السلام عليكم ورحمة الله وبركاته
انا ممن حضر المباراة والله لا يوريك انواع الحموضة ورفع الضغط من اللعب
المشكلة ماهي في رغبتنا في الفوز بكل مباراة بس اللعب الهلالي كان كله عك في عك
ما كان فيه الا كماتشو في الوسط والباقي اشطب عليه وبالذات خالد عزيز اللي مفروض انه محور متقدم بس كل كوره تروح للمفرج وتفاريس وأحيانا للعتيبي
ووسط كل هالكور المقطعة والكنترول السي من معظم اللاعبين تجد ان الحوسني مختلف عن الجميع كان لوحده بالهجوم وحتى وسط الرياض كان كله محاور بس اذا وصلت الكورة للحوسني سوى قلق
تفاريس والمفرج ما قدروا يمنعونه عن تهديد المرمى وكان الجمهور الهلالي محتقن جدا جدا جدا
نرجع للقطة اللي تتكلم عنها الكورة وصلت للحوسني وقدر يصلح الكوره لنفسه وسوى كوره مقصية من راس الثمنطعش والله مدرى عنها العتيبي الا وهي تضرب القائم الأيمن له وحنا قمنا بدون شعور من حلاوة اللعبة وصرنا نصفق للحوسني ونحييه
بس لعب الهلال تغير بشكل كبير بعد ما نزل الصويلح وبشكل اقل بعد نزول الموري