 1,616
ياهلا وسهلا تو مانور المنتدى
وبانسبه للمنتخب(( ردد ياليل مطولك))
والله يستر من16جديده
اضافة رد مع اقتباس
  #6  
قديم 20/03/2005, 10:44 PM
زعيــم نشيــط
تاريخ التسجيل: 13/05/2004
المكان: ايداهو, امريكا
مشاركات: 780
كلك على بعضك عسل

الله لا يحرمنا طلتك

اضافة رد مع اقتباس
  #7  
قديم 20/03/2005, 10:57 PM
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 14/05/2002
المكان: في صومعة الحياة ..!!
مشاركات: 9,999
الف شكر ابو سارة

وان شاء الله الجمعااااااااان يرجع غداً
اضافة رد مع اقتباس
  #8  
قديم 20/03/2005, 11:07 PM
موقوف
تاريخ التسجيل: 16/11/2003
المكان: الساحل الشرقي
مشاركات: 462
[align=center]مشكور اخوي ابو سارة

وكالعادة متميز في الاخبااااار

وباذن الله نفوز في اللقاء القادم ونتصدر الدوري

وباذن الله يرجع القيصر (الغنام) في اقرب فرصة بعد شفائه من الاصابة تماما

&تحياتي لك&
[/align]
اضافة رد مع اقتباس
  #9  
قديم 20/03/2005, 11:17 PM
زعيــم متألــق
تاريخ التسجيل: 25/10/2002
المكان: الرياض
مشاركات: 1,218
الله يعطيك العافية
اضافة رد مع اقتباس
  #10  
قديم 20/03/2005, 11:20 PM
الصورة الرمزية الخاصة بـ مدخل غرامي
زعيــم مميــز
تاريخ التسجيل: 11/09/2004
المكان: الشرقيه
مشاركات: 2,966
يعطيك العافيه
اضافة رد مع اقتباس
  #11  
قديم 20/03/2005, 11:24 PM
زعيــم مميــز
تاريخ التسجيل: 07/11/2004
المكان: تبوك الورد
مشاركات: 3,664
حياك الله أخوي أبو سارة ومن طول الغيبات جاب الغنايم
اضافة رد مع اقتباس
  #12  
قديم 20/03/2005, 11:35 PM
زعيــم متألــق
تاريخ التسجيل: 26/04/2004
المكان: الشـــــــــــرقية
مشاركات: 1,165
لالالالالالالالا مومعقووول أبو ســـــــــارة كاتب موضوع ماني مصدق!!!!!

وينك يارجل وين الناس حرام تحرمنا من تسحيباتك وتنطيلاتك والحركات اللي توسع الصدر

المهم لا عاد تكررها
ترى بنسوي إضراب :p :p

والله إني خايف من إصابة الغنام وعساه يرجع بدري

وذا مدربنا الأرجنتيني شكله مصخن أجل فيه أحد يبعد الدوخي؟؟
والله يستر من الجاي

وبإذن الله ســـــــــامي كدها وبيبدع وبيسكت الحاقدين

وإن شــــــــــاء الله الفوز هلالي بكره



(((لا عاد تعود غيابك)))<<<<تحس نشبة
اضافة رد مع اقتباس
  #13  
قديم 20/03/2005, 11:36 PM
زعيــم متواصــل
تاريخ التسجيل: 27/10/2003
المكان: قلوب المحبين
مشاركات: 170
الله يعطيك ألف عافية والحمد لله على السلامة بس خل عنك اذبحوك باشاعة نانسي ( يعنني فاهم شئ )
اضافة رد مع اقتباس
  #14  
قديم 20/03/2005, 11:43 PM
زعيــم مميــز
تاريخ التسجيل: 04/09/2003
المكان: الــريــاض
مشاركات: 3,537
حياك الله اخوي ابوساره

والحمدلله على السلامه

وان شاءالله يكون مانع غيبك خير

وربي لايحرمنا منك

وبالتوفيق ان شاءالله للازرق
اضافة رد مع اقتباس
  #15  
قديم 21/03/2005, 12:04 AM
زعيــم متواصــل
تاريخ التسجيل: 11/03/2005
المكان: الرياض
مشاركات: 174
حي الله ابوساره


اجل اشاعه علاقك بنانسي عجرم :


الله يرجك هذا اللي اقوله
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:46 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube