انا اختلف معك .. كماتشوا قاعد يفيد الفريق ومعطي خط الوسط قوة ..
ومن متى كان الفريق يستفيد من الضربات الركنية وحتى الفاولات اللي تحتاج لرفعها لا تسديدها على المرمى مباشرة .. إلا بوجود كماتشو .. صلح اهداف وجاب اهداف ومازال يقدم مستوى مرضي وحتى لمساته تشعرك بلاعب كرة قدم مو مثل البعض مطامر على قل فائده .. ويهيأ لي انه من اللاعبين اللي يلعبون بعقولهم مما اشوفه من تمريرات وتغيير اللعب ..
وحتى نتأكد من كون كماتشو فاعل في الفريق او لا .. خلونا نرجع بالذاكرة للموسم الماضي واللي قبله ونشوف كيف كان خط الوسط من اضعف الخطوط .. وبوجوده وبعودة نواف وبتواجد الشلهوب والغنام .. اعتقد ان خط الوسط سيكون من أقوى خطوط الفريق ..

وغير هذا وهو المهم .. اذا بنغيره وبنجيب لاعب اقل منه مستوى مالفائدة .. ثم ان الوقت امام كثرة المشاركات غير مناسب لأي تغيير .. الفريق قاعد يقدم مستويات مرضيه وهذا هو الاهم فلماذا نطالب بالتغيير .. اذا بنطالب بالتغيير فعلاً .. فيجب ان يكون على حساب لاعبين سعوديين محل خالد عزيز وعمر الغامدي لا على حساب لاعب اصبح مؤثر في الفريق .

الحــــــــــــــــــــــــــــــــــــــــــــــــــــــــــــــــين....

ما لقيت الا كماتشو ....

عزالله انه أحسن لاعب بالدوري من الأجانب........


ولا يكثر هذرك ............

كاماتشو من ويم جاء والوصط مظبووط

كماتشو ممتاز اذا كان بمستواه

مع احترامي لك كماتشو افضل من تشيكو (البارد) وبمراحل وعشان اختصر عليك الموضوع شوف عدد الاهداف اللي صلحها وعدد الانفرادات اللي كانت من صنعه ومن ثم احكم
وحط في بالك هالكلمتين كماتشو اذا كان مروق فالفوز باذن الله هلالي

تبي الهلال يستغني عن كماتشو اقول:: انت من علمك الكـــــــــوره
اقـــــــــــــــــــــــــــــــــــول الخلا بس الخلا

كماتشوو ما يطلع من مباراة الا وحاط بصمه فيهاا


يا انه جايب هدف او انه مصلح هدف


وهووو حاليا بنظري افضل اجنبي جاء للهلال خلال سنيتن

إقتباس الرسالة الأصلية كتبت بواسطة وااازعيماه انا اختلف معك .. كماتشوا قاعد يفيد الفريق ومعطي خط الوسط قوة .. ومن متى كان الفريق يستفيد من الضربات الركنية وحتى الفاولات اللي تحتاج لرفعها لا تسديدها على المرمى مباشرة .. إلا بوجود كماتشو .. صلح اهداف وجاب اهداف ومازال يقدم مستوى مرضي وحتى لمساته تشعرك بلاعب كرة قدم مو مثل البعض مطامر على قل فائده .. ويهيأ لي انه من اللاعبين اللي يلعبون بعقولهم مما اشوفه من تمريرات وتغيير اللعب .. وحتى نتأكد من كون كماتشو فاعل في الفريق او لا .. خلونا نرجع بالذاكرة للموسم الماضي واللي قبله ونشوف كيف كان خط الوسط من اضعف الخطوط .. وبوجوده وبعودة نواف وبتواجد الشلهوب والغنام .. اعتقد ان خط الوسط سيكون من أقوى خطوط الفريق .. وغير هذا وهو المهم .. اذا بنغيره وبنجيب لاعب اقل منه مستوى مالفائدة .. ثم ان الوقت امام كثرة المشاركات غير مناسب لأي تغيير .. الفريق قاعد يقدم مستويات مرضيه وهذا هو الاهم فلماذا نطالب بالتغيير .. اذا بنطالب بالتغيير فعلاً .. فيجب ان يكون على حساب لاعبين سعوديين محل خالد عزيز وعمر الغامدي لا على حساب لاعب اصبح مؤثر في الفريق .

انت كذا

يأخي اتق الله اولا

كماتشوا مو لاعب

حرام عليك
والله كرهتني بالمنتدى

ياخي وشقول بس
ياخي كماتشوا افضل محترف مررررررررر على الهلال خلال السنوات الاخيرة كماتشوا افضل صانع لعب بالسعوديه
من متى الهلال صار له خطورة بالكرات العرضيه


او توزيع اللعب
اوا و


ياخي راجع حساباتك
واتق الله اولا
وحرااااااااااااااااااااااااااااااااااام عليك

وااااااااي انتا

لا ياشيخ تشيكو يعرف يشوت فاولات احسن صح انه غبي ويعطل الهجمة اكثر من اللازم لكنه يسجل اهداف من الفاولات والبلنتيات .,.,.


اخوي اسمح لي اني اقولك انك ماتفهم كرة اذا كنت مقتنع ان تشيكو افضل من كماتشو .,.,.

كماتشو وحد من مصادر قوة الهلال هالموسم

الهلال هالموسم الجميع اعترف أنه خطير بالكرات الثابته

واغلبيت أهدافه من كور ثابته والسبب أنه كماتشو دائم يلعب 80% من هالكور

عموماً أتمنى تجديد عقدي كماتشو وتفاريس

...::: تحياتي::::...

إقتباس الرسالة الأصلية كتبت بواسطة هاوي نجد الحــــــــــــــــــــــــــــــــــــــــــــــــــــــــــــــــين.... ما لقيت الا كماتشو .... عزالله انه أحسن لاعب بالدوري من الأجانب........ ولا يكثر هذرك ............

واللة انك صادق

أخوي أنا ما راح أقولك كماتشو مبدع أو لا ، أو هل يفيد أو لا ، لكن سأتحدث معك لغة الأرقام التي لا تكذب :


في مباراة النصر مرر فيها كماتشو تمريره الهدف الأول .

في مباراة الإتفاق مرر كماتشو تمريرة الهدف الثاني على ما أعتقد والذي سجل سامي منها الهدف .

في مباراة الوحده سجل كماتشو هدف ولا أروع بعد تمريرة الشلهوب .

في مباراة الإتحاد فعل كماتشو الكثير والكثير ومنها تسجيله لهدف وصناعته لهدف تفاريس .

في مباراة الأهلي صنع كماتشو الهدف الثاني للصويلح .

في مباراة الشباب سجل كماتشو هدف ولا أروع يدل على ذكاءه .

في مباراة الطائي سجل كماتشو هدف برازيلي من ضربه حره في الزاويه 90 .


هذا غير اللي ناسيه

عموماً أغلب اللي يتكلمون عن كماتشو حكموا عليه من أول مباراة لعبها مع الهلال ولا يريدون تغيير قناعاتهم .


أتمنى إنك اقتنعت بعد كلامي ، ويكفينا خطورة الضربات الحره الآن التي افتقدها الهلال منذ كم سنه بسبب عدم وجود من يجيدها . . .



أبوياسر