يا جماعه انا خايف على نواف؟
 

اخواني اعضاء شبكة الزعيم
ارجوا الا تزعلوا علي او تقولون هذا بايخ ونا والله اتكلم من صدق وحب لهذا الزعيم.
امس ياجماعه ونا نايم ودايم تصدق احلومي خاصه اذا نمت مبكر.
المهم يا اخوان وحنا نلعب بجده ضد الاتهاد دخل نواف الشوط الثاني وكان يلعب بجانبه كماتشوا وكذلك الغنام والغامدي .
المهم بعد دخوله بخمس دقايق تقريبا سقط نواف اثر اشتراك قوي له مع احد لاعبي الاتهاد وخرج بنقاله مصابا.
وفزيت من النوم وقلت ياخوفي ان تحقق الحلم.
المهم مدري هذا كله حرص مني على نواف اني حلمت فيه او ايش والله انا مثلكم مدري ليش؟


المهم الي معجبه كلامي فليعتبره حلم ولايزعل علي.
اسف على علومي الشينه الي مثل وجهي
ومعليش.

لا تخاف على التمياط
وانا سامع انه بيعود بعد شهر

أستعذ بالله من الشيطان :d

تعوذ من بليس

أن شاء الله ما قدامه الا العافيه

لا تأكل كثير قبل النوووووووووووم .

[align=center]

تعوذ من بليس أنت وصغر الصورة اللي في التوقيع .. :confused: .. !

يا خي حرام على هالتوقيع ..
روعتني أحسبه ( ذيب صدقي ) ... :rolleyes: .. !

عموماً تراني صغرتها لك .. وحطيتها في ملف مرفق ..
وان شاء الله الليلة ما تجيني حلوم مزعجة مثل ( الحوت .. :sleep: .. ) .. !


:rolleyes:


http://vb.alhilal.com/attachment.php...id=14507&stc=1[/align]

هذا الي مايقرا المعوذات قبل النوم

تعوذ من بليس وقل لن يصيبنا الامكتب الله لنا .

تعوذ من الشيطان وإن شاء الله خير
وعلومك زينه ووجهك زين
ولاتقول عن نفسك كذا
أنت عزيز وغالي طالما إنك هلالي
تحياتي لك

يا خواني انا ما جبت هالكلام الى من واقع حرصي على نواف ومعليش انا اسف وكلانا متوكلين على الله.
بعدين انا حريص اني انام جوعان علشان الكرشه كلا يوم تكبر زياده.
اخير انا اسف ونواف ما يشوف الى الخير ان شاء الله

أضغاث أحلام ولو بنصدق كل حلم عز الله رحنا فيها وأنا أولهم

الله لايقوله

هذا من الشيطان

اول شي تعوذ من ابليس ياحوت


ثاني شي تراك مسوي قلق ياهلالي9 بتوقيعك ... ... :nono:

فتى اسيا الاول بحول الله وقوته...راجع