#1  
قديم 15/02/2005, 02:36 AM
زعيــم مميــز
تاريخ التسجيل: 28/02/2002
المكان: الرياض
مشاركات: 1,925
جمهور الهلال لا تلومون الا أنفسكم

للأسف جمهور الهلال اصبح غير قادر على ملء استاد الملز ،،،، نعم هذي الحقيقة
الهلال يحقق بطولتين والاتحاد السعودي مانظم الا هالبطولتين يعني نسبة تحقيق الهلال للبطولات حتى هذي اللحظة 100% فقط ،،،، وغير كذا متصدر للدوري ؟؟؟

هل هذا حضور يليق بسمعة وجماهيرية وشعبية نادي الهلال ؟؟؟؟؟

الهلال كان يملي الملعب قبل 3 ساعات من بدء اللقاء والحين الله يخلف ؟؟؟؟ نبي بس نملي الدرجة الثانية وما قدرنا ؟؟؟؟؟

@@ مفارقة عجيبة غريبة الجمهور المصري بالرياض اكثر فاعلية من جمهور الهلال،، وين جمهورنا المرعب اللي يهز الملاعب هز

@@ لو اننا جماهير فعالة لما قالت لنا الجماهير الوافدة آعدين ليه ما تؤموا تروحوا ،،،،
تخيلوا نطرد من ملعبنا ،،،،، وين هيبة جمهور الهلال ؟؟

@@ جمهورنا صامت ساكت لحد التجمد ،،،، وينتظرون هدف علشان يزاعقون بالله عليكم هل هذا تشجيع ،،،،، التشجيع من اول لحظة بالمبارة الين نهاية المبارة هذا هو التشجيع ولنا في الجمهور المصري عبرة هتافات جميلة ،،،، ولكن الزين ما يكمل عليهم بعض الالفاظ السوقية ،،، احيي فيهم حماسهم وتفاعلهم فهم فعلا ملح المبارة

@@ الرابطة وما ادراك مالرابطة ؟؟؟؟
اولا الاخطاء ان الرابطة جالسة بالدرجة الاولى والجماهير بالدرجة الثانية << قل صفوا صفين قلنا حنا اثنين .
المفروض من الرابطة انها تكون بالدرجة الثانية مع الجماهير وتشوفون الحماس

@@ تبون بطولات يا جماهير الهلال احضروا وبعدين لوموا اللاعبين يلوم اللاعبين

@@ صدمت لحظة دخولي الملعب من عدد الجماهير قد يقول احد الجماهير حضورها جيد لكن بمقياس الهلال وقياسا بأهمية المبارة وقياسا بتألق الهلال وجهد الادارة اقول ومن حقي ان اقول الحضور الجماهيري بمبارة اليوم ضعيف جدا

@@ نتمى من ادارة الهلال جلب لاعب صانع العاب او وسط ايمين فالهلال اصبح فريق لا يهاجم الا من جهة واحدة ،،،،، جلب صانع العاب برازيلي يلعب بالقدم اليمنى والغاء عقد دي سليفا

تحياتي .
اضافة رد مع اقتباس
  #2  
قديم 15/02/2005, 03:05 AM
زعيــم مميــز
تاريخ التسجيل: 14/01/2004
المكان: منطقة صناعـة اللعب
مشاركات: 1,728
اخوي الكريم باذن الله يعاد النظر في مكان الرابطة .........

وجماهير الهلال اليوم كبيرة وتشكر على الحضور .........

لكن مثل ماتفضلت ياخوي لاتشكل ولا أدنى رقم ذكره من جماهير الهلال بالريـــاض ........

تحياتي لك اخوي ......
اضافة رد مع اقتباس
  #3  
قديم 15/02/2005, 03:17 AM
زعيــم جديــد
تاريخ التسجيل: 06/09/2004
مشاركات: 45
ياليت الجماهير ماحضرت



ليتهم جالسين ببيوتهم اصرف


فشلووووووووووووووووووناااااااااااااااا




اعنبوكم الجمهور المصري احسن منكم


طلعت المباراه بمصر مهوب الرياض



وحنا ماغير



بحر بحر



خطر خطر



وياهلال عزك عزنا مايقولها الا ثنين ثلاثه




وتبون بطولات وتبون الفوز



والله صدقت لاتلومون الا انفسكم
اضافة رد مع اقتباس
  #4  
قديم 15/02/2005, 03:34 AM
زعيــم فعــال
تاريخ التسجيل: 07/02/2005
المكان: كامبردج - بريطانيا
مشاركات: 283
صدقوني انا من جده بس والله قهرتني الجماهير المصريه وكأن المباراة في مصر لكن ماقصرتوا ياجمهور الرياض والقادم احلى انشاء الله
اضافة رد مع اقتباس
  #5  
قديم 15/02/2005, 08:53 AM
زعيــم مميــز
تاريخ التسجيل: 28/02/2002
المكان: الرياض
مشاركات: 1,925
هلا بك يا تغيب الشمس بحلم يومي
كل ما نتمنى ان هالمجهود الجبار ما يضيع ،،،،، الرابطة ممتازة بس ناقصها تجي للدرجة الثانية
بدأمن المباريات القادمة تكون الرابطة بالدرجة الثانية <<<< امنية كل هلالي
تقبل تحياتي

هلا بابو زيد
اختلف معك بمقولة لو جالسين ببيوتهم اصرف ؟؟؟؟
اخي العزيز الجمهور ما اعتقد انه فشلنا بالعكس قمة في الاخلاق لكن المآخذ الوحيد عليهم عدم التفاعل
والصمت المحير ؟؟
تقبل تحياتي

هلا بأبو يعقوب
من ناحية قهر فهي قمة قهر ،،،، اجل مصري يقول لنا قاعدين ليه ما تقوموا ترحوا ؟؟ وش هالبجاحه والميانه ههههههههه ،،،،، تخيلوا سعودي يقول للجمهور المصري في استاد القاهرة اطلعوا بره ؟؟؟
وينطبق على الجمهور المصري البيت بيت ابونا والقوم طردونا ؟؟؟؟
نعم كلنا عرب لكن اللباقة تقول شجع باحترام خصوصا اذا كنت خارج ارضك ،،
ياليتكم شايفين الجمهور المصري عقب نهاية المبارة بالشارع قلبوا 180 درجة برى الملعب ،،، يتمسكنون ويتبسمون ،،،، وبالملعب ينفخون هههههههههه
تحياتي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:43 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube