|
من هو مزود خدمة dsl الأفضل وبأي راوتر 4 بورت تنصوحني [align=center]اخيراً قدمت على dsl وفي انتظار رد شركة الاتصالات قالوا لي انتظر من أسبوعين إلى ثمانية أسابيع ويركبونه لي ولا راح إلا نص اسبوع حتى كتابة هذا الكلام (الله يصبرني) اتفقت أنا وجيراني إلى معي في العمارة أن أشترك في الـ dsl وأمد لكل واحد سلك شبكة حنا أربعة فالتكلفة سوف تكون منخفظة جداً . اللهم لك الحمد . المهم ... جيراني واثقين فيني وهم عليميين شوي بالكمبيوتر وأنا يا الردي أحسنهم يعني أنا الزعيم عندهم ولو أقولهم أي شي يسونه وودي ما اتسرع في إختيار مزود الخدمة حتى لا أحرج معهم . وأبي منكم الفزعه . بعض مزودي الخدمة يعطونك مع 6 شهور سرعة 256 راوتر بأربعة منافذ وبعضهم ما يعطيك راوتر أبد وبعضهم ما يعطيك راوتر إلا مع عرض أبو سنة وأنا في الحقيقة ما ودي أتشب لي مع مزود خدمة لمدة سنة مدري يمكن تصير عليه مشاكل مع السرعة أو الداون لود أو تتغير الأسعار ـــ خصوصاً بعد ما سمعت أنهم عرضوا على مجلس الشورى تخفيض أسعار الانتر نت ـــ يعني أبو 6 شهور هو الأنسب . وأريد منكم تكرماً نصحي وتوجيهي لمزود خدمة مجرب ما عليه مشاكل يعني ما أبلش كل شوي وأنا زاهم على دعمهم الفني وإلا مشغيليني جيراني على أن الخدمة سيئة ونحو ذلك . ثانياً ما أدري هل العروض إلى فيها راوتر توفر علي مثلاً جيل عندهم عرض 6 شهور 256 بـ2000 ريال مع الراوتر أربع منافذ راكب مشغل فهل اشتراكي معهم وفر علي قيمة الراوتر أو الراوتر إلى عندهم مشي حاللك نورني الله ينور عليكم . ثم ما هي أسعار الراوترات أربعة منافذ وأيهن الأفضل . علماً بأن السرعة إلى ناوي أشترك فيها 256 أخواني ترى ردودكم سوف تغير من أرائي لثقتي فيكم فالله الله من الاهتمام بالموضوع . وأخيرا يا مشرفين المنتدى الأعزاء ترى قبل لا أكتب الموضوع بحثت عن موضوع يفيدني في الاشياء إلى أبغاها ولكن لم أجد شيء مع الأسف فكتبت الموضوع ولعله يكون سبب في الفائد لي ولغيري . آسف على الإطالة وشكرا لكم لكم .[/align] |
اهلين البدر يقولون الافضل سعودي نت واول نت وبالنسبه لي انا مشترك في سعودي نت والحمد لله ما عندي اي مشكله ولي الحين حول السنه ونص والوضع اوكي :) طبعا ركز على التمديدات انها تكون سليمه 100% حتى تصلك الاشاره كامله والا راح تتعب كثير . بالنسبه للرواتر الكاتيل اشوف انه الافضل . مبروك مقدما |
[align=center]عالي الشان زعيــم مميــز عز الله إنك بالفعل زعيم ومميز ورد سريع ما شاء الله تبارك الله تشكر عليه لكن أخوي ما أدري الكاتيل كم سعرة وهل له أربعة منافذ والي أنت مستخدم بمنفذ واحد أو أربعة وهل حصلت عليه بالشراء أو عرض مع مزود الخدمة . مرة أخرى أشكرك على مرورك وردك السريع يا الغالي . أيه نسيت أقولك الله يبارك فيك والله يتمم على خير .[/align] |
لا حبيبي البدر ..,, والله انا مشترك في ( شبكة نت ) بسرعة 64 ... بسعر 1800 ريال ( سنة كامله ) المودم ( بورت واحد ) وانا انصحك انك تشترك ( سنة كامله بسرعة 256 + مودم + سبلتر ) وخذ المودم (بورت واحد فقط ) ورح السوق واشتري قطعه اسمها ( هاب ) و سعرها 100 الى 300 ريال فقط ؟ فقط فقط فقط والسرعه تبقى زي ماهي ما تقل اذا كان (بعد الاجهزة اقل من 150 متر ) ..,, وهي توزع لاربع اجهزة ( يعني كأنها مودم ابو اربع بورتات ) وطبعا تحتاج اسلاك كرت شبكة . يعني يطلع سلك من كرت الشبكة اللي في جهازك الى الهاب ثم اسلاك من الهاب الى الاجهزة الباقية . وانا الحين سرعة الداون لود عندي توصل الى (( 7/// /11)) بسرعة 64 . . . بسرعة 256 توصل الى 30 ..,, وانصحك لا تشترك ي هذه الفترة ( انتظر بعد اسبوعين ) ترا اسعار الـ Adsl بدأت تنزل الان بشكل كبيييييييييييييييييييييييييييييييييييييييير . وفي شركات بدأت تنزل عروض بـ 1300 سنه كامله بسرعة 256 أو 64 ناسي والله بس لا تستعجل والله بتندم مثلي <<<< له شهر الحين ...,, تحياتي عبدالله |
[align=center]هلا والله أخوي عبد الله ومشكور مقدماً على المرور والرد السريع وبعدين المودم أبو بورت واحد usb أو منفذ شبكة ثم يا ليت توضح هل الهب يأخذ من المودم ويوزع على الأجهزة إذا كان كذا ممكن بحيث إن الهب هو إلي يعمل أتصال بالأنتر نت وجهازي ماله علاقة يشتغل أو يطفي بقية الأجهزة ما تتعطل . أما أن يكون جهازي سيرفر فهذي مشكلة لازم أتصل على طول . أتمنى إن أكون وصلت لك المعلومة بشكل واضح .[/align] |
[align=center]هلا اخوي ..,,, الهاب . . يدخل منه سلك لـ كرت الشبكة ...,, وسلك للمودم ...,, ومن الهاب توزع على باقي الاجهزة .... وزي ما قتلت انت ... لازم يكون جهازك شغال . ,, (ما ينطفي). يعني اذا اتقفل جهازك راح يعطل عمل الاجهزة الاخرى . .لان سلك كرت الشبكة مشبوك عندك ...,, انتم خلوا سلك كرت الشبكة يكون عند واحد فاااضي :p ما يقفل جهازه ..,, s13s تحياتي عبدالله :) [/align] |
[align=center] إقتباس:
الخلاصه في الـ dsl اهتم بجودة الخدمه واترك السعر على جنب .[/align] |
[align=center]أخوي عبد الله وأخوي عالي الشأن أشكر لكما مأثريتم به شخصي المتواضع من معلومات، استفدت منها فعلا فكم الشكر بل كل الشكر والتقدير أخوكم البـدر[/align] |
ليش ما تستعمل الراوتر اللاسلكى ؟؟ ( مع انى ما ادرى كيف اسعارهم بالسعوديه ) ... انا استخدم واحد منهم ... و تشيل هم الاسلاك |
هلا باخوي .. البدر تجربتي مع اول نت ( اشتراكين ) 128 و 256 الخدمة سيئة جدا"وخصوصا" بعدالساعة التاسعة مساء" ويتعذرون بأن الخلل من شركة الاتصالات .. المميز في خدمتهم عرض الراوتر مجاني مع اشتراك السنة لـ256 والله يعينك على الجيران ..!! :D |
[align=center]الأخ AbuNasser بالنسبة للاسلكي ما ينفع معي لبعد الأجهزة عن بعض وبعدها كذلك عن السبلتر واللاسكي حسب فهمي ما يوصل أكثر من 15 متر فبالتالي أعتقد إنه غير مناسب لي هذا غير إن سعره غالي جداً مقارنة بالراوتر العادي . الأخ mams بالفعل عند اشتراكك مع أول نت لمدة سنة سرعة 128 يعطونك راوتر أربعة بورت، وسرعة 256 يعطونك راوتر أربعة بورت لاسلكي، لكن مثل ما قلت في أول الموضوع ما أبي أنشب لي مع مزود خدمة لمدة طويلة ما أدري يمكن تتغير الأسعار، أو يتفوق عليه مزود خدمة آخر .[/align] |
فى لاسلكى يوزع الانترنت و الطابعه و يسوى شبكه داخليه بين الاجهزه و يغطى فوق 20 متر ... بس زى ما قلت ... سعره فيه :( |
هلا اخوي البدر انا استخدم زاجل يعني حليوه ما عليها بس عليها ضغط وبعض الاحيان اول ما تشترك يحصل فيه تقطيع بسيط وبعدين يروح التقطيع لي تقريباً فيها سنتين وماشي حالي لكن اذا تبي نصيحه اخو لخوه انصحك بسعودي نت هي الان افضل مزود موجود با السوق واعتقد افضل مودم موجود بالسوق كاتيل وسعره بين 500- 600 اربع منافذ وزي ماقال عالي الشان تاكد من الاسلاك علشان توصلك الاشاره ممتازه وانا انصحك بموقع خاص بخدمة DSL اعرف ناس كثير استفادو منه اضغط هنا والله يوفقك |
طيب ياشباب توصيل الدي اس ال سمعت انه لازم تمد سلك من البوكيسة الى الغرفة الموجود فيها المودم فهل هذا صحيح ؟ واذا كان صحيح ما فيه حل ثاني ؟ |
8 8 8 8 لا مو لازم |
| الوقت المعتمد في المنتدى بتوقيت جرينتش +3.
الوقت الان » 07:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd