#1  
قديم 13/02/2005, 08:50 PM
زعيــم مميــز
تاريخ التسجيل: 23/10/2003
مشاركات: 1,612
تقرير عن تدريب الهلال اليوم.. واالتشكيله الأساسيه واخبار أخرى

الهلالي ابوسارة يعود لكم من جديد ..

السلام عليهم أجمعين ..

أخوكم في الله ابو سارة .. صحى اليوم بعد العصر بعد سبات عميق دام 13ساعه !!

وتعرفون فااضي لأنه بزنس مان برتبة عااطل.. !!

شفت انه ماعندي شيء اسويه،، قلت النادي يا ولد ..

و(ألقط) عمري انا وثلاثه من الطيبين اللي شرواكم.. وعلى العريجاء .. وياحبي للعريجا والللي سكن فيها..

...............

المهم وصلت انا والربع..

والتقيت ببعض اللاعبين ،، الخثران ,, والمفرج (( دايم مع بعض )) ..

الشلهوب (( ياحبني له بعد )) ..

ابو عبد الله.. وماشاء الله على ابو عبدالله 24 ساعه بشوش ..

وكلهم حماس واصرار .. واتفقوا كلهم في كلمة وحده:

الحضور الجماهيري يعني الفوز بأقل جهد..

وعلى طاري الجماهير ..

تكفون اللي يعرف (( العقارب )) يقول لها تهدي اللعب شوي.. ذبحنا البرد ونبي الحضور بكرة فل!!

_________

المهم نقزنا المدرج ..

وبدأوا اللاعبين يدخلون الملعب بالتقسيط (( والله لو انهم ددسن 2005 )) أنكت صح؟!!

** التمياط .. الغامدي.. الغنام .. الحربي.. الخراشي..

اكتفوا بالدوران على الملعب ..

ثم اتجه نواف لزاوية الملعب مع مدرب اللياقه.. وقام يسوي برنامج لياقي ومداعبة الكورة..

الله يشفيك ابو بندر.. انت واللي معك

** كلمت برنابوك .. وماشاء الله عليه يتكلم عربي احسن مني ومنكم ..

يقول ان الغامدي جاهز لمباراة الرائد..

والتمياط يمكن يلحق آخر الموسم ..

الغنام تشافى ويحتاج لياقه فقط..

الدوخي بيتأخر شهر ... (( والله بتوحشنا ياللاندكروزر )) ..

الدعيع يحتاج اسبوعين ..

الحربي .. الموسم القادم ..

** على ذكر مباراة الرائد ..

تم نقلها رسمياً للرياض .. واتركو عنكم الاجتهاادات الصحفيه ..

** احمد مناور ينحسم توقيعه يوم الثلاثاء القادم بحول الله ..

المشكله كانت تكمن (( قويه تكمن يابو سارة)) في انه من الهواة.. لكن بيوقع عقده مع الهلال الثلاثاء

** ((يقولون)) ان الادارة الهلاليه ستبدأ بالفعل اليومين القادمين بمفاوضة الوحده والقادسيه..

تمهيداً لنقل الكويكبي والحكمي .. بناءاً على طلب باكيتا

والمثل يقول:

لا صار عندك خبر شبه مؤكد.. وخايف ينط لك بثر ويقولك كذاب لو فشلت الصفقه.. فالأسلم ان تسند

على وكالة يقولون .. (( مثل شعبي ))

** الأخبار الوارده من معسكر الجار الأصفر الغريق .. تقول ان البلوي (( قش)) الثلاثي حق الارهاب

بصفقه مدويه..

(( هذا الخبر هديه لهم لأنهم في منتداهم كل مواضيعهم عن الهلال وسامي.. مايدرون وش صار على فريقهم))

** سامي .. قبل التمرين اجتمع مع الثلاثي الأجنبي .. طبعاً أخوكم في البرتغالي متنح !!

ماندري وش دار بينهم بس الزبده ان الاسماعيلي راح فيها !!ههههههههه يقطع خفة الدم ياشيخ

** على طاري الأجانب ..

كماتشو اثبت أنه صفقه ناجحه .. ومكسب .. لكن أداءه في التمرين أعلى بكثير من اداءه في المباراة

يعني الصبر عليه لأن عنده شيء كثير يقدمه (( هالفقره اهداء للي في بالي )) ..

** أطال باكيتا التدريب الترفيهي واللياقي.. أخر المناوره..

كانه يصرف الوفد المصري الاعلامي ومندوب الاسماعيلي اللي جو للتمرين ..

وأهدوا الهلال فانيلة فريقهم .. والأخ احمد مرجان ماقصر وفرها !!



** تابعت جزء من المناورة .. واتضح ان باكيتا يقرأ الخصم جيداً..

لأنه أوعز (( ياربيه يا أوعز )) .. لخالد عزيز والشلهوب وكماتشو وسامي وسلفا.. بالضغط على

حامل الكورة في النص.. لأن قوة الاسماعيلي في وسطه وامتلاكه لمنطقة المناوره..

** التشكيله الأساسيه مالم يطرأ اي حادث لاقدر الله:

العتيبي

تفاريس

المفرج

الخثران

الياس

البرقان

عزيز

الشلهوب

كماتشو


سامي

سلفا

____________

بالأخير ..

أتمنى من الادراة الزرقاء تنسيق الثنائي حسين العلي و ماجد المرشدي ..

الأول يتدرب وهو مكشر ويلعب بدون نفس ..

والثاني من يوم جاء من حايل وهو مشاكل.. تحلف بالله (نيستا) وحنا مادرينا ..

المشكله منصور الاحمد يقول موفرين له سكن قريب .. والأخ الظاهر يبي فله ..

تكفى خلك بحايل والفلوس هي لك .. وش عنده نيستا الغفله !!


أخيراً..

سوري أباً عن جد على الاطاله .. والاستظراف اللي ماله داعي ..

أخوكم الهلالي ابو سارة
اضافة رد مع اقتباس
  #2  
قديم 13/02/2005, 08:56 PM
زعيــم نشيــط
تاريخ التسجيل: 27/12/2004
مشاركات: 636
شكرا ابو سارة على الاخبار الجميله .

والتشكيله متوقعه من الداهيه باكيتا وهي رائعه .

والله يوفقك وتلقى وظيفه .
اضافة رد مع اقتباس
  #3  
قديم 13/02/2005, 08:58 PM
زعيــم مميــز
تاريخ التسجيل: 23/10/2003
مشاركات: 1,612
8

8

8

8

وظيفه ..!!

لا شف لي دعوه غيرها..

مو محتاج وظايف ..

قل مثلاًً: الله يزوجك يابو سارة ..


تسلم يالغالي.. ومشكور والله لايهينك
اضافة رد مع اقتباس
  #4  
قديم 13/02/2005, 09:18 PM
الصورة الرمزية الخاصة بـ مطزاز
زعيــم متألــق
تاريخ التسجيل: 01/05/2002
المكان: الرياض
مشاركات: 1,236
[align=center]يالله حيه يابو ساره

اما من ناحية تنسيق العلي صعبه شوي لان العلي قناص

والمرشدي ماتقدر تحكم على ظروفه لما نشوف وش عنده

وانا شاء الله الحكمي ينتقل للهلال

والبلوي ماخلا احد ماشراه ولكن اللعب مو بالفلوس والقوه

ويعطيك الف عافيه [/align]
اضافة رد مع اقتباس
  #5  
قديم 13/02/2005, 09:37 PM
زعيــم مميــز
تاريخ التسجيل: 16/09/2004
المكان: MED-US
مشاركات: 2,871
يالله تحيي ابو ساره
مشكووور على التقرير وكنت منسجم معه بالحييل ;)
وخصوصاً الكلمات القوووووويه
وانشالله الفوز مايصير الى للهلال
وشكراً
اضافة رد مع اقتباس
  #6  
قديم 13/02/2005, 09:42 PM
الصورة الرمزية الخاصة بـ عاشق ومجنون توتي
زعيــم متألــق
تاريخ التسجيل: 30/01/2005
المكان: جــــــــــــــــــــــــده
مشاركات: 1,391
يعطيك ألف عافية يأبو سارة على متابعتك الدائمة للتمارين الهلالية ونقلها لنا بالتفصيل زي مانت عارف اخوانك في جدة وانا احدهم مساكين مانقدر نشوف التمارين مثلكم ياهل الرياض..... وشكرا.
اضافة رد مع اقتباس
  #7  
قديم 13/02/2005, 09:54 PM
زعيــم متألــق
تاريخ التسجيل: 07/12/2004
المكان: جـــــــدة
مشاركات: 1,387
ابو سارة الله يعطيك العافيه



ويزوجك بنت الحلال وتكون هلاليه


والله يبو سارة انكم محسودين عشانكم بجنب الهلال :sad:



اخ بس لو اني بالرياض :sad:





اخوكم وسام


جدة
اضافة رد مع اقتباس
  #8  
قديم 13/02/2005, 09:57 PM
زعيــم فعــال
تاريخ التسجيل: 10/09/2001
المكان: Riyadh & Dammam
مشاركات: 336
ما قصرت يا أبو سارة وهذا العشم فيك

واتفق معك بخصوص نيستا الجبلين والعلي
اضافة رد مع اقتباس
  #9  
قديم 13/02/2005, 10:07 PM
زعيــم مميــز
تاريخ التسجيل: 18/08/2003
المكان: makkah k.s.a
مشاركات: 1,909
مشكور ياابو ساره ماتقصر ..

والله يزوجك وحده هلاليه ان شاء الله ..


اخوك

راشد ..
اضافة رد مع اقتباس
  #10  
قديم 13/02/2005, 10:12 PM
زعيــم نشيــط
تاريخ التسجيل: 23/07/2004
المكان: فات الميعاد :(
مشاركات: 819
يعطيك العااافيه
وتسلم على الاخبااار

هههههههههههههههههههههههههههههه
ياااخي انا كنت شااك انك منسم مثلي
من يوم رديت على موضوعي وقلت لي امصع يدك
بس تدري
الحمد لله لقيت واحد منسم زيي
<======يحس ان ماله دااعي بالحياة الدنيا
هههههههههههههههههههههههههههههههههههههههه
يعطيك العافيه يالغالي ولاتزعل تراااي مجرد امزح نوعاً ما
اخاف تزعل وتمصع يدي ههههههههههههههههه
اضافة رد مع اقتباس
  #11  
قديم 13/02/2005, 10:14 PM
زعيــم نشيــط
تاريخ التسجيل: 09/02/2004
المكان: جدة أم الرخا ...
مشاركات: 634
والله إني ماصدق أقرا جنب موضوع الهلالي أبو سارة عالطول أضغط عليه لين أكسر الزر ههههههههه
اضافة رد مع اقتباس
  #12  
قديم 13/02/2005, 10:23 PM
زعيــم متألــق
تاريخ التسجيل: 15/04/2003
مشاركات: 1,004
#2
تر2002كي
زعيــم متواصــل





شكرا ابو سارة على الاخبار الجميله .

والتشكيله متوقعه من الداهيه باكيتا وهي رائعه .

والله يوفقك وتلقى وظيفه .
__________________
اضافة رد مع اقتباس
  #13  
قديم 13/02/2005, 10:31 PM
الصورة الرمزية الخاصة بـ Cʜɑᴙᴉƨᴍɑ
اشراف المكتبة الفنية
تاريخ التسجيل: 27/10/2001
المكان: AlHilal.com
مشاركات: 5,975

[ALIGN=CENTER][TABLE=width:100%;background-color:royalblue;background-image:url();border:8 solid darkblue;][CELL=filter:;][ALIGN=center]
يعطيك الف اخوي ابو ساره
:::
وسلامات لكل المصابين
:::
وبإذن الله الفوز هلالي بكره
:::
مساك ورد

[/ALIGN]
[/CELL][/TABLE][/ALIGN]
اضافة رد مع اقتباس
  #14  
قديم 13/02/2005, 10:34 PM
زعيــم متألــق
تاريخ التسجيل: 03/11/2003
مشاركات: 1,221
مشكــــــور يـــابو ســـــارة ................

واللـــــــه يوفـــــق الزعيـــــم غدا وكـــل يـــــوم .............
اضافة رد مع اقتباس
  #15  
قديم 13/02/2005, 10:34 PM
زعيــم متواصــل
تاريخ التسجيل: 13/07/2004
مشاركات: 155
إقتباس
الرسالة الأصلية كتبت بواسطة الهلالي- ابوسارة
الهلالي ابوسارة يعود لكم من جديد ..


** الأخبار الوارده من معسكر الجار الأصفر الغريق .. تقول ان البلوي (( قش)) الثلاثي حق الارهاب

بصفقه مدويه..

(( هذا الخبر هديه لهم لأنهم في منتداهم كل مواضيعهم عن الهلال وسامي.. مايدرون وش صار على فريقهم))


أخوكم الهلالي ابو سارة

هههههههههههههههههههههههههههههههههههه حلوه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:21 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube