#1  
قديم 27/02/2005, 08:17 PM
زعيــم فعــال
تاريخ التسجيل: 28/01/2002
المكان: الرياض
مشاركات: 391
عقاب غريب ومضحك...!!

[align=center]اتحاد القدم يعاقب مشجع مباراة الهلال والاتحاد

أبها: محمد الزهيان
أصدر الاتحاد السعودي لكرة القدم تعليماته لكافة ملاعب كرة القدم بمنع دخول المشجع الرياضي ×××××× إلى الملاعب الرياضية وحضور المباريات لمدة عام واحد من 20/2/1426هـ وذلك على خلفية ما بدر منه من تصرفات خارجة عن الروح الرياضية بعد اقتحامه لأرض إستاد الأمير فيصل بن فهد بالرياض عقب مباراة الهلال والاتحاد الدورية الأخيرة بناء على ما جاء في التقارير المقدمة من إدارة الإستاد والجهة المسؤولة عن التنظيم داخل الإستاد




السؤال اللي يزاعق في وجهي من يوم قرات الخبر السابق....

هو...:

وشلون بيمنعون المشجع المذكور من دخول الملاعب...!! ؟


الحقيقه تطبيق القرار صعب جدا ...........ولكن..


تفتق ذهني(الله من الذهانه) عن عدة احتمالات لمنع هذا المشجع المسكين

سأوردها على شكل نقاط سريعه بانتظار مشاركاتكم لاضافة المزيد من النقاط :


اما

توزيع صورة المشجع على بوابات الملاعب للتعرف عليه لو حاول الدخول..

أو

أخذ عدة فنايل وصراويل للمذكور وتوزيعها على ملاعب المملكة

لتشميمها لكلاب بوليسيه قبل كل مباراة في كافة مدن المملكة..

أو

ادخال نظام البصمة الالكترونية أو بصمة العين في كافة الملاعب الرياضية السعودية

أو

اغلاق بوابات الملاعب عند اطلاق صافرة البداية والقيام بفحص عام للجماهير

للتأكد بأن المذكور غير موجود في الملعب

أو

سجن المذكور لمدة عام.

أو

حضور المذكور لقسم الشرطه اوقات المباريات

أو

شرطي مرافق للمذكور لمدة عام

أو

وضع قيد الكتروني في ساق المذكور

أو

ان المذكور قام بأداء اليمين (الحلف) على المصحف انه مايعتب على ملعب لمدة سنه

أو

نفي المذكور الى جزيرة فرسان

أو

يصير خوي عند رئيس رعاية الشباب اونائبة علشان يضمنون تطبيق القرار

أو

إعطائه مبلغ مالي عن كل مباراة مايحضرها علشان يطمعونه مايحضر

أو

تطبيق غرامة مالية كبيرة عليه لو دخل لأي ملعب

أو

ياخذون رخصته ورخص اصدقائه (الله من الذهانه فيني)

أو

يوصون الدهام عليه(عز الله اللي راح فيها)

أو

صورة من القرار للمباحث مع صورة حديثه للمذكور

أو


الحقيقه احترت...الباقي عليكم..




وانا اقول هاالذهانه اللي فيني وفي ولدي وشلون جت..إثرنا استقيناها من ذكاء المجتمع..[/align]
اضافة رد مع اقتباس
  #2  
قديم 27/02/2005, 08:26 PM
موقوف
تاريخ التسجيل: 24/09/2004
المكان: بيتنا
مشاركات: 799
أو
يحضر كل المباريات وماحولك أحد
اضافة رد مع اقتباس
  #3  
قديم 27/02/2005, 08:34 PM
زعيــم فعــال
تاريخ التسجيل: 28/01/2002
المكان: الرياض
مشاركات: 391
ماودي اقول كلامك


فقبل ان تصدر قرار أضمن تطبيقه

أو لاتصدره أحسن

هذي فلسفة الناس اللي تبغى قراراتها المستقبليه تحترم


لذلك انا افكر وشلون نضمن تطبيق القرار
اضافة رد مع اقتباس
  #4  
قديم 27/02/2005, 08:59 PM
زعيــم متألــق
تاريخ التسجيل: 25/12/2004
المكان: السعودية
مشاركات: 1,439
او

من نفسه مايحضر ولا مباراة
اضافة رد مع اقتباس
  #5  
قديم 27/02/2005, 08:59 PM
زعيــم جديــد
تاريخ التسجيل: 27/05/2004
المكان: alriadh
مشاركات: 34
واخذ تعهد عليه من قبل جهه عمله الخطوط السعوديه بعد حضور مباريات الهلال
اضافة رد مع اقتباس
  #6  
قديم 27/02/2005, 09:18 PM
زعيــم نشيــط
تاريخ التسجيل: 11/02/2005
مشاركات: 766
شباب عيب عليكم .. لها الدرجة وصلت بكم الإساء للجنة الرياضية السعودية المطبقة للوائح وأنظمة العقوبات .. !!
الصراحة .. توقعت أي شي منكم إلا هالشي .. أنكم تستهرون .. بلاكم ماتدرون ..
























































































ماتدرون إن هالعقوبات لها علاقة بالـ إف بي أي ؟!
<== قاضييييييييييييييييييين
اضافة رد مع اقتباس
  #7  
قديم 27/02/2005, 09:41 PM
زعيــم مميــز
تاريخ التسجيل: 07/05/2004
مشاركات: 1,715
لاتخاف بعد يومين بيصدر قرار عفو مثل اللاعبين
اضافة رد مع اقتباس
  #8  
قديم 27/02/2005, 10:09 PM
زعيــم فعــال
تاريخ التسجيل: 28/01/2002
المكان: الرياض
مشاركات: 391
ياشباب الربع في مأزق قانوني...صرنا مضحكه للي يسوى والا مايسوى




اللي يعرف المشجع يقترح عليه التالي:


يغير اسمه الى محمد نور يمكن الا اكيد يعفى عنه
اضافة رد مع اقتباس
  #9  
قديم 27/02/2005, 10:16 PM
زعيــم متواصــل
تاريخ التسجيل: 28/04/2002
مشاركات: 160
انا اقولك الطريقه يخلون معاه جوال
ويتصلون عليه وقت المباراه ويقولون له وينك فيه
اضافة رد مع اقتباس
  #10  
قديم 27/02/2005, 10:24 PM
زعيــم مميــز
تاريخ التسجيل: 09/07/2004
المكان: رووووم الزعيم بالبالتوك
مشاركات: 2,068
او يسفرونة الى خارج البلد لمدة سنة
اضافة رد مع اقتباس
  #11  
قديم 27/02/2005, 10:27 PM
زعيــم فعــال
تاريخ التسجيل: 28/01/2002
المكان: الرياض
مشاركات: 391
[align=center]ابو تركي............ياحبي لك

هههههههههههههههههههههههههه

هههههههههههههههههههههههههه



حلوه...الله من الذهانه


عندي سؤال...هل ذكاؤك فطري..ام مستورد..؟

رح قدم على وظيفه عندهم انا اضمن يوافقون .. [/align]
اضافة رد مع اقتباس
  #12  
قديم 27/02/2005, 10:51 PM
زعيــم نشيــط
تاريخ التسجيل: 23/06/2001
المكان: الرياض
مشاركات: 867
تصدق انه طرأ على بالي نفس تسألك?
لكن الحل عندي............................
بسيطة وقت المباريات يأخذ بطاقة احوال اخوه......
والا يحضر المباريات اللي ما فيها شرطة
اللهم لك الحمد على هيك قرارات .
اضافة رد مع اقتباس
  #13  
قديم 28/02/2005, 12:35 AM
زعيــم متواصــل
تاريخ التسجيل: 04/04/2004
المكان: الرياض
مشاركات: 65
Talking

WANTED

ويحطون صورته تحتها وتعلق على جميع الملاعب



وش يبي ذا القرار بس مدري والا ترويع شغل ايام الابتدائي؟؟؟؟
اضافة رد مع اقتباس
  #14  
قديم 28/02/2005, 12:58 AM
زعيــم مميــز
تاريخ التسجيل: 29/04/2002
المكان: العاصمة الحبيبة
مشاركات: 4,646
ياشباب انتم ما تفهمون ؟؟؟؟؟؟؟

القرارات هذي المقصود فيها الهلال اجل فيه قرار يصدر من جهه حكومية بالشكل ذا !!!!!
والا لو فيها اتحاد والا نصر كان انواع التطنيش ..... ولا كن صار شي ....

اللهم لك الحمد على كل شي .......
اضافة رد مع اقتباس
  #15  
قديم 28/02/2005, 01:38 AM
الصورة الرمزية الخاصة بـ أيطالي
زعيــم مميــز
تاريخ التسجيل: 20/10/2003
مشاركات: 1,602
يحق لهم يمنعونه ويحطون صوره .. طبعا اذا اخل ف يالقرار راح يسجن .. يمكن يفوت مباراة او مباراتين
وممكن يكفش وبهذا اخل نظام في القرار الرسمي الصادر ويحق عليه السجن في ذالك
وانا اشوف انه شي حلو ..
وليش مستنكرين .. الامر .. المفروض نساند حتى لو في الكتابه ..
القرار من جهه رسميه .. والمشجع المذكور.. اساء الادب في تصرفه ويستحق العقاب ..
وصدقوني انا اعتقد ان الانسان لما يكون له كرامه .. وحياء .. وانه يتشهر في هذه الطريقه فهو ردع كافي له


الاختلاف في الرأي لا يفسد للود قضيه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:25 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube