#1  
قديم 12/03/2005, 12:51 AM
زعيــم متواصــل
تاريخ التسجيل: 08/02/2005
مشاركات: 194
ليـــه تظلمون جماهير الرياض وتهضمون حقهم ...!!موجه للاتحاد السعودي

السلام عليكم ورحمة الله وبركاته...

شباب من جد انا بخش سيدا في الموضوع لأني من جد مطرطع...

الحين ليه الاتحاد السعودي او القائمين على المنتخب المهم اللي يختار اماكن لعب المنتخب في السعوديه ويحددها..

ياخي والله حرام عليهم يظلمون جمهور الرياض اللي هو والله افضل جمهور في السعوديه ولو بعد مليون سنه.

ليه كل ماجت مباراه قويه للمنتخب نقلوها اما للدمام او جده.. ياخي والله حرام عليكم هنا في جماهير بالاف تحترق والله تبيها في الرياض.....

مباراة السعوديه وكوريا والله كل جماهير الرياض متوقعين انها في الرياض لأنها مباراه تحتاج لجمهور كثير ومن غير اهل الرياض يسون هالشي ونتفاجأ حاطينها في الدمام ..انا ما اظلم جماهير الدمام ولا اتكلم عليهم انا اقصد تقارن ملعب الجمهور فيه راح يحضر بعدد يفوق 75 الف بملعب جمهوره 25 الف ولا يزود شوي..!!! حتى احان اللي بنتابع المباراه في التلفزيون ماراح نسنتانس لأن وضع الكاميرات هناك مره غبي ياشيخ ملعب الارستال التصوير فيه اصرف..

والله حرام عليكم من اللي تسونه دلاخه مثل مباراتنا مع ايران في الاياب في تصفيات كاس العالم يوم نقلوها لجده...والله انهم فيهم دلاخه السعوديه تلعب مع ايران وتنقلونها لجده..!!!
شفتوا كيف وقتها جماهير ايران غطت علينا في ذيك المباراه..

يقولون اهل الرياض مايحضرون لمباريات المنتخب وهذا عذرهم...والله انهم ماعندهم سالفه..
يجيبون السعوديه تلعب مع اوزبكستان ولا مع اندونسيا ولا مع اوغندا ومدري مين من ذي المنتخبات النايمه ويقولون ليه مايحضر جمهور..

ياخي جيبوا لنا مباريات صاحيه..لاتنسون جمهور الرياض كيف وقف مع المنتخب واخرتها كاس الخليج ملا الملعب كله من العصريه في الافتتاح وفي الختام وبيض الوجه...
وغيرها من مباريات كبيره..اما تحط لنا مباريات مع اندونيسيا وتقول ليه الجمهور مايحضر والله من جد ضحكتني..

اما اذا قالوا عامل الجو...ههههههههههه كثر لي منها يعني بالله جبلي جوا احسن من جو الرياض علشان نلعب الكوريين فيه..جو حر ومن جد الكوريين بيذيبون في الملعب وبنصقعهم..

والله شي يقهر..
اضافة رد مع اقتباس
  #2  
قديم 12/03/2005, 01:02 AM
الصورة الرمزية الخاصة بـ عــشــق الــكــتــابـه
زعيــم مميــز
تاريخ التسجيل: 25/02/2005
المكان: aL DaMMaM CiTy
مشاركات: 3,947
[frame="7 80"][align=center]سلملي على جماهير الرياض

قصدك جماهير القهاوي

انا من المأيدين لنقل المباريات القويه لجده او الدمام وشوف الجماهير وش لون بتجي الملعب

جماهير الرياض ماراح تجي الا اذا خلوا الدخول ببلاش ويمكن ماتجي بعد

خلونا ياشباب نكون واقعيين ونتكلم بصراحه

والله ثم والله لو الاتحاد السعودي يسوي ملعب اكبر من استاد الملك فهد مرتين في جده كان تشوفه يمتلي على الاخر في مباريات الدربي وانت تقول لي الرياض؟

هذا رايي

ولك واحد حر في رايه

وتحياااتي للجميع

[/align]
[/frame]
اضافة رد مع اقتباس
  #3  
قديم 12/03/2005, 01:05 AM
زعيــم متواصــل
تاريخ التسجيل: 04/02/2005
مشاركات: 187
وش فيها اذا صارت بالشرقيه اوجده ؟

ترى حتى حنا متعطشين

والمملكه واحد
اضافة رد مع اقتباس
  #4  
قديم 12/03/2005, 01:06 AM
زعيــم متواصــل
تاريخ التسجيل: 08/02/2005
مشاركات: 194
شوف اخوي..

اول شي جماهير الرياض تقول انهم بتاع القهاوي..اوكي معك لكن صدقني مو في المباريات المهمه...

والهل مباريات المنتخب القويه مثل هذي وغيرها ماتتفوت مو تجيبي الهلال لما يلعب قدام مدري مين او النصر لما يقابل فريق..اي هذا دوري ياعيوني ليه اروح اتعب نفسي وفي الاخير اجلس على صبه تكسر ظهري..!!!

اما هذا منتخب..وانا اتحداك تجيب لي مباراه للمنتخب قويه ومهمه جمهور الرياض ما ملا الاستاد..

ياخي يكفيك جمهور الهلال لوحده هالسنه كيفي جالس يحضر..فنخيل لو حضر معاه هالكم نصراوي واتحادي وشبابي واهلاي وحتى اللي مايتابعون الا المنتخب..

بالنسبه للمنتخب غير الوضع مره غير لو عن الانديه ايه اقولك جماهير الرياض ماعندهم سالفه اما للمنتخب لا والله انت ظلمتهم من جد اخوي
اضافة رد مع اقتباس
  #5  
قديم 12/03/2005, 01:09 AM
زعيــم متواصــل
تاريخ التسجيل: 08/02/2005
مشاركات: 194
إقتباس
الرسالة الأصلية كتبت بواسطة ~عاشق الشرقية~
وش فيها اذا صارت بالشرقيه اوجده ؟

ترى حتى حنا متعطشين

والمملكه واحد


اخوي يبدو انك ماقريت انا ايش كتب بالنقطه هذي..تابع ماذا قلت..

إقتباس
انا ما اظلم جماهير الدمام ولا اتكلم عليهم انا اقصد تقارن ملعب الجمهور فيه راح يحضر بعدد يفوق 75 الف بملعب جمهوره 25 الف ولا يزود شوي..!!! حتى احان اللي بنتابع المباراه في التلفزيون ماراح نسنتانس لأن وضع الكاميرات هناك مره غبي ياشيخ ملعب الارستال التصوير فيه اصرف..

إقتباس
والله ثم والله لو الاتحاد السعودي يسوي ملعب اكبر من استاد الملك فهد مرتين في جده كان تشوفه يمتلي على الاخر في مباريات الدربي وانت تقول لي الرياض؟

اخوي ترى ملعب جده كله على بعضه حول 25 الف مدري كم..لو نصلح لهم واحد مثل الملز ماملوه...
فقط جمهور الهلال اللي حضر مباراة الاسماعيلي فاق عدد جمهور الاهلي والاتحاد في الديربي حقهم
اضافة رد مع اقتباس
  #6  
قديم 12/03/2005, 01:12 AM
زعيــم نشيــط
تاريخ التسجيل: 11/02/2005
مشاركات: 766
خلونا واقعيين .. لو مافيه فلوس كان ماجيتوا .. أحضروا المباريات للـــه ..
اضافة رد مع اقتباس
  #7  
قديم 12/03/2005, 01:16 AM
زعيــم متواصــل
تاريخ التسجيل: 08/02/2005
مشاركات: 194
إقتباس
الرسالة الأصلية كتبت بواسطة Al-Zaeem Boy
خلونا واقعيين .. لو مافيه فلوس كان ماجيتوا .. أحضروا المباريات للـــه ..

...!!! اي فلوس تقصد اخوي مافهمت قصدك..

بعدين من متى والمباريات نحضرها لله...انت بكلامك هذا خليت المباراه شي من الدين..!!

احان نحضر نؤدي واجب وطني لا اكثر ولا تهمنا لا فلوس ولا الكنبات حقتهم اللي يوزعونه ويكون في علمك انا نشتري التذكره من هنا نذبها من هناك على طول ولا نحتري جائزه ابدا سواء كان حضروناا للهلال او للمنتخب..

فالهدف واحد ومعروف..
اضافة رد مع اقتباس
  #8  
قديم 12/03/2005, 01:43 AM
الصورة الرمزية الخاصة بـ هلالي جدا
زعيــم مميــز
تاريخ التسجيل: 01/11/2001
المكان: عـنـيـزة
مشاركات: 2,216
هلا اخوي سايلنت ..


فعلاً من زمان ماشفنا مباراة قوية للمنتخب في الرياض ..

المفروض تكون مباريات التصفيات النهائية لكأس العالم في الرياض وستاد الملك فهد تحديداً .. أما الأدوار التمهيدية .. فمو مشكلة تكون في جدة أو الدمام ..


جمهور الرياض سلبي مع الأندية .. ومع البطولات طويلة المدى ..

لكن في النهائيات والمباريات الحاسمة .. لايعلى عليه .. ..

بس على فكرة .. إقامة المباريات في الرياض يشجع جماهير المناطق القريبة ( القصيم وغيرها ) للحضور .. عشان الرياض قريبة لكل المناطق عكس الشرقية أو جدة ..


تحياتي ..
اضافة رد مع اقتباس
  #9  
قديم 12/03/2005, 01:53 AM
زعيــم مميــز
تاريخ التسجيل: 11/12/2004
المكان: السعودية - الرياض
مشاركات: 1,659
[align=center]والله قهــر

مفروض المبـاراة مع كوريـ ـ ـا باستاد الملك فهـ ـ ـد

وتخيـ ـ ـل عاد الاستاد مليـ ـ ـ ـان على الأخر

بجد شئ راح يطير قلـ ـ ـوب الكوريين

وعلى قولتهم هم يبون ينصفــون ويبون جمهـ ـ ـ ـور

كيـف الأنصــاف ولا مباراة من التصفيـ ـ ـات في الريـاض كلها في جدة والدمـ ـ ـام

وصدقونـ ـ ـي مافيه أفضـل من جمهـ ـ ـور الريـ ـ ـاض

وعندنـ ـ ـا ملعب غيـ ـ ـر طبيعي
[/align]
اضافة رد مع اقتباس
  #10  
قديم 12/03/2005, 02:03 AM
زعيــم متألــق
تاريخ التسجيل: 05/07/2001
المكان: England
مشاركات: 1,098
بس حبيت نقطة تاخذ بالبال ..

المنتخب بعدها بخمس ايام بيلعب ضد الكويت ..

و انت عارف تشابه جو الدمام مع الكويت .. بعكس الرياض ..

جمهور الشرقية ملأ مباريات المنتخب الأولمبي العام الماضي (( كانت مجانية )) .. بينما جمهور الرياض لم يتعدى حضوره الفين في بطولة الناشئين للخليج (( مجانية أيضا )) ..

الملعب سيمتلئ (( يسع لأكثر من 30 ألف متفرج )) .. بأذن الله ..

بالتوفيق للمنتخب ..
اضافة رد مع اقتباس
  #11  
قديم 12/03/2005, 11:20 AM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
إقتباس
الرسالة الأصلية كتبت بواسطة عــشــق الــكــتــابـه
[frame="7 80"][align=center]سلملي على جماهير الرياض

قصدك جماهير القهاوي

انا من المأيدين لنقل المباريات القويه لجده او الدمام وشوف الجماهير وش لون بتجي الملعب

جماهير الرياض ماراح تجي الا اذا خلوا الدخول ببلاش ويمكن ماتجي بعد

خلونا ياشباب نكون واقعيين ونتكلم بصراحه

والله ثم والله لو الاتحاد السعودي يسوي ملعب اكبر من استاد الملك فهد مرتين في جده كان تشوفه يمتلي على الاخر في مباريات الدربي وانت تقول لي الرياض؟

هذا رايي

ولك واحد حر في رايه

وتحياااتي للجميع

[/align]
[/frame]

اضافة رد مع اقتباس
  #12  
قديم 14/03/2005, 02:24 PM
زعيــم متواصــل
تاريخ التسجيل: 08/02/2005
مشاركات: 194
إقتباس
الرسالة الأصلية كتبت بواسطة هلالي جدا
هلا اخوي سايلنت ..


فعلاً من زمان ماشفنا مباراة قوية للمنتخب في الرياض ..

المفروض تكون مباريات التصفيات النهائية لكأس العالم في الرياض وستاد الملك فهد تحديداً .. أما الأدوار التمهيدية .. فمو مشكلة تكون في جدة أو الدمام ..


جمهور الرياض سلبي مع الأندية .. ومع البطولات طويلة المدى ..

لكن في النهائيات والمباريات الحاسمة .. لايعلى عليه .. ..

بس على فكرة .. إقامة المباريات في الرياض يشجع جماهير المناطق القريبة ( القصيم وغيرها ) للحضور .. عشان الرياض قريبة لكل المناطق عكس الشرقية أو جدة ..


تحياتي ..

إقتباس
والله قهــر

مفروض المبـاراة مع كوريـ ـ ـا باستاد الملك فهـ ـ ـد

وتخيـ ـ ـل عاد الاستاد مليـ ـ ـ ـان على الأخر

بجد شئ راح يطير قلـ ـ ـوب الكوريين

وعلى قولتهم هم يبون ينصفــون ويبون جمهـ ـ ـ ـور

كيـف الأنصــاف ولا مباراة من التصفيـ ـ ـات في الريـاض كلها في جدة والدمـ ـ ـام

وصدقونـ ـ ـي مافيه أفضـل من جمهـ ـ ـور الريـ ـ ـاض

وعندنـ ـ ـا ملعب غيـ ـ ـر طبيعي

معليش تأخرت في الرد لظروفي الجامعيه..

اي واللي يتكلم ويقول غير هالكلام والله هو وحده من الثنتين اما انه من خارج الرياض او انه من ذوليك اللي يتكلمون ويسون نفسهم فاهمين وهم معسكرين في بيوتهم..

مثل ماقالو اخواني فوق وخصوصا هلالي جدا..

وبعدين ماقلنا شي مع الكويت بالطقاق خلوها في وادي رين ..اهم شي مع كوريا الكوريين لازم يلعبون قدام 80 الف علشان قلوبهم تطيح...

واله اهل الرياض مظلومين..المشكله اللي قاهرني ان التصوير هناك من جد زفت في ملعب الشرقيه احان كمتابعين ماراح نستانس
اضافة رد مع اقتباس
  #13  
قديم 14/03/2005, 03:41 PM
زعيــم نشيــط
تاريخ التسجيل: 14/10/2002
المكان: مـمـلـكـة الـزعـيـم
مشاركات: 662
إقتباس
الرسالة الأصلية كتبت بواسطة Al-Zaeem Boy
خلونا واقعيين .. لو مافيه فلوس كان ماجيتوا .. أحضروا المباريات للـــه ..

هههههههههههههههههههههههههههههههههههههههههههههه
الله يرجك
......................................................

با النسبه لجماهير الرياض فلها وقفات لاتنسى مع المنتخب واتذكر كان فيه مبارة للمنتخب مع الصين وكانت مهمه مرره بالنسبه لنا وكان المسؤلين متخوفين من عدم حضور الجماهير ليتفاجؤا باستاذ الملك فهد مليان عن اخره وحقق فيها المنتخب الفوز على ما اعتقد بهدف ضربة جزاء لخالد مسعد وشكلي خانتني الذاكره وضيعه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:00 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube