تحليل بسيط على مستوى الهلال في مباراة الوحده وتحليل فني على ضربة الجزاء المشكوك فيها [align=center]السلام عليكم ورحمة الله وبركاته الى اعضاء شبكة الزعيم الكرام هذا مجرد تحليل فني بسيط مني انا للي شفته في مبارة الهلال والوحده وايضا تحليل عن ضربة الجزاء التحليل الفني عن المباراة مستوى الهلال ليس المستوى الذي عهدناه والسبب هو ان البطولة خروج مغلوب ويحصل فيها ارتباك لكن هل هذا سبب مقنع حضر الملعب وغاب عن اللعب كثير من اللاعبين منهم الكابتن سامي الجابر فما شفناه في المستوى حتى دون المطلوب في هذه المباراه فضيع اكثر من 5 هجمات وكرات مرت من امامه وما استغلها استغلال اللاعب المبتدئ حتى اعتذر لك يا سامي لكن هاذي الحقيقه في هذه المباراه انت ما قدمت اللي تقدمه في المبارايات الاخرى وان صراحه استغربت الشي هذا وايضا اللاعب محمد الشلهوب لكن محمد الشلهوب اتت له فرصة تسجيل هدف وهي من صناعة كماتشو بالرأس لكن محمد الشلهوب وضعها ضعيفه امام المرمى كماتشو - الدوخي ( بعض الإنطلاقات من جهة اليمين ) -ديسلفا كان وجودهم مثل عدمهم والجهه اليسرى كانت ميته وان ما لحقت على المباراه الى بعد مرور 5 دقائق الأولى من المباراه ( يعني ما شفت التشكيلة ) وما كنت اشوف اي هجمه من الجهه اليسرى فتوقعته اي لاعب مبتدئ موجود في الفريق واخطا المدرب في وضعه فتفاجئت فالأخير ان اللاعب عمر الغامدي كان في الجهه اليسرى لاني ما شفت اي انطلاقه منها او حتى حجمه بسيطه اعطي نجومية المباراه الى الكابتن الرائع فهد المفرج أبو عبدالله ( الله يقومه بالسلامه ) والى الحارس النجم اللي ابدع ابداع اللكبار والخبراء والعالميين حسن العتيبي ( الله يعطيه الف عافية ) ضربة الجزاء بالنسبة لضربة الجزاء فالإدارة ما قصرت ونشرت الصور الخاصه بضربة الجزاء لكن البعض شكك فيها وكان معي كم واحد نصراوي يقولون ان هذا مو بلنتي فوضحت لهم البلنتي جاء اثر شد من اللاعب ( رقم 5 ) من الفريق الوحداوي وهذا الشي وضحته الصور مد اللاعب يده على قميص محمد الشلهوب وشده طيب البعض يقوللي ان الشد ما كان لدرجة ان اللاعب يطيح اقوللك : ان الإنفراد او شبه الإنفراد في المرمى اذا حصل معاه اي شد بسيط داخل منطقة الجزاء يحسب بلنتي يمكن الشلهوب طيح نفسه علشان يثبت للحكم انه صار فيه شد او من الاكيد ان اللاعب طاح غصبا عنه وشد القميص داخل منطقة الجزاء اثناء الإنفراد او شبه الإنفراد في المرمى تحسب ضربة جزاء صحيحه ليس عليها غبار[/align] اتمنى اني وضحت للي شاكيين في ضربة الجزاء وشكرا |
مشكور أخوي هلهول |
هلهول الزعيم شكرا على المجهود الطيب لكن اسألك سؤال لو كانت ضربة الجزاء هذي ضد الهلال وش كنت بتقول بصرااااااااااااااحه |
انا صريح إقتباس:
صحيح ردة فعلي بتكون قوية وضد الحكم لكن بعد ما اتأكد هل هي ضربة جزاء صحيحه ام لا اقدر اتكلم في ذاك الوقت اعترض او أؤيد لكن ضربة الجزاء كانت صحيحه واذا صارت ضد الهلال ما اقدر اقول الا انها صحيحه |
مشكور اخوي هلول على هذا التحليل الجميل |
يعطيك العافيه على التحليل الحلو. |
الوقت المعتمد في المنتدى بتوقيت جرينتش +3.
الوقت الان » 11:08 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd