#1  
قديم 15/02/2005, 09:38 AM
زعيــم فعــال
تاريخ التسجيل: 27/05/2004
المكان: مقر نادي الهلال
مشاركات: 335
كواليس المدرج الهلالي من ارض الملز

[move=left]السلام عليكم[/move]


[move=right]تحية خاصة من هلالي من ذهب[/move]



* وصلت الى استاد الامير فيصل بن فهد بعد صلاة المغرب بالتحديد.

* اشتريت التذكره ب 15 ريال وبعدها دخلت الاستاد

* وقفت عند رجل الامن للتفتيش وكان تفتيش صارم ومشدد وفجئه من غير مقدمات ممنوع دخول الاعلام التي عليها كتابة ؟ ؟؟؟؟؟؟؟؟؟؟؟؟؟؟؟؟؟؟

* قلتله يا ابن الحلال مافيها الا الزعيم هل هذا ممنوع؟؟ قال التوجيهات تقول كذا

* وكان اغلب الجماهير الهلاليه واقفه ومذهوله من تصرفات رجال امن الملعب جلسنا على جنبات المدخل المؤدي الى المدرجات والجميع يبدي تذمره من هذا التصرف

* وبعد اتصالات اجريناها مع العلاقات العامة با النادي ورئيس لجنة تنظيم الجمهور وصل الضابط وسمح لبعض الاعلام با الدخول

كان هناك علم كبير مكتوب على ما اتعقد ساميو او سامي لم يسمح له با الدخول من الضابط ؟؟

الى ها الدرجة معقدهم سامي؟؟ ورافع ضغطهم ؟؟


* دخول حكام المباراة الاستاد وكان وصول الحكام متزامن مع دخولي لللملعب حيث وصل الطاقم اللبناني بسيارة جمس حديثة وفارهه مع سائق خاص ولك ان تلاحظ كيف تتعامل المملكة مع ضيوفها


* وتجهنا الى المدرج وقبل الصعود الى المدرج تفتيش ثاني صارم ودقيق حتى الكابات لم تسلم من التفتيش و لم يسمح لكيس الفصفص من الدخول ؟؟

* دخلنا مدرجات الدرجة الثانية وكان الحضور يعتبر جيدجداً قبل بداية المباراة بساعه ونصف او اكثر

* بدا الجمهور يزيد مع اقتراب موعد المباراة

* دخول وقت صلاة العشاء

* صلينا العيشاء ورجعنا للمدرجات وبدا فريق الاسماعيلي يجري حركات الاحماء

* الفريق الهلال يصلي العشاء داخل الملعب

* نزول الفريق الهلالي ويبدا حركات الاحماء

* سامي الجابر يتجه الى الجمهور الهلالي في الدرجة الثانية ويصفق ويضع يده على راسه والجمهور يتفاعل ويردد سامي سامي سامي


* جمهور الاسماعيلي يبدا بتحية لاعبين فريقة فرداً فرداً

حمص.... حمص .... تعالا ثم يتجه اللاعب الى الجمهور ويحيي جمهور فريقه بمفرده




* مدرجات الدرجة الممتازه تفتح فقط للجماهير الاسماعيلي حيث المقاعد والراحه ورفض طلب جماهير الهلال في الدرجة الاولى بفتح الدرجة الممتازه لهم ولك ان تلاحظ ايضا كيف التعامل الحضاري من ادارة الاستاد مع الاخوه في مصر


* دخول اللاعبين الى غرف تبديل الملابس استعداد للمباراة


* توزيع اعلام زرقا من لجنة تنظيم الجمهور


* دخول لاعبين الاسماعيلي ثم لاعبين الهلال

وبدا كل الجمهور يتفاعل مع فريقه

اجرا القرعه

لاعبو الهلال يبدون السلام على لاعبين فريق الاسماعيلي ثم
اخذ صورة تذكاريه بعدها توجهو للجمهور وتحيته

جمهور الهلال يردد سامي ... سامي ... تعالا



* جمهور الاسماعيلي رغم انه اقل من جماهير الهلال لكن كان الافضل طول المباراة

وكان يردد طول المباراه ... اتنين اتنين في الهلال اتنين

* وحال اغلب الجماهير الهلالية (( )) ياخوي اجلس خلنا نتابع المباراة ؟ جاي الملعب علشان يجلس ابو الشباب


* رغم تصريحات الامير محمد بن فيصل وسامي الجابر ومناشدتهم باالحضور لم يستطيع الجمهور الهلالي هذا الموسم من ان يملي الدرجة الثانية؟؟؟ فكيف سيكون حال جمهور الهلال اذا اقيمت المباريات في استاد الملك فهد ؟؟؟


* لم نشاهد لجنة تنظيم ولم نشاهد اي احد يقوم بتوجيه الجماهير الكلام كثير عن لجنة التنظيم سنفعل ونفعل ولكن في ارض الواقع صفر على الشمال ؟؟


* الرابطه في الدرجة الاولى والجماهير في الدرجة الثانية ؟؟؟ الدرجة الاولى تردد اهازيج والدرجه الثانية تردد اهازيج ثانية وفي نفس الوقت واصبح الجمهور مشتت من كل النواحي



* الضابط الموجود في استاد الامير فيصل بن فهد لايزال يمارس استخفافه با الجمهور الهلالي ونطالب الامير محمد بن فيصل بوضح حده له

تخيل يمنع تصوير المباراة من اي كاميره في المدرجات او جوال ايضا مع دخول لاعبين فريق الاسماعيلي رددت جماهير الهلال (( هووووووو)) ويطالب الجمهور با الصمت او التصفيق اي نظام هذا ؟؟؟؟؟ تخيل اخراج احد الجماهير من المدرجات علشانه قال برى على برى مصري

رقابة مشدده على الجمهور الهلالي من اكثر من 50 جندي موزعين في المدرجات وعلى المضمار




* في حين الاخوه جماهير الاسماعيلي مرتاحين تماماً وبعد طرد احد مدافعينه رددو الكلمة القذرة ........ يا حكم

ولم احد يردعهم او يمعنهم



* قبل انتهاء الشوط الثاني رددت جماهير الاسماعيلي حرام كفاية .... حرام كفاية

كانت ابرز مافي كواليس مباراة الامس
اضافة رد مع اقتباس
  #2  
قديم 15/02/2005, 09:56 AM
موقوف
تاريخ التسجيل: 04/08/2004
المكان: فوق الأرض وتحت السماء
مشاركات: 1,101
طيب وش صار على بطل الفلم في النهاية
اضافة رد مع اقتباس
  #3  
قديم 15/02/2005, 09:58 AM
زعيــم نشيــط
تاريخ التسجيل: 26/10/2004
مشاركات: 907
تسلم على هالنقل الجميل ........ حسيت اني في الملعب

والله كلامك ذكرني بمباراة الهلال والاهلي المصري في القاهره يوم جمال الشريف يطرد الثنيان ولايحتسب بلنتي سامي ......

والله باغي انطق يوم قلت لحظة اعاقة سامي بلنتي ........ وكنت قاعد في المنصه ودافع الشي الفلاني ...... وهم ما حطوا اي اعتبار لجمهور الهلال السعودي مع ان القاهره فيها الاف السياح السعوديين ....

ولكن للاسف المسؤولين عندنا يبون يرضون المصاريه باي طريقه ...... يليت نعاملهم بالمثل ..... وعلى فكره ترا معاملتهم سيئه مو بس في الكوره ..... حتى المنتجات السعوديه محاربه في مصر ......... واكبر دليل الي صار لمنتجات سابك ....

وهذا لايعني ان الاخوه المصريين اعداء لنا ...... بالعكس هم اخواننا و حياهم الله عندنا ........ ويليت يتركون التعصب ضد كل ما هو سعودي
اضافة رد مع اقتباس
  #4  
قديم 15/02/2005, 10:41 AM
زعيــم فعــال
تاريخ التسجيل: 27/05/2004
المكان: مقر نادي الهلال
مشاركات: 335
إقتباس
الرسالة الأصلية كتبت بواسطة الخير33
طيب وش صار على بطل الفلم في النهاية


شرب ديتول وانتحر
اضافة رد مع اقتباس
  #5  
قديم 15/02/2005, 11:10 AM
زعيــم مميــز
تاريخ التسجيل: 18/08/2004
مشاركات: 2,030
^
^
^

جعلك الحفي وين راح

يسلمك ربي على المتابعهـ .. بس تبي قهررررر هالأمور تعمل ضد الهلال
اضافة رد مع اقتباس
  #6  
قديم 15/02/2005, 11:30 AM
موقوف
تاريخ التسجيل: 04/08/2004
المكان: فوق الأرض وتحت السماء
مشاركات: 1,101
إقتباس
الرسالة الأصلية كتبت بواسطة هلالي من ذهب
شرب ديتول وانتحر






ياحبني لك والله انت وردودك
اضافة رد مع اقتباس
  #7  
قديم 15/02/2005, 12:27 PM
زعيــم مميــز
تاريخ التسجيل: 31/12/2000
المكان: سارية المفعول
مشاركات: 1,998
عجزت أفهم وش سر منع دخول الأعلام اللي عليها كتابة !!

وليش هالشي يطبق معنا بس ؟؟

جمهور الإتحاد يدخلون صحايف .. وسواليف على الأعلام .. ياكلك ومن هالهرج ..

وجمهور النصر مابقى شي ودخله .. من عفواً البطولة نصراوية إلى نبي بطوله !!

وجمهور الأهلي كل شي دخلوه .. يكويك .. ويغسلك .. ويحط نشا

وحنا يالضعوف المساكين .. عشانا مسالمين .... ياطون علينا !؟

ليش ؟

تفتيش ماقلنا شي ... حق وواجب ...

لكن تاخذ أقلام .. صعبه شوي

تاخذ ولاعات .. برضه صعبه شوي

تاخذ أعلام .. معصي !!

معليش ... إستفزاز وتنفير .. لا ويقولون ليش الجمهور مايبي يحضر

حتى العسكر اللي في الملعب من كلام كاتب الموضوع إنهم يسوون حركات ضد الجمهور .. ويوبخونه على أتفه الأمور .. وهالشي مانرضاه

أتمنى من الأمير إن يضع حد للأمور هذي .. خصوصاً إن لجنة تنظيم الجمهور بعد مباراة الإتحاد على كأس الإرهاب تكلمت عن دخول الأعلام .. وقالت إذا واجهتكم أي مشكله علمونا .. لكن الظاهر الجماعه راكبين روسهم وجمهور الهلال ماكنه سعودي !!


الله يعطينا على قد نيتنا .. هذي اللي أقدر أقوله

والله يوفق الأزرق في المباريات القادمه .. وان شاء الله يعوضون .
اضافة رد مع اقتباس
  #8  
قديم 15/02/2005, 12:46 PM
الصورة الرمزية الخاصة بـ الصقر الهلالي
زعيــم مميــز
تاريخ التسجيل: 24/12/2000
المكان: ][وهل غيـر الشمـال أعشـق .!!.][
مشاركات: 10,798
هلا وغلا

ومشكوووووور يالغالي وماقصرت ..

وهاردلك لنا التعادل .. ونعتبرها كبوة جواد اصيل.. بس الوعد .. والحرة بنحطها في الفيصلي والا فريقي

يا ويلهم من جـــن الملاعب



لك اجمل تحية

صقوري
اضافة رد مع اقتباس
  #9  
قديم 15/02/2005, 01:46 PM
زعيــم مميــز
تاريخ التسجيل: 29/04/2002
المكان: عمها : عالم من اختياري
مشاركات: 3,217
شوووهد ما سبق

مشكور على القطات من الملز وننتظر منكم المزيد 000

bajf0526
اضافة رد مع اقتباس
  #10  
قديم 15/02/2005, 01:51 PM
زعيــم مميــز
تاريخ التسجيل: 23/12/2004
المكان: دبـــي
مشاركات: 1,970
طيب وش معنى المصاريه جايبين اعلام مصر وغيره
اضافة رد مع اقتباس
  #11  
قديم 15/02/2005, 01:56 PM
زعيــم مميــز
تاريخ التسجيل: 27/05/2002
المكان: غريب احساس !!
مشاركات: 1,610
امس وقفني عسكري قال لاتعصب على خالد عزيز ترى نبي نطردك

<<< واحد نصاب

والله يازعماء تشديد الامن في الملعب مايشجع ان الواحد يحضر مقارنه بالانديه الاخرى

اما الجمهور المصري ماقصر الا صحون الفول مدخلينه معهم
اضافة رد مع اقتباس
  #12  
قديم 15/02/2005, 01:57 PM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
الله يعطيك العافيه على النقل المفصل والدقيق جدا
اضافة رد مع اقتباس
  #13  
قديم 15/02/2005, 01:59 PM
زعيــم مميــز
تاريخ التسجيل: 14/01/2004
المكان: منطقة صناعـة اللعب
مشاركات: 1,728
اخوي هلالي من ذهب .......

معاي علم مرسوم عليه سامي الجابر كلفني الشئ الفلاني على قولة اخوي هلالي في كندا ...

رجل الامن قالي ممنوع ..... مارديت عليه رحت تفاهمت مع الضابط وبكل أحترام تعامل معي ....

يعني سبحان الله الضباط يجونك أخلاق ومحترمين وهالافراد الملحطين يتعاملون معك بكل فوقيه ....

عموما تحياتي لك اخوي الكريم ..........
اضافة رد مع اقتباس
  #14  
قديم 15/02/2005, 03:45 PM
زعيــم فعــال
تاريخ التسجيل: 27/05/2004
المكان: مقر نادي الهلال
مشاركات: 335
إقتباس
الرسالة الأصلية كتبت بواسطة تغيب الشمس بحلم يومي
....

يعني سبحان الله الضباط يجونك أخلاق ومحترمين وهالافراد الملحطين يتعاملون معك بكل فوقيه ....

عموما تحياتي لك اخوي الكريم ..........





ياخي يتعاملون معك كنهم فريق ركن
اضافة رد مع اقتباس
  #15  
قديم 15/02/2005, 06:28 PM
زعيــم فعــال
تاريخ التسجيل: 31/12/2004
مشاركات: 291
(( هلالي من ذهب ))

يعطيك الف شكر , حقيقه دخلنا جو المدرجات الجميل

انا احسدكم

تستطيعون مشاهدة الزعيم على الهواء اما نحن على بعد 500 كيلو ودوام اعذرونا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:58 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube