نادي الهلال السعودي - شبكة الزعيم - الموقع الرسمي - اذا احنا ما وقفنا مع (زعيمنا)...أجل من يوقف معاه؟؟؟

[color=0000FF]أخواني مشجعي ومحبي الزعيم...
تحيه طيبه لكم....

الحمد لله على قضاء الله وقدره على التعادل اللي حصل مع الاسماعيلي....والتعادل أحسن من الهزيمه....(والا وش رايكم)...

ما دعاني لكتابة الموضوع هذا هو ان أغلب مواضيع الشبكه تدور وتنوح وتولول على هذا التعادل .
وبدأ أغلب كاتبي المواضيع بالنيل من اللاعبين والمدرب ويطالبون بمقاضاة اللاعب الفلاني وبمحاكمة المدرب ومحاسبته ووووالخ؟؟؟كل هذا بسبب تعادل ناتج عن ارهاق اللاعبين من كثرة المشاركات للفريق في خمس بطولات....طيب أحنا ولله الحمد تونا محققين بطولتين ...وما شين كويس في الدوري ومتصدرين ....طيب وش تبون....يعني لو لا سمح الله خرجنا من البطوله العربيه ...وش راح بيصير يعني...بتنقلب الدنيا .....عندنا باقي بطولتين ..الدوري والكاس ...وانشاء الله نحقق وحده منهم وبركه والحمدلله ... وشتبون....يعني لازم نحقق كل البطولات اللي نشارك فيها...أجل خصومنا مشاركين ليه ...
ياشباب ...يجب علينا ان نكون واقعين مع الفريق ومع أنفسنا وان نقدر جهد اللاعبين ولا يجب علينا ان نكون جمهور فوز فقط؟؟؟ أو نكون جاحدين ....يعني نوقف مع الفريق ونسانده في حالات الفوز فقط ..واذا انهزم أو تعادل تخلينا عنه وعن اللاعبين وبدانا بمطالبات لا طائل منها الا زععت استقرار الفريق والمساهمه في ان يفقد اللاعبين والمدرب الثقه في أنفسهم لا سمح الله ..ويجب علينا ان نقف مع الفريق قلبا وقالبا وأن نسانده في جميع الاحوال...سواء فاز أو تعادل أو لا سمح الله خسر....
أيضا ما لمسته في أغلب المواضيع المطروحه في الشبكه عتب الجميع على الجمهور (الغير فعال)..وهذا الشي مو غريبه على جمهور الزعيم بصفه خاصه (وبجمهور الرياض بصفه عاامه)..أرجو من جمهور الزعيم بالرياض انهم ما يزعلون علي ...بس هذا هو الواقع؟؟؟ شوف جمهور الزعيم في القصيم...شوف جمهور الزعيم في الشرقيه...شوف جمهور الزعيم في الغربيه ...شوف جمهور الزعيم في الجنوبيه...دائما متفاعل مع الزعيم في جميع الأحوال....الا جمهور الزعيم في الرياض ...طبعا ليس الجميه ...بل الأغلبيه العظمى منهم طاقين اللطمه وساكتين وما أدري وش هو له جايين ؟؟؟؟(أكرر ...أرجو من جمهور الزعيم في الرياض انه ما يا يحمل على أو ينظر لي بنظره أخرى؟؟)
لا تشجيع ولا تفاعل مع اللاعبين وبث روح الحماس فيهم ..بعكس الجمهور المصري اللي عددهم قليل . بس شايلين الملعب شيل حتى وهم ناقصين....لكن أغلب جمهور الزعيم وليس الجميع ..همهم اكل الفصفص وشرب البيبسي وسب اللاعب الفلاني والاحتجاج على الحكم ...واذا خسر الفريق أو تعادل قامو يطالبون بتسريح المدرب وشطب اللاعب الفلاني ونسو انه أدى دور ه في الملعب ولم يوفق ونسو انهم لم يقومو بأي دور اتجاه اللاعب وفريقهم.

خلاصة الموضوع ....يجب ان نقف مع الفريق قلبا وقالبا ..وكما وقفنا وأشدنا به في المباريات السابقه ..يجب علينا أن نقف معه في الوقت الحالي ونسانده في السراء والضراء ....(والله لا يحرمنا من الزعيم ورجاله)

تحياتي لكم

بو محمد[/color]