آآخ يالقهــــــــــــــــــر ...!!! - نادي الهلال السعودي - شبكة الزعيم

العنقاء · #1 29/04/2001, 06:30 PM

أهلا بالجميــع ..

بعد الخروج المر للزعيم .. كتبت بعض الكلمات القليله بحقه ..

آخ يالهلال وآخ يالقهر .. !!

تعب وشقا ..

عمل وكفاح ..

وجهد كبير راح أدراج الرياح ..

كان يتمنى النجاح ..

بس ياخساره مالقى ..

* * *

فن وجمال ..

أو ضرب من ضروب الخيال ..

روعة مع لمسة سحر .. بالضبط مثل البحر ..

تعانق ويا السما .. وصاروا هلال ...

لعبه طرب .. وبلمحه !

خطف به عقول العرب ..

وقتها ..

غنيت وقلتها ..

الله عليك يازعيـــــم ..

كم قلب وقلب بك يهيم ..

* * *

عينه على كاس الذهب ..

لمحتها ..

بس منعوه .. ومن أبسط حقوقه حرموه ..

ودار في بالي سؤال ..

مع دمعتين ذرفتها..

يعني هذا جزاك يالهلال ؟؟

بعد الصبر ..

راح مجهودك هدر ؟

ليته قـَدر .. لكنه بسبة بشر ..!!

* * *

أدري بهم ..

هم يبون وأد الهلال ..

طبعاً محال ..

وبـيبقى هذا حلمهم .. طول عمرهم ..

إن هم نسوا والا تناسوا ..

لكن يكون في علمهم ..

هذا القمر .. صعب المنال ..!!

مع تحيات * العنقـــاء *

أسير القصيم · #2 29/04/2001, 06:41 PM

العنقاء ....
-
- ودار في بالي سؤال ..

- مع دمعتين ذرفتها..

- يعني هذا جزاك يالهلال ؟؟

- بعد الصبر ..

- راح مجهودك هدر ؟

- ليته قـَدر .. لكنه بسبة بشر ..!!

-
- تسلمين فعلا كلام ما يختلف عليه اثنين مواي اثنين اثنين عقال و متزنين كالهلاليين ....
- تحياتي الأسير ,,,,

جابر عثرات الهلال · #3 29/04/2001, 07:36 PM

اهلين العنقاء : والله كلمات تحسسنا بالظلم اللي تعرضة له زعيمنا وسلب من الكاس من فاقد احساس

...كلماتك على الجرح ...يعطيك العافيه ،،،

تحياتي & اشواقي

العنقاء · #4 30/04/2001, 10:49 AM

اخواني أسير القصيم & جابر عثرات الهلال ..

أشكركم على تشجيعكم وعلى مشاعركم الطيبه ، والله يكون في عون هلالنا دائما ..

تسلمووون **

9smsm9 · #5 30/04/2001, 11:02 AM

كلام حلو ومصفف ومرتب ومره ثانيه حلوو

هاوي الهلال · #6 30/04/2001, 11:12 AM

الغاليه العنقاء ...
بصراحه .. فعلا اه يالقهر
والله يعطيكي العافيه .. هالكلمات الحلوه ..

مع تحياتي

أبو ناصر · #7 30/04/2001, 11:25 AM

صح لسانك يا العنقاء ...

والقادم احلى باذن الله ...

تحياتي ...

العنقاء · #8 03/05/2001, 08:38 PM

الاخوه 9smsm9 .. هاوي الهلال .. أبو ناصر

شكرا جزيلا على دعمكم وعلى كلماتكم الحلووه اللي رفعت معنوياتي ..

والله يخلي لنا هلالنا على طوول ..

لالاياشيخ · #9 03/05/2001, 09:07 PM

والله .. مدري وش لون بكيت بعد ما قريت هالكلام الرائع ..

لكن هذا يبشرنا معشر الهلاليين بشاعرة متميزة ,,

الهلا(للأبد)لي · #10 03/05/2001, 09:17 PM

كلام جميل ومعبر

ابونوف · #11 03/05/2001, 09:33 PM

ياليتني رئيس للاتحاد السعودي والله ماتنزلك دمعه
ولاحياة لمن تنادي(الله يرحمك يافيصل)

فنون الهلال · #12 03/05/2001, 09:40 PM

كلام موزون ومتعوب عليه .. الله يسلم هالثم ...
ورررائع يا ثاني المستحيلات .... ( الغول والعنقاء والخل الوفي )
لكن عندي سؤال إذا ممكن الإجابة عليه ...
ماذا تعني العنقاء .. ؟؟

romeo · #13 03/05/2001, 09:43 PM

الـــسلام عليكم؛
كلام رائع ومعبر جدا

النمر وبس · #14 03/05/2001, 09:47 PM

خلاص لا تذكرينا
ترانا خلاص ملينا
كل يومن تجينا
صفعة في وجيهنا

من هاللي يبون
يطيحون فريق النجوم
بس هذا محال
كما هو في الخيال
=====

النورس 11 · #15 03/05/2001, 10:04 PM

رائعه رائعه رائعه

بصراحه هذا المنتدى يضم العديد من المواهب واحمد الله على اني احد اعضائه