#1  
قديم 07/03/2005, 02:18 AM
زعيــم مميــز
تاريخ التسجيل: 18/08/2003
المكان: makkah k.s.a
مشاركات: 1,909
مبروك الفوز والتأهل .. هنا تقبل التهاني والتبريكات بالفوز .. لقطات من ملعب المباراه

[align=center]بسم الله الرحمن الرحيم ..


السلام عليكم ورحمة الله وبركاته ..


تعرفون توني جاي من الملعب والله ظهري متكسر


أولا .. مبروك الفوز والتأهل بس والله الزعيم ماكان بمستواه بس كان ضاااغط على الوحده بدون فايده يعني كان ممكن اننا نطلع اقل شئ باربعه او خمسه والله العظيم فيه فرص ضاعت مالها داعي تضيع ..

ثانيا .. البلنتي اللي قامت الدنيا وقعدت عليه هالبلنتي صحيح واكبر دليل شوفوا الصور اللي منزلينها الشباب بالمنتدى ( مدافع الوحده ساحب الشلهوب بحركه سريعه ) ..

ثالثا .. انا والله رحت للملعب من الساعه 6 وانا عند الملعب وكان فيه جمهور هلالي بس ماافتحوا الملعب اللي بعد صلاة المغرب .. ويوم دخلت عقب المغرب ماكان فيه الا جمهور هلالي قليل وطبعا نزلت علقت الاعلام واكيد شفتوها حقت ارفع راسك انت هلالي واللي جنبه على اليسار اللي مو مكتوب عليه .. وجلسنا لين دخلوا اللعيبه يتمرنون والجمهور كان متفاعل وخاصة مع سامي اللي كالعاده جاء وحيا الجمهور ( كبير ياأبو عبدالله ) .. المهم بعد مادخلوا اللعيبه لبدايه المباراه شفتوا كيف الجمهوووور وربي جمهور أوروووووووووووبي ياعيني عليكم ياجماهير الهلال بس القهر ماكانت فيه رابطه وكان اكثر من جمهور الوحده بكثير بس رابطه ماكان فيه عندنا عكس جمهور الوحده .. أنا بالنسبه لي والله العشر دقايق الاخيره مااخفيكم ارتفع الضغط والسكر وانخفضوا بعد لاني انقهرت قسم بالله وخفت من الوحده بهجمه مرتده يجيبون هدف .. بس رجال الزعيم كانوا قدها واللي يقول ان البلنتي مو بلنتي يرجع للصور مثل ماقلت لكم .. وغير كذا ترى كان فيه ثلاث بلنتيات للزعيم كورتين كانت بيد احد مدافعين الوحده داخل منطقة ال18 والبلنتي الثالث كان في بدايه الشوط الثاني اللي طاح فيها كامتشو داخل المنطقه ..

بس انا يوم جاء البلنتي انجنيت والله العظيم ويوم جاء هدف قمت وخميت اللي قدامي مع اني مااعرفه بس انا واياه نتفق على حب الهلال خخخخخخ وياعيني عليك يالزعيم ..


رابعا .. الدوخي صراحه عودته حلوه ونتمنى لك الاستمرار وتقدم لنا مستويات حلوه يالاندكروزر ..

الغامدي .. ياليت تطمنونا على اصابته ان شاء الله انها مو قويه ولاتأثر عليه ..

خامسا .. فاتكم والله يوم طلعنا وحنا باحتفاليه برى جماهير الوحده بغت تصفقنا وتذبحنا خخخخخخخخخخ والله لولا الله ثم رجال الامن (( اللي ماعندك أحد )) كان رحنا فيها ..


سادسا .. ياجماعه انا ودي أوصل لسامي وأسلم عليه وشلووووون ؟؟ حاولت بالانترنت ماقدرت حاولت اليوم رحت بسلم عليه بعد المباراه وبغيت اتصفق من رجال الامن .. ودي اوصل له وسلم عليه عطوني حل ..

سابعا .. شفت الاعلامي المعروف ابراهيم الفريان بين الشوطين وقالي انت هلالي قلت ايه قال لاتخاف بنفوز وبفارق هدفين قلت ان شاء الله ..


رجال الامن قسم بالله معليش بقولها قمة التخلف .. ضرب بجماهير الزعيم بس وش نقول غير هذا الزعيم قاهرهم ..


في الختام أشكر جميع من حضر من الجماهير الهلاليه اللي والله ماقصرت وحضرت اقسم بالله من جميع المناطق فيه واحد يحلف لي انه جاي من الرياض .. والنعم والله هذا جمهور الزعيم الوفي ..

ومشـــــــكورين كلكم .. حنا سوينا اللي علينا والباقي على جمهور الهههلال في الرياض وفي جده او في حائل ..


بالتوفيق للأزرق والى الامام ..


انا اشوف ان الهلال مستواه في نزول اتمنى التعديل من الاداره بأقرب وقت ممكن ..




صباحكم ورد على قولة اختي قمر الهلال خخخخخخ وأحب أقولها أكيد شفتي البخاخات والبواري دخلتها وأنا ولد أبوي بس وش رايك في جمهور الزعيم اليوم ؟؟؟


أخوووووووووووكم ..



راشـــــــد الراشــــــــد .. [/align]



[align=center]ارفــــــــــــع رأســـــــــك إنــــــــت هلالــــــــــي .. [/align]
اضافة رد مع اقتباس
  #2  
قديم 07/03/2005, 02:25 AM
نائب رئيس مجلس الجمهور الهلالي في الشرقية
تاريخ التسجيل: 13/01/2002
المكان: في اي مكان يتواجد به الهلال
مشاركات: 6,046
شكرا اخي راشد الراشد
ابشر بسامي يجيلك وتسلم عليه بس عليك بالصبر وتناله ..
الهلال نجوم له رجال كوسر تلقاهم عند الشدايد وهذه كبوة وكل كبوة بتعليمه (( جديده )) ..
أهم شي في مباريات الكؤوس الفوز دون المستوى ولاكن في المباريات القادمه نريد الثنتين (( طماعين )) ..
اضافة رد مع اقتباس
  #3  
قديم 07/03/2005, 04:45 AM
موقوف
تاريخ التسجيل: 30/12/2004
مشاركات: 27
كلامك عسل على عسل
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:44 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube