هل هناك كاره لخالد عزيز؟؟ - نادي الهلال السعودي - شبكة الزعيم

أبو علاج · #1 23/02/2005, 12:24 AM

ليس لدي إلا سطرين ....
أقول لكل من هاجم خالد عزيز وأقام الدنيا عليه ولم يقعدها:
كيف أنتم الآن؟

عالي الشان · #2 23/02/2005, 12:42 AM

إقتباس


	أقول لكل من هاجم خالد عزيز وأقام الدنيا عليه ولم يقعدها: كيف أنتم الآن؟

الحمد لله ابشرك بخير وعافيه

على فكره حنا لما نهاجم عزيز ما نهاجمه الا من اجل الهلال فقط
مانشوف منه الا عك كروي ومو معقول 90% من اللي في المنتدى لما ينتقدونه هم غلطانين
ما جت هالنسبه الكبيره الا لأنها شايفه مستوى مو مقنع ... وبعدين هدف ما راح يغير نظرتنا

عموما الف مبروك التأهل وعقبال كأس ولي العهد .

محب عبدالرحمن بن سعيد · #3 23/02/2005, 12:55 AM

زاد الله في علو شأنك يا عالي الشان وشكرا لك يا ابو علاج
على سؤالك عن صحتنا
لا احد ضد اي لاعب هلالي واذا كان هناك اشخاص كذاك فهم ضد الهلال
ولكن نحن ضد تدني المستوى وخالد زي الموري كلهم ابناء الهلال ولكن
بفوارق انت وانا والكثير يعلمونها .
اسئل الله ان ييسر لنا ولهم كل خير .

هاني الهلالي · #4 23/02/2005, 01:00 AM

وانا صوتي من صوتك انا لم انقد عزيز ابدا واقول انه اللاعب هذا افضل من مازن الفرج اللاعب العقيم

خاش عرض · #5 23/02/2005, 01:03 AM

يكفي انه افضل من الغفله الي اسمه البرقان0

TURKI_LOVE · #6 23/02/2005, 01:32 AM

خاش عرض
زعيــم متواصــل

يكفي انه افضل من الغفله الي اسمه البرقان0

?????

من جدك انت ؟؟؟

ما اقول الا الله يرجعك بالسلامه ياالغنام على شان تساند البرقان وتفكه من المصايب الي حاطينهم معه مازن الفرج وخالد عزيز

الله يخلف بس

هلالي ثنياني · #7 23/02/2005, 08:25 AM

مشكلتكم إن اللاعب إذا بدع وصلتوه السماء

وإذا غلط مسحتوا به الارض
كأن مافيه شي إسمه وسط

عزيز جيد والجمهور حطمه وذبحه

أما البرقان رفعتوا فيه والله يستر لايكون بدا يغتر
لإنه لو إنخفض مستواه بتعلقونه من إرجوله وماترحمونه

وكأن ماهو انتم سبب غروره

خفوا عليهم في المدح والنقد وبتشوفون اللي يرضيكم

وتذكروا كيف كان المفرج العام الماضي وكيف صار اليوم

الخير33 · #8 23/02/2005, 08:30 AM

[blink]خالد عزيز

[/blink]

تغيب الشمس بحلم يومي · #9 23/02/2005, 08:54 AM

إقتباس

الرسالة الأصلية كتبت بواسطة خاش عرض


	يكفي انه افضل من الغفله الي اسمه البرقان0

[align=center]سجل عندك يابو عـــــــــلاج 888888 هذا واحد من جماهير مع الخيل ياشقراء .. يعني معقولة ياخاش عرض علشان غلطة تتجاهل مستويات كبيرة يقدمها هذا الموهوب البرقان ...

عموما اخوي أبو عـــــــلاج جماهير الزعيم أغلبها جماهير واعية ... وعندما تنتقد الفريق أو أحد لاعبيه إنما ذلك من زود العشم والمحبة ...

وصدقني شخصيا انا سعيد بهدف خالد عزيز أكثر من سعادتي بتأهل الفريق ... وأتمنى جماهير الزعيم تشاطرني هالمشاعر ...

طبعا لا أنكر أن هناك القلة القليلة من جماهير مع الخيل ياشقرا وجماهير معاهم معاهم عليهم عليهم ... وراح تشوف العجب منها تجاه الموهوب الأنيق سلطان البرقــأن ...

تحيـــــــاتي لك أيها الكاتب الراقــــــــــــــــــــــــــــي

...[/align]

الشاخط · #10 23/02/2005, 10:24 AM

مع احترامي لك
ورغم تسجيله لهدف التعادل
ولو سجل مليونو999 هدف
يبقى :
المطامر (عزيز)
او دولي الغفلة
اواللاعب النكبة
يبقى اسوء لاعب مر على الزعيم
لامهارة ولامستوى
وطقها والحقها
واتمنى تنسيقه اليوم من الكشوفات الهلاليييه
قبل بكره !!!

ياهوه · #11 23/02/2005, 12:01 PM

إقتباس

الرسالة الأصلية كتبت بواسطة الشاخط


	مع احترامي لك ورغم تسجيله لهدف التعادل ولو سجل مليونو999 هدف يبقى : المطامر (عزيز) او دولي الغفلة اواللاعب النكبة يبقى اسوء لاعب مر على الزعيم لامهارة ولامستوى وطقها والحقها واتمنى تنسيقه اليوم من الكشوفات الهلاليييه قبل بكره !!!

صح لسانك

اخوك ياهوه

دبــل كيــك · #12 23/02/2005, 12:19 PM

طيــب اصبــر اليــن ينخفض مستواه مباراة وحدة بس

او يتعرض الزعيم لهزيمة <<< الله لايقوله

بعدين نزل نفس الموضوع ذا

وشف الفرق في الآراء ؟؟؟؟؟؟؟؟؟؟؟؟؟

ياهلال حبك حبنا · #13 23/02/2005, 12:26 PM

خالد عزيز مستواه عادي والوسط بوجود عزيز يعتبر نقطة الضعف
عزيز يعتمد فقط على جسمه وينظر الى الاسفل عند تمرير الكوره ومعظم لعبه يستلم الكوره ويسلمه لاتجده يبدأ في بناء هجمه

انظر الى الغنام او الغامدي ضا بطين ايقاع الوسط افضل من عزيز

أنتفاد عزيز ليس لشخصه بل لمستواه العادي

تسجيل هدف لايعني ان نتستر على عيوبه

الـــسـوبــــر · #14 23/02/2005, 12:50 PM

مو كذا الانتقاد

ومثل ماقال الاخ هلالي ثنياني

إقتباس


	مشكلتكم إن اللاعب إذا بدع وصلتوه السماء وإذا غلط مسحتوا به الارض كأن مافيه شي إسمه وسط عزيز جيد والجمهور حطمه وذبحه أما البرقان رفعتوا فيه والله يستر لايكون بدا يغتر لإنه لو إنخفض مستواه بتعلقونه من إرجوله وماترحمونه وكأن ماهو انتم سبب غروره خفوا عليهم في المدح والنقد وبتشوفون اللي يرضيكم وتذكروا كيف كان المفرج العام الماضي وكيف صار اليوم

وسلملي على الباقي

قصيمي هلالي · #15 23/02/2005, 01:06 PM

مسكين عزيز مشكلته انه لاعب غير اعلامي
وبرايي انه احسن من الاعب المدلل البرقان