تكفون قولو لي من وين تشترون الاعلام - نادي الهلال السعودي - شبكة الزعيم

ماروكو · #1 06/05/2001, 11:09 PM

السلام عليكم جميعا
اذا سمحتو ابغاكم تعلموني من وين تشترون الاعلام طبعا الهلاليه لاني رحت لمحلين ومالقيت

رحت لغرناطه والفالح بس لقيته مخلص ..عارفه انكم تقولون ليه هذي تشتري علم
وهي ماراح تروح تشجع في الملعب ، بس بصراحه جاني شي في راسي يقول لازم تشترين
وشلون هلاليه ماعندها علم مايصير

طير شلوى · #2 07/05/2001, 12:13 AM

مهب مشكله ارسلي السواق قبل المباراه اذا كانت في اليل نثلا ارسليه العصر حول الملعب فيه الفين واحد يبيعون اعلام اشتري اكبر علم وعلقيه في الغرفه زيي هههههههههه ما يجيني النوم الين اشوفه ولا اشتري قطعه قماش وخيطيه وقضينا ويصير على المقاس الي تبين.

كايدهم · #3 07/05/2001, 12:31 AM

طبعا قبل اي مباراة لهلاا على الشارع .. او اعتقد فيه محل عبدالعزيز للرياضه خلف اسواق العويس .. بجنب بيت الرياضه والفالح .. يبع اعــلام ..

وفيـه اقتراح انتم يالبنات اكثر شيء عندكم الفساتين شوفي اي فستان ازرق واقلبـيه علم

ماروكو · #4 07/05/2001, 02:47 PM

اقول طير شلوى صعبه شوي اني ارسل السواق عند الملعب بعدين انا ابغى اختار العلم بنفسي
ومن ناحية اني باشتري اكبر علم انشاء الله شاريته شاريته

اخوي كايدهم ممكن توصف لي المحل بالضبط اذا ماعليك امر يعني .. ادري اني ماانعطى وجه
بس معليش تحملني شوي

ومشكورين على ردكم لي

نايف · #5 07/05/2001, 02:52 PM

مجرد لقاااااافه..... .
اشتروا طاقتين بمخمسين ريال وحده بيضاء والثانيه زرقاء وفصليهم عند الخياط وقضينا ويطلع لك اكبر علم.وبعدين ودوه يم الخطاط...ويخط لكم اللي تبونه من الاسااااامي والالقاااااااااب فكره صح..... .

ماروكو · #6 07/05/2001, 03:00 PM

نايف ممكن اسالك سؤال
نايف : تفضلي (وحده واثقه مرررره)
وش معنى طاقتين لاتقول شباك خخخخخ لاامزح
وش معناتها من جد؟

نايف · #7 07/05/2001, 03:04 PM

يا الللللللله عاد انتن ابخص با الامور هذي..... .
يعني لفة قماااااااش= طاقه يعني وشوووووووو يا ربي؟؟؟؟؟
شفتي حقين الاقمشه...هاه اللي تجيك ملفوف القماش عليها وطويله اللي يقص منها صاحب المحل هههههههههههههههههههه واحد مايعرف يشررررح ابد

.
فهميييييييتي؟؟؟

ماروكو · #8 07/05/2001, 03:09 PM

اهااااااا الحين فهمت ههههههه :p
مشكور اخوي على ذي الفكره

نايف · #9 07/05/2001, 03:14 PM

العفوااااااااااا .
الحمدلله اهم شيء انك فهمتي .

RAID2001 · #10 07/05/2001, 05:46 PM

اختي العزيزه ماركو :انتي صامنه (جازمه) تشترين؟؟؟؟؟؟؟؟؟؟؟

كايدهم · #11 07/05/2001, 08:40 PM

عفوا طلع اسم المحل خطأ اسم المحل هو الرياضيون وهو بجانب عبدالعزيز للرياضه ... المحل واضح وهو انتي ماشيه من عند طريق الملك فهد وجتك اسواق العويس على اليمين تخلينها حتى تنتهي ثم يجيك دخله يمين ادخلي معها حتى نهاية الشارع وغصب تلفين يمين اول ماتلفين راح تلقين محلات رياضيه كثيره هو من ضمنها ..

واكيد الوصف سهل ..

ريمانة · #12 07/05/2001, 11:24 PM

اهلين اختي ماروكو/ تكفين اذا اشتريتي اشتريلي معك واحد كبييييييييييير(امزح)
خخخخخخخخخخ
ــــــــــــــــــــــــــــــــــــــ
الله الشــــاهد ان مابه شي يعـــــاب......معذور قلبي كان كل هل مده مانساه

الدرعاوى · #13 08/05/2001, 01:34 AM

أخوى :كايدهم الله يهديك !!!!!!!!
هالحين تبينى اصدق ان الاخت ( ماركو) و ريمانه
مايعرفون اسواق العويس محل محل وشبر شبر
أقول احسن لهم طاقة روز ولا دوبلين ههههههههههههههههه
واحد قديييييييييييييييييييييييييييم

ماروكو · #14 08/05/2001, 02:50 PM

اخوي RAID2001 /ايه مصممه انشاء الله

اخوي كايدهم/ شكرا شكرا شكرا شكرا شكرا ماقصرت

اختي ريمانه/ انتي الحين خليني اروح للمحل الحين وابشري بالي يسرك وتراني بارسلك اياه على الايميل خخخخخخخخ
بس ماقلتي لي تبغينه ساده والا عليه رقم

اخوي الدرعاوي/ اول شي تراني اعرف العويس بس عاد مو محل محل يعني اختك تضيع فيه
ثانياانا ماابغى العويس نفسه ابغى محل بجنبه

RAID2001 · #15 08/05/2001, 02:57 PM

اختي العزيزه مالك الا تستنين اقرب مباراه واشتري العلم واعلمس علشان ترسلين الـسـوااق............................. فكره!!!!!!!!!!!! :p :p