خالد عزيز لاعب مقاتل مثل لعب (غاتوسو ) لاعب ميلان
يعرف يقطع الكوره ويمسك ويدافع ولاعب مقاتل بمعنى الكلمه
لكن عنده عيب واحد أخطائه قاتله

مع الخيل ياشقراء
تسبون اللاعب وهو أمس شايل مركزين
الغامدي مصاب وماقدم شي ومعذور
وهو اللي ماسك المركزين
أمس عزيز محورين في محور واحد
وأزيدك بعد يميل للظهير الأيمن إذا تقدم الدوخي
حـــــــــرام عليك ياخي
كان سيء وانا أعترف
لكن الآن هو مجتهد رغم سبكم فيه يقدم كل شي لجل يسعدكم
بفضل الله ثم بفضله تأهلنا في دوري أبطال العرب
صلي على رسول الله محمد وإخزي ابليس

اجل لاتحضر لانه خالد عزيز اهم منك


خالد عزيز لاعب مهم في الهلال والمنتخب


ماراح نستغني عنه لجل عيونك

إقتباس الرسالة الأصلية كتبت بواسطة ..][ فـهـد ][.. [align=center]هذي عاداتكــم دائمـ ـ ـ ـا بعد كل مبـاراة تتكلمـون عن عزيز... هـذا ينتقـد وهذا يطالب بالابعـاد وهذا يطالب بتنسيقه ... اليـوم خالـد عزيز مقدم مستـوى جيـد ... وخلو عنـكم الأنتقـاد ماراح يضيـع لاعبيـنا اللي من هـم على شاكلتـكم ...[/align]

ياخي اسالك بالله مستوي الهلال قبل والا يوم رجع الكابتن الي جالس تدافع عنه

بقول شي واحد الكابتن يصلح سوكرتي علي عماره والي جندي ببقعا والا فراش مدرسه

اما لاعب فعيب علينا انا نتفرج عليه لانه بسير عندنا نقص او ننقص من حقنا الكروي

وكل الي اقول قارن بينه وبين الغنام وانت اكيد بتعرف

الا اذا تقربله شي ثاني او احد اصدقاه

واذا الكابتن حقك يحب الهلال فالهلال وجمهوره بغنا عنه

ياشباب لازم نكون جمعينا داعمين للنادي وجميع اللاعبين بدون استثناء
واعتقد مثل هذي المواضيع ماتقدم ولاتاخر
والخوض فيها مضيعه للوقت
وارجو اخي الكريم انك تراعي ادبيات النقاش من خلال طرحك للموضوع وردودك

إقتباس الرسالة الأصلية كتبت بواسطة بدون مجامله ياخي اسالك بالله مستوي الهلال قبل والا يوم رجع الكابتن الي جالس تدافع عنه بقول شي واحد الكابتن يصلح سوكرتي علي عماره والي جندي ببقعا والا فراش مدرسه اما لاعب فعيب علينا انا نتفرج عليه لانه بسير عندنا نقص او ننقص من حقنا الكروي وكل الي اقول قارن بينه وبين الغنام وانت اكيد بتعرف الا اذا تقربله شي ثاني او احد اصدقاه واذا الكابتن حقك يحب الهلال فالهلال وجمهوره بغنا عنه

[align=center]تـم الأطـلاع على الـرد وهو يدل على أنك شخص متعصـب ولاتفقـه شئ في الكرة

ودليـل ذلك أنك وديت الكابتن وخليته حارس عمـارة وجندي في بقعاء ..

يااخي خل الغنــام يرجع من الأصابه ثم تكلم ...

الغنــام الحين مصـاب حالياً حنا نتكلم عن لاعب يشغـل هذي الخانـة في غيـاب الغنـام

انا راح ادافع عن خالـد عزيز وساظـل أدافع ..

مادام انت ومن هم على شاكلتك يحطمون من معنويـاته ...

والطآمــة الكبـرى خلني بسألــك أنتقادك للكابتـن بنتيه على أي شـئ ...؟؟؟

واحد من الاخوان اللي ردو قال انه مايوصـل الكـرة أمس بنسبه 35 % أيعقـــل هذا .....!!!!

كيـف تقـول كذا وهو أمس متحرك في ثلاث مراكـز ..يدافع..يساند الدوخي..يغطي مع الدفاع..

أخـوي أنت على خطـاء خل دع عنــك التعصـب قليلاً .. موب تصـير مع الخيـل ياشقـراء

متى مااحد قـال لك عزيز فاشـل رح تزيـد الطيـن بله وتنتقـد ...

عـزيز لو أنه فاشل على قولتك كان أمس لعب احتياطي للغامدي ..

وخاصه ان البرقان بارز بشكـل ملفـت ..

لو أنه فاشـل زي ماتقـول مأأخذة كالديـرون للمنتخـب ..

أعتقـد أنك مو أفضل من باكيتا وكالديرون ولسـت أخبر منهم

وشكــراً[/align]

ايش دعوة ياراعي المليار نبيك تزود الخزينة بس مليون وجمل الله حالك

خالد عزيز بلا شك ليس في مستوى الزعيم

ولكن ظروف الاصابات جعلته يلعب اساسي

وإلا مكانه الحقيقي دكة الاحتياط

مشكلة خالد عزيز ..

انه يلعب في خانة تحتاج امكانيات اكبر من امكانياته وبمراحل .. وايضا يلعب في نادي اكبر منه وبمراحل .

وابسط مهاره يحتاجها اللاعب في المحور هي دقة التمرير وهي المهاره اللي مايمكن ان عزيز يتقنها او حتى يتجراء ويغامر ويسويها ... لو لاحظنا في مباراة الوحد اتحدى اي واحد من اللي يدافعون عن عزيز ان يذكر لي كوره وحده تجرأ فيها خالد ومرر تمرريره طويله وكانت صح ..

بل للاسف نجد الكوره اذا انقطعت من الدفاع وتقدموا الاظهره ولاعبين الوسط وكان من المفروض من خالد انه يرسلها طويله لهم رجعها للمفرج او لتفاريس ومن ثم يوصلونها هم للهجوم لانه غير واثق من نفسه انه يستطيع توصيلها بطريقه صحيحه وهذا اللي قتل وسط الهلال وهجومه امس ..

وحتى لو تلاحظون انه في اخر الشوط الاول زهق سامي من الوضع وتراجع لمدة اربع او خمس دقايق تقريبا وبدا باستلام الكور من الدفاع وارسالها للهجوم والوسط ..

عموما هو مجتهد ولا احد ينكر حبه للفريق ولكن هذا الشي لايشفع له ..



اخيرا ما اقول الا الله يرجع لنا عبداللطيف ويسد الخانه فهو فعلا نموذج للاعب المحور المتميز ,, ثقه بالنفس ,, ونقلات طويله صحيحه ,, قدره عجيبه على المراوغه ،، تغطيه صحيحه ..

اخوي فهد ..

الله يرجع لنا الغنام من الاصابه ويفكنا من مطامر عزيز اللي ماله سنع ..

بعدين دام الغنام مصاب وين البرقان مايلعب جنب الغامدي ..

لك الحق كامل الحق انك تدافع عن اي لاعب بشرط انه مايكون عاله على الفريق مثل الكابتن عزيز ..

حنا ما نحطم معنوياته لكن الجميع يعرف ان الهلال يحاتج الى لاعب يضيف للفريق وليس العكس .. عندما كان المفرج عاله على الفريق الكل صوت بخروجه من الفريق لكن هذا المفرج الان مبدع والكل يثني عليه ويمدحه ونفس الحال مع عمر الغامدي ,, اذا حنا ما نسب اللاعب الفلاني لانه اللاعب الفلاني لا حنا نطالب بالمستوى ولا غير المستوى ..

خالد عزيز غير قادر على ربط الدفاع بالوسط والدليل مثل ماذكرت في ردي السابق انه اذا وصلته الكوره رجعها للدفاع ثم استلمها مره اخرى ثم مررها للدفاع .. نريد لو عشره بالميه من شجاعة عبداللطيف الغنام وتمريراته الطويله الرائعه ..

عندما يكون عبداللطيف الغنام موجود لاحظوا معي وش اللي يحصل ..

يقطع الكوره دفاع الهلال ينطلق الدوخي من الجهة اليمنى الكوره تسلم مباشره لعبداللطيف ثم يقوم بتمريره طويله لاحمد الدوخي وبالسنتيمتر تجدها على قدم احمد ومن النادر ما تخطىء قدم الدوخي .. اخوي فهد بدون تعصب للاعب الفلاني او اللاعب العلاني .. هل تذكر مره وحده اننا شاهدنا هذا السيناريو بين الدوخي وعزيز ..

ساتختصر عليك الاجابه لن تشاهده حتى لو ظل عزيز يلعب عشرين سنه مع الهلال .. ببساطه لانه يفتقد ابسط مهاره مطلوبه للاعب المحور وهي دقة التمرير والقدرة على فتح اللعب ..

عزيز اختير للمنتخب لانه ما فيه غيره هو وكريري .. الغنام وعمر مصابين ونور كان موقوف ..

عموما اتمنى التوفيق لخالد عزيز واتمنى انه يتطور مستواه ويفيد الزعيم بالمستقبل لانه حاليا غير قادر على ذلك ..

خالد لاعب مجتهد يخطيء ويصيب سبحان الله عشان ماعنده جمهور

ولا اعلام الكل قام يحط ويقول عنه بالعكس امس هو كان افضل السيئين

وليش ما تكلمتوا عن سامي وعن مستواه اذا كان خالد معه واسطه

فسامي بحد ذاته واسطه لمن لا واسطة له

دعوا خالد يلعب ولا تنتقدوا لمجرد مباراة او اثنتين

و دسيلفا ياأخي أمس و المباريات التي لعبها معجبك الظاهر أنه سجل و صنع و لا أنا غلطانه

قبل ما تتكلم عن عزيز ياليتك تتكلم عن دسيلفا اللى أتمنى أوصله للمطار و أتطمن إنه سافر

علشان نرتاح لأن هجومونا الشباب أفضل منه يكفي الحماس اللى فيهم مو البارد هذا

سلام ,,,,,,,,,,,,,,,,

اول ماقلتم كذا عن المفرج

شوفوا المفرج في مباراة الوحده

ادري ان عزيز فاشل ومادري ايش

بس لازم نؤازره

اما عاد اذا مسخها

لازم نرفع قرار للاداره

بصراحه اللاعب اقل من عادي وللاسف حكا اللاعب الي في المنتخب لازم يصير اساسي
ايهم افضل الغامدي البرقان الغنام عزيز
والله المفروض ينسقونه لانه ليس على مستوى نادي الهلال ولو كان بالمنتخب

والله انا ماني مستغرب من خالد عزيز انا مستغرب من اللي يقول عطه فرصه


يقولون انه محرك نفسه في الملعب ...... يمكن محرك نفسه في الملعب لاكن بدوووون فائده تذكر


يعني با العربي (كثير الحركه قليل البركه)



شي يحز في النفس خالد عزيز اساسي والبرقان احتياط ,,,, خالد عزيز عاد ؟؟؟؟ الله يديم النعمه بس



انا بطلب طلب المباره القادمه احسبوا كم فاول يتسبب فيه سالف الذكر اخونا في الله خالد عزيز