#1  
قديم 09/05/2001, 12:52 AM
زعيــم مميــز
تاريخ التسجيل: 15/01/2001
المكان: بريـــده
مشاركات: 2,751
Angry

يانا س وشفيكم شنيتو حمله على حسن العتيبي ترى والله حرام حسن هذا من افضل الحراس في المملكه وصدقوني افضل من النتيف وخوجلي بابكر بس من يوم جا الدعيع وهو متدهور مستواه والسبب مايبغاله مفهوميه (مات حيله ) احساس باليأس طبعا وهو معذور وهو حارس امكانياته عاليه بس المشكله انه ينقطع شهرين وثلاثه وبعدين يلعب مباراه وحده وتبونه يتألق ويقدم مستوى بالذات حارس المرمى اذا انقطع عن جو المباريات تتأثر حساسيته واهم شي في الحارس حساسيته للكوره وحسن يجلس احتياط شهرين ويجي يلعب مباراه اصلا ميته وعلى ثالث ورابع وشلون بالله تبونه يبدع وهو بشر اولا واخيرا . حسن قبل مايجي الدعيع كان افضل حارس بالمملكه وكان نجم الهلال رغم اخطائه (والحارس لابد من اخطاؤه) بس الوضع اختلف بعد الدعيع طبعا الدعيع ماله ذنب باللي صاير لحسن بس انا اشرح ليش حسن مستواه هابط واللي مستغرب ان كيف جمهور الهلال تفوت علهيم هالنقطه ؟؟
اللي اتمناه من الجمهور لايفقدون الثقه في حسن لان تراه والله العظيم نجم بس من الاحباط ماله نفس يلعب لانه عارف انه مصيره برا برا مهما ابدع وصد ورد اضافه الى انه يلعب بعد ابتعاد عن الملاعب شهور كل هالامور خلت حسن بهالصوره تكفون ياجمهورنا الحبيب خفوا شوي على حسن وترى مو ناقصين خساره مواهب وتذكرون يوم بغا يوقع للنصر ليش النصر يبونه ؟؟ وعندهم خوجلي بابكر هاه ليش يبونه ودفعوله مبلغ وقدره لانهم يقدرون المواهب اما حنا يوم جانا الدعيع قلنا خله ينقلع ليش مادري النصر مااغروه الا انهم عارفين قدراته وموهبته
صح انا ولا غلط علموني وسلامتكم
  #2  
قديم 09/05/2001, 03:10 AM
زعيــم متواصــل
تاريخ التسجيل: 31/03/2001
مشاركات: 50
Thumbs up

صدقت والله يابدر
انا كمان اقول نفس كلامك ولا عليك زود
الله يعطيك العافيه

لك خالص تحيات بيركامب الهولندي
  #3  
قديم 09/05/2001, 06:37 AM
الصورة الرمزية الخاصة بـ ولـدالنعمه
زعيــم نشيــط
تاريخ التسجيل: 01/03/2001
المكان: الرياض
مشاركات: 749
والله من بعد ما سوا ذيك الحركه ووقع للنصر وانا ما أطيقه....خله يستاهل اللي يجيه
وبعدين انت شفت احمد ضاري؟؟؟؟
والله انه افضل منه بمليووووون مره بس ما عطوه فرصه.
  #4  
قديم 09/05/2001, 07:05 AM
الصورة الرمزية الخاصة بـ ranraf
زعيــم فعــال
تاريخ التسجيل: 24/04/2001
المكان: المدينة المنورة
مشاركات: 377
والله صدقت .
يا جمهور الهلال ترى حسن العتيبي من أفضل الحراس في المملكة إن لم يكن أفضلهم
طبعا بعد سيد حراس آسيا وأنا من أشد المعجبين بحسن العتيبي لكن إدارة الهلال هي
السبب في هبوط مستواه .
وفي العام الماضي كان أبرز حارس في السعودية قبل ما يصبح الدعيع هلالي لكن
إنشاء الله يأتي للهلال مدرب فاهم مثل يوردانسكو اللي كان يعطي جميع اللاعبين
فرصة للعب أكثر من مباراة طبعا بغرض بناء فريقين قويين وترى مقاعد الإحتياط
قتلت مواهب كثيرة.
وأيضا ليست كل المباريات تحتاج أن تلعب بالدعيع والهلال أحرز بطولات عديدة
بحراس مستواهم أقل بكثير من مستوى حسن العتيبي .
وأنا متأكد من أنه سيأتي اليوم الذي يكون فيه حسن الحارس الأول في السعودية
وإن غدا لناظره قريب .
  #5  
قديم 09/05/2001, 07:06 AM
زعيــم متواصــل
تاريخ التسجيل: 08/12/2000
المكان: السعودية _ الرياض
مشاركات: 170
والله ياخوي بدر كلامك واقعي كما أرجو من الشباب عدم البحث عن الأخطاء لأن كل منا يخطي .

  #6  
قديم 09/05/2001, 11:10 AM
زعيــم فعــال
تاريخ التسجيل: 30/01/2001
المكان: نواف
مشاركات: 201
Question

لاهو من احسن الحراس ولا يحزنون ....

يكفيك مناتقه الي ماله داعي , بعدين لوجلس شهرين المفروض مايفقد حساسيته ( هو مايتدرب كل يوم)
بعدين شف مبروك زايد له سنه مالعب وبدع قدام الهلالل ورد ثلاث بلنتيات !!!!!!!
بعدين ياعزيزي حسن اخطائه ماتصدر من حارس مبتدئ ( نسيت الآسيويه )

اللاعب لاعب وحسن اسم لاعب والله ياضاري احسن منه بمليون مره ( على الاقل مايجيب في نفسه قول)
  #7  
قديم 09/05/2001, 11:13 AM
زعيــم مميــز
تاريخ التسجيل: 15/03/2001
مشاركات: 4,719
Wink

ارجو من الجماهير الهلاليه عدم التمادي بالقسوه على العتيبي00
  #8  
قديم 09/05/2001, 11:13 AM
زعيــم مميــز
تاريخ التسجيل: 17/12/2000
المكان: الرياض - السعودية
مشاركات: 1,864
Thumbs up

حسن من افضل الحراس وهو مستقبل الحراسه الهلاليه .
  #9  
قديم 09/05/2001, 11:28 AM
زعيــم نشيــط
تاريخ التسجيل: 03/01/2001
المكان: Riyadh
مشاركات: 868
Thumbs up نعم ألف يجب إعطاء حسن العتيبي الثقه الكامله..

صدقت وصدق الجميع:

حسن العتيبي من أحسن حراس المملكه ، ومشكلته الرئيسيه كما ذكرت أنه لو يبدع أيما ابداع فلن يصبح افضل من الدعيع ومكانه الأحتياط.

فالأحباط فقط هو ما حصل له.

المطلوب منكم كجماهير وإداره أن تطالبوا أي مدرب مستقبلي للهلال أن يلعب حسن على الأقل 30 % من مباريات الموسم ، وبهذه الطريقه فقط نحافظ على حارس المستقبل حسن العتيبي.
  #10  
قديم 09/05/2001, 11:35 AM
زعيــم فعــال
تاريخ التسجيل: 13/12/2000
المكان: الرياض
مشاركات: 239
السلام عليكم

نقول لحسن العتيبي

جل من لايخطىء ، والكره الآن في مرماك .

قدامك مباراة الاسماعيلي ، ولازم ترجع ثقة الجماهير فيك .

الهلال ماهو أي فريق . مجرد اللعب في الهلال بطوله للاعب.

وهذا معناه ، يا تكون قد المسؤوليه ، أو................. أنت تعرف .
  #11  
قديم 09/05/2001, 11:44 AM
زعيــم فعــال
تاريخ التسجيل: 07/01/2001
المكان: الرياض
مشاركات: 299
انا اتفق معك حسن حارس ممتاز لكن نفسيته سيئه لأنه ضامن انه ماراح يلعب اساسي بوجود الأسد الدعيع .وهذا خطأ إداري كبير . كان لابد ان يشجعون حسن ويرفعون من روحه المعنويه وان يتم اشراكه في المباريات بشكل متبادل مع الدعيع . وبذلك يكون هناك تنافس شريف للضفر بالحراسه الهلاليه، وهذا يصب في مصلحة الهلال .
وليس كما حصل بأن ألعبه مباراة الأهلى التي ليست لها أهميه أو فلنقل انها في الوقت الضائع.

للذين يقارنون حسن بغيره مثل مبروك زايد وانه ابدع عندما اتيح له المجال، اقول لهم ان الحال تختلف كليا يا اخوان:
مبروك صغير السن وهذا اول ضهور له ويحاول اثبات نفسه،اما حسن فهو نجم يحترق بسبب الفكر الكروي السيء من قبل المشرفين الإداريين على الفريق(المصيبيح والأحمد)
والسلام
  #12  
قديم 09/05/2001, 12:00 PM
زعيــم متواصــل
تاريخ التسجيل: 03/02/2001
المكان: في كل مكان ينبض فيه قلب مشجع هلالي
مشاركات: 79
السلام عليكم

بخصوص الحارس حسن العتيبي فوجهة نظري القاصرة، هو أنه من ضمن اللاعبين الذين يجب تسريحهم من النادي أو الإستفاده منه كبيع عقده على أنديه مثل الشباب أو الرياض بسبب عدم تطوير نفسه وعيوبه الكثيرة مثل التقدم المستمر بداعي وبدون داعي وأرتباكه الواضح وعدم تفاهمه معل الدفاع الذي أمامه سوائاً عبدالله الشريدة أو خليل أو سلمان أو فهد المفرج. وبعدين تقولون أنه ما أعطي فرصه، كم فرصه أعطية له لكنه لم يستفد منها ...... ودمتم
  #13  
قديم 09/05/2001, 01:48 PM
زعيــم متواصــل
تاريخ التسجيل: 20/11/2000
المكان: الرياض
مشاركات: 110
Thumbs down لا والله......حارس ممتاز

اخوي بدر
تحية طيبة

شف توحي مني اولا
حنا لا قسينا على حسونه ابد.......بل اللي قلناه هذا واقع وازيد

الحارس بالباب اذاكان مايطمن رحت فيها
والا ليش قالوا الحارس نصف الفريق

فحسونه هذي الخقات من طبعه لا هي بسبب قل التدريب ولا لانه جالس على دكة الاحتياط
وبعدين الانتقاد دايم يجي بعد الاخطاء والنكسات لكن لو ان الهلال آخذ كاس الدوري
هل ننتقده طبعا لا ؟؟؟ نبي نمجد فيه ونقول حارس ممتاز

عموما خله يعي هذا الانتقاد من الجمهور واذا لم يعي المسئولية فيتوكل على الله..

والادارة مسئوولة عن ذلك .
والله من وراء القصد

   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:35 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube