|
مـــنــتب عـــــــــاقل يــــــــا ردنــــدو قعدت أعيد وأزيد في لقطة هدف ردندو البرقان يجي 15 مرة أبي أحاول أفهم وش قصده بهاللعبة الساذجة والحركة الغريبة عند تسجيلها في مرمانا وذكرتني بلاعب إتهادي قديم ذكرني فيه الوالد الله يطول عمره إسمه عثمان مرزوق الله يذكره بالخير كان هاللاعب يموت يموت في ترجيع الكورة لورا لحارس مرماه ومدافعيه حتى لوكان منفرد في باب الفريق المنافس المهم شكلك يبو برقان ناسي إن ترجيع الكرة للحارس ومناولته ممنوعة حسب قوانين الفيفا ولا أحدن مضايقك عشان نقول إنت إرتبكت وأضطريت بسبتها إنك تغلط هالغلطة الفادحة التي كادت أن تؤدي إلى خسارة غير مستحقة ولامعقولة لفريق مثل الزعيم اللي لولا الله ثمـ(ن) الوحش خالد عزيز اللي المناسبة في موضوع سابق لي وفي عز أزمة الزعيم مع الادارة السابقة طلبت الاعضاء والزعماء أنهم يعطونه فرصة لأنه بصراحة الولد يجي منه وبادي يتلمس طريق النجومية ويسير عليه نرجع لموضوع ردندو اللي أبي أقوله إن -أن شاء الله - هالغلطة الساذجة لن تغير في مستوى البرقان إلا إلى الافضل وإن شاء الله يتعلم أن الجماهير وبالذات الزعماء ينسون مستويات اللاعب مهما كان عند أدنى غلطة أو هبوط في المستوى ومبروك التأهل وعقبال الكأس بحول الله |
غلطه الشاطر بـــ10 :) البرقان من مباراة الاسماعيلي مروراً بمباراة الرائد وانتهاء بمباراة الفيصلي يقدم اسوء مباريات الموسم ولكن ما نقول الا كبوة جواد بإذن الله s60s اما الحركة فالصراحة عجزت افهم وش هي بالضبط :D لكن على ما اعتقد كان يبي يرجعها بالكعب هذا اخر ما توصلت له ;) |
ياخي موعيب انك تنتقد...خاصة ان البرقان اخطأ...بس مو بهالطريقة...منتب عاقل ياردندو!!!!!!!!؟؟؟؟؟؟ :nono: |
اعتقد الأرضيه هي اللي حاسته :) ولا هو يبي يخلصها اظن ... |
ياخي ترا البرقان ماقصر بس عشان غلطة الهدف تبي تشرشحه على العموم ترا الارضيه ماتساعد حتى (ردنـــدو) اللي تقوله يلعب في جبال الاردن قصدي في ملعب الاردن ومشكوووووووووووووووووووووووووووووور |
إقتباس:
|
يااخوي الله يهديك بس البرقان ماكان يقصد يرجعها للحارس ... كان يبي يبي يبعدها بقدمه اليمنى بس يمكن أخطأ التقدير أو بسبب الأرضيه وعدت من قدمه اليمنى واصدمت بقدمه اليسرى واتجهت للمرمى وهذا ماشاهدناه في الإعاده .. عموما لكل جواد كبووه والبرقان نجم قادم وقدم مستويات كبيره أتمنى أن لاتكون هذه الغلطه عائقا في مواصله نجوميته .. تحياتي |
الا الثقه الزايده ويخلي الكعبات لاهلها يقدر يطلع الكورة ركنيه ومحد بيلومه . |
كان با الامكان افضل من الى كان يا زيدان زمانك :rolleyes: اجل كعب داخل منطقة الجزاء :confused: :confused: :confused: :confused: |
اتمنى من جمهور الزعيم عدم القسوه على البرقااااااان فالحمدالله تأهلنا رغم الغلطة |
ممكن أي واحد يغلط بس ماننسى ان البرقان نجم وقدم مستويات كبيره |
والله من أرضية الملعب .... كأنهم لاعبين فى حوش غنم :d |
البرقان أخطأ .. لكن لو كان عزيز هو اللي لعب الكورة وش موقف بعض الجمهور .. |
اخوي انت تعتقد فيه بهالعالم انسان كامل اكيد لا . البرقان ما نختلف ان مستواه هبط الثلاث مباريات الاخيره بس مو مبرر انه نقسوا عليه نهائيا قلنا ياناس البرقان اجتهد والاعاده تبين فعلا انه حاول يلعب الكوره بالرجل اليمين بس راحت واصدمت بالرجل الاخرى بالغلط وجاء الهدف اتركوا عنكم انه كعب متعمد هذا كلام غير معقول انه بيسويه لاعب صدقوني :nono: يجب مساندة اللاعبين جميعا بدون تفرقه لانه في مساندتهم والوقوف معهم راح يقدموا المستويات المطلوبه منهم وهذا بينعكس على الفريق بشكل عام ويتحول لانتصارات بمشيئة الله تفرحنا جميع . تمنياتي للبرقان ولجميع اللاعبين التوفيق بالمباريات القادمه . نصيحه سريعه / بدري على الالقاب للاعبين الشباب ترى ضررها اكبر من نفعها . |
:rolleyes: وش دعوا يا أعزائي المشرفين لها الدرجة يعني حساسين .... ومغيرين العنوان وزين اللي ماطيرتوا الموضوع كله :rolleyes: العنوان لاهو بفاضح ولا هو مسيئ ولا هو سب أو شتم ... عنوان عادي جدا جدا ... وبعدين وينكم عن مشاركات يندى لها الجبين من أعضاء أقل مايقال عنهم أنهم غير هلاليين |
البرقان ماكان يقصد يرجعها للحارس ... كان يريد يبعدها بقدمه اليمنى بس يمكن أخطأ التقدير أو بسبب الأرضيه وعدت من قدمه اليمنى واصدمت بقدمه اليسرى واتجهت للمرمى وهذا ماشاهدناه في الإعاده .. والحمد لله على التأهل وعقبال الكاس لاتنسواااا لكل جواد كبووه والبرقان نجم قادم وقدم مستويات كبيره أتمنى أن لاتكون هذه الغلطه عائقا في مواصله نجوميته .. |
يا اخوان :nono: مو كذا الانتقاد الاعب اخطاء وكل منا يخطي ويصيب بس انا برضو ما عرفت وش قصده من اللعبه هذي :confused: طلب اخير خفوا شوي على البرقان |
ياجماعة لاتقسون على اللاعبيين والله الملعب كلة مطانيج ومحفر والله زين ان ماحد جالة رباط |
إقتباس:
|
إقتباس:
|
يا رجال لو تجيب بيليه وتحط جمبه عزيز ما عرف يثبت كورة .. والله ما ينلام يوم انه ما قدم مستوى !! عالعموم سلطان قدم مستوى يشفع له بأن تغفر الجماهير خطأه .. |
كل طراق بتعلومه ومعليش لكن لا يكررها |
ياخي وش هالاسلوب الوحش ده .؟؟؟؟!!!!!!!!!!! بعدين اي لاعب معرض للخطا والحمد لله الهلال تاهل ولازم ننسى الامور التافههة هذي . وبعدين اللي يقولون لو خالد عزيز هو اللي مخطي وش تتقولون ؟؟ انا ارد عليكم خالد عزيز كم مرة اخطا واخرج الزعيم ...!!!!!!! بل ان اداء الفريق بوجوده يتغير ككل للأسوأ !! ومن المفترض ان ينسق مع النزهان ؟؟!!!! وبعدين البرقان اكثر موهبة من خالد عزيز . |
انا ماادري وين المشرفين على المنتدى مايشوفون المواضيع اللي هدفها الاول تحطيم نجومنا الشباب |
كلش ولا البرقان والله نجم المستقبل بس غلطه وماراح تتكرر |
أنا أذكر في مقابلة مع يوسف الثنيان بعد أحد المباريات الخارجية وكانت أرضية الملعب قريبة من ملعب الفيصلي سأله المذيع عن المباراة قال يوسف : (( صراحة أول مرة ألعب في حوض كوسة )) فلا تلوموا البرقان |
اتمنى من جمهور الزعيم عدم القسوه على البرقااااااان فالحمدالله تأهلنا رغم الغلطة |
ماذا لو عزيز كان في هذا الموقف؟؟؟؟؟؟ البرقان اخطاويجب ان يحاسب او يسفر الى الوطني او الحماده :) |
الارضية مالها شغل بس حركة البرقان مالها داعي الظاهر انه بغى يثبتها بس كان من الافضل تخليصها برى بس انشاء الله يرجع لمستواه |
:confused: :confused: عزيز يلتمس النجوميه :confused: :confused: ههههههههههههههههههههههههههههههههههههههههه فعلا خبر مضحك الى مالا نهايه يعني اضحك لين تسكت......... بعدين نجم مره وحده!!!!!!!!!!!!!!!!!! والله يمكن بس متى وين وكيف؟؟؟؟ :confused: البرقان على غلطته امس افضل من عزيز الغفله 1435 مره بعدين تبي عزيز يصير نجم وهو مايركض الا وراسه تحت اقول :D الخلا بس الخلا :D والله ها الكلام مو لاني اكرهه بس يناس الاعب مستواه من جد ما يأهله انه يكون في الهلال وبعدين بصراحه هاذا رأيي في ها الكمخه وماراح يتغير ولا بعد خمسه وسبعين سنه ,,,,,, انتم اصبرو بس الله يقوم الغنام با السلامه ويرجع الغامدي اللي فعلا مستواه هابط حبتين ونشوف يلعب ها لاعب ولا لا |
البرقان أتمنى أن يراجع نفسه كثيراً وأن شاء الله يتطور مستواه |
ألف شكر لمن تكرم ورد على موضوعي ومليون شكر للي مر عليه ختاما يعلم الله أني لا أرى في سلطان البرقان ومشعل الموري ومضواح ومحمد العنبر والصويلح إلا زعماء قادمون وبقوة لإكمال مسيرة الزعماء الذين سبقوهم في دروب الإنجازات والأمجاد على مستوى الزعيم وعلى مستوى الكرة السعودية وماكتبت هذا النقد للغالي سلطان البرقان إلا لمحبتي له ولأني متأكد إن شاء الله أن البرقان بالذات سيكون له شأن كبير وصيت لامع بشرط أن يبتعد عن بعض السلبيات الصغيرة اللي كلكم عارفينها لكونكم زعماء وفاهمين كورة (ولا كان ماشجعتوا الهلال ) التي ستزول بالتأكيد ولكن نقدي هذا كان من باب الإسراع وتحفيز سلطان أو ردندو الكرة السعودية للتخلص من هذة السلبيات ليصبح النجم الكبير الذي نفاخر به مع بقية كوكبة الزعماء ولكم ولسلطان .... كامل محبتي وتقديري |
افضل محور بالهلال الغنام والبرقان وبس . |
البرقان لاعب مستواه عادي وناعطيناه اكبر من حجمه |
هاني الهلال سبحان الله انت دائما ضد الجماهير !!!!!!!!!!!!!!!!!!!!!!!!!!!!!!!!!!1 صراحة اشك في هلاليتك ؟؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 10:56 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd