#1  
قديم 10/03/2005, 11:14 PM
قلم مثقف بالمجلس العام
تاريخ التسجيل: 21/01/2004
المكان: الظهران
مشاركات: 1,453
ملاحظات عامة في مباراة اليوم ..الهلال يدفع ضريبة جزائيته مع الوحدة ..

شاهدنا اليوم نتيجة الحملة الشرسة الظالمة على الهلال بعد مباراة الوحدة السابقة ..
هدف الحملة ..... خلق ضغط نفسي في أي أمور مستقبلية تتعلق بالهلال ....



%% المعلق ما بقى الا يرمي المكرفون وينزل يحكم .... لاعبو الهلال يتعرضون للضرب والحكم ناسي شي اسمه كروت .. وهو ماهمه الا طرد عمر الغامدي مع لاعب الرياض - مع ان الفاول له - واحتساب بلنتي على المفرج - مع انها لمسة يد غير مقصودة.. ويده ثابتة -


%% المخرج نسى المباراة وجلس يعيد في كورة المفرج الين قال بس .. هي 20 مرة ..30 مرة ... اتوقعت اني اشاهد صافرة .. مو مباراة ......


%%ياما انلعبت عدة مباريات في نفس اليوم .. ما لقوا ينقلوا لقطات من مكة الا اليوم .. مو المفروض حصري على أوربت؟ ليه ما عمرنا شفناها أيام ما يلعب الهلال في مباريات غير منقولة ...؟؟!


%% بلنتي على العتيبي لم يشاهده الا ابو زنده !!! توقعت الحكم صفر بيعطي فاول للعتيبي ... بس الله يصلحه ... باين ان الحكم دخل المباراة وهو مشحون على الهلال ...


%% ديسلفا دخل هدف غير محسوب من عكسية جات بعد ما طلعت الكورة برّة... غير كذا ... ضيف شرف ينتظر احد يقول اقلطوا على العشا ...


%% الجري ظهير .. غير كذا صعبة ... على الأقل لا تجارب مع نهاية الموسم ... ليه ما يكون من البداية المباراة كماتشو يسار و الموري - او فهد سرور- يمين واللعب بمهاجمين ...


%% بندر بن محمد ... تصريح جميل بعد المباراة .. ما قصّر ...


%% تفاريس .. رجل الأوقات الصعبة ...


%% المطيويع في الأستديو بدل بتّال ...الله فكنا من القوس .... لو فاز الهلال ينقلب التحليل مأتم .. واذا خسر بيطلع من الشاشة متشقق من الفرح .... ياليت روحة بلا رجعة ويتفرغ للمواجهة ...


وان شاء التعويض في المبارايات القادمة ..... فهو تعادل بطعم الخسارة ...

وسلامتكم ..

اضافة رد مع اقتباس
  #2  
قديم 11/03/2005, 01:03 AM
زعيــم فعــال
تاريخ التسجيل: 17/02/2005
المكان: الخــبر
مشاركات: 427
والله انك صادق بس فهد سرور اناني كان في المباراه شوي والصويلح ضايع

بس في قضية بتال والله انك صادق
اضافة رد مع اقتباس
  #3  
قديم 11/03/2005, 01:27 AM
زعيــم نشيــط
تاريخ التسجيل: 17/04/2004
مشاركات: 534
كلامك صحيح
والمدرب كثرة أخطائه فهد مبارك يكثر من المراوغات على غير فايدة
الموري أفضل منه بألف مرة
المعلق مهو بصاحي اليوم كان متحامل على الهلال بشمل كبير
اضافة رد مع اقتباس
  #4  
قديم 11/03/2005, 01:29 AM
زعيــم نشيــط
تاريخ التسجيل: 21/03/2004
المكان: وين مايكون الهلال
مشاركات: 517
الجري ظهير .. غير كذا صعبة
صح مليون مره
والمفروض المدرب يحاسب على هالشي

الهلال دافع فلوس في الجري ومضواح على شان خانة ظهير ايسر لنا عامين نعاني من فراغها مايصير يلعب واحد في الوسط وواحد يركنه مايصير ابد


على الاقل يركنهم لين يجيهم مدرب يلعبهم في المواسم القادمه اذا مو مقتنع فيهم مو يغيّر مراكزهم ويشتتهم...
اضافة رد مع اقتباس
  #5  
قديم 11/03/2005, 01:36 AM
زعيــم متألــق
تاريخ التسجيل: 25/12/2004
المكان: السعودية
مشاركات: 1,439
والله انك صادق في كل كلمة قلتها

وحرام ماقدرنا نحطم الرقم القياسي
اضافة رد مع اقتباس
  #6  
قديم 11/03/2005, 03:25 AM
زعيــم مميــز
تاريخ التسجيل: 16/09/2004
المكان: MED-US
مشاركات: 2,871
الله يعطيك العافيه
شفنا اليوم الشوط الاول كنهم يبون الهزيمه
والشوط الثاني هالحكم مدري وش كان ناوي عليه
والى المعلق ياسلااام على معلقين اخر زمن هاجمو البكر عشانه قال كلمت الحق
اما المخرج فهو ماعنده الى لقطه وحده الي هي حقت المفرج يعيد ويزيد فيها على باله بيسوي فيها محترف
لكن مافش غلي وريحني الى الامير بندر بن محمد يوم تكلم كل كلامه حكم ياليت غيره يستفيدون
واخيراً اتمنا اننا نستفيد من الاخطاء هذي واننا نصححها قبل لايطيح الفاًس بالراس
وشكراً
اضافة رد مع اقتباس
  #7  
قديم 11/03/2005, 03:34 AM
زعيــم مميــز
تاريخ التسجيل: 01/11/2002
المكان: وين مايروح الأزرق
مشاركات: 3,853
المشكلة ليست في ديسلفا نفسه

المشكلة خفة دم باكيتا وأختياره اللعب بطريقة عقيمة جدا

تخيلوا مهاجم واحد بين خمسة مدافعين

يلعب أمام الرياض وكأنه يلعب أمام بطل أوروبا

أين الشلهوب وسامي؟؟
اضافة رد مع اقتباس
  #8  
قديم 11/03/2005, 10:34 AM
قلم مثقف بالمجلس العام
تاريخ التسجيل: 21/01/2004
المكان: الظهران
مشاركات: 1,453
عاشق الفيلسوف والذيب

بالعكس .. الصويلح كان متحرك وكاد ان يحرز هدفين وعمل في شوط مالم يعمله ديسلفا في كامل المباراة ..

اتفق معك في فهد سرور وانه بحاجة لرفع ادائه ... واتاحة فرصة أكبر للموري قد تكون أفضل ..

بتال مثل اللاعب اللي ضامن خانه .. يبي يمشي الأستديو مزاجه ..


شكرا لك على المرور ...


==========================================

اكورد

حياك الله ...

نعم ...فعالية الموري الهجومية أكبر من سرور ... وأعتقد ان المدرب الى الآن غير مستقر على من يلعب في اليمين .. لدرجة انه ينقل كماتشو الى اليمين في كثير من الأوقات وهو اللاعب الأعسر ..

المعلق ... الله يخلف عليه .. لو الكورة آوت يصيح "أووووووووووو" ..

شكرا لك ;)

===========================================

هلالي صميم وافخر


نعم .. شاهدنا الجهة اليسرى نايمة هجوميا في الشوط الأول .. اعتقد ان المركز لا يناسب الجري ....

ولا وقت للتجارب الآن ...

شكرا لك ...


==================================================

تشيلساوي

الجايات أحسن ان شاء الله...

الف شكر على المرور ...

====================================================

المشجع الكبير

الله يعافيك

اتفق معك كليا .. وبندر بن محمد دائما تصاريحه تبرد القلب .... يقول النصراوية لازم يدخلون الهلال في تصاريحهم ولا ما حد قراها وان الهلال خيره على الجميع .. فلن يقطع أرزاق بعض الكتاب المرتزقة .... ... (تذكرت جستنية)

تسلم على التعليق ..


================================================

zaidan

اهلا وسهلا ..

الشلهوب وسامي خارج التشكيلة للأرهاق وربما اصابات طفيفة حسب ما قرأنا قبل المباراة ...


اعتقد ان المدرب جيد عموما ..ولكنه لم يتوفق في هذه المباراة الى حد ما ....يجب عليه الأنتباه الى بعض الأخطاء ويشوف له حل مع ديسلفا ..


شكرا على مرورك ;)
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:01 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube