خبر عاجل عن بطولات الهلال وماذا سيفعلون غدا.............. - نادي الهلال السعودي - شبكة الزعيم

أسير لطيفة · #1 08/05/2001, 01:53 AM

سلام من اسير...

كشفا هذا اليوم ابو مساعد اطال الله في عمره عن 64 بطوله هلاليه لم يعتمدها الاتحاد
السعودي مثل بطولات النثر التي اعتمدها الاتحاد السعودي امس هذا وسيرفع الهلالين
اوراقهم الرسميه الى الاتحاد السعودي صباح غد ا التي تثبت بتواريخ رسميه وفي حالة عدم اعتماد
هذه البطولات مثل النصر سوف تعلن بالصحف وفي حالة عدم اعتمادها سوف يصرح
الهلالين بتصاريح قويه في الصحف يوم الاربعاء .

][wolf][ · #2 08/05/2001, 01:58 AM

الله يبرد قلبك مثل ما بردت قلبي يا بو مساعد وانت يا ناقل الخبر الجميل ( اسير لطيفه) الف شكر لك يا غالي والحمد لله ان الاداره الهلاليه اخيرا تحركت....

تحياتي...

أبوحطبه · #3 08/05/2001, 02:02 AM

الله يبشرك بالخير ويخلي لك لطيفه

هذا ماكنا متعشمينه من ابومساعد والحمد لله ان ابو مساعد موجود ومحافظ على تاريخ الزعيم. وصدقني نحن بأنتظار التصاريح القويه لأنه باين ماراح يعتمدونها والسبب معروف.

لكن ماتشوف وانا اخوك ان64بطوله شويه الظاهر انها اكثر بكثير وليت ابومساعد يراجع دفاتره وبيلقاها اكثر .

تسلم ياغالي ولك تحياتي

allord · #4 08/05/2001, 02:04 AM

والله معطين الموضوع اكبر من حجمه كلها يوم يفرحون بالبطولات ويسكتون

ازرقنَي · #5 08/05/2001, 02:07 AM

ايه يامال الغنيمه 0 هذا الكلام السنع
بيض الله وجهك يااسير ووجه ابو مساعد 0000
ولا زمان الطيبه الزائده 00 نبي شده وحزم تكفووووووووووووووووون
والله يوفقكم جميعاً

ميلاد · #6 08/05/2001, 02:09 AM

السلام عليكم ياشباب
هذا ماوصلت اليه الكره عندنا ومن سيى لأسوأ المسأله مهيب 33او36او60او10000يااخي المسأله مبدأ ليش النصب والتزوير انا ماقهرني الا بطولة تركي بن ناصر (عضو شرف نصراوي)يااخي شي يخليك تكره الكوره

bergkamp · #7 08/05/2001, 02:12 AM

ياحلوك وياحلو خبرك هذا.....
الله يارب يجمعك بلطيفه ويخليها لك آآآآآآآمين
بس يمكن الانحاد الاسيوي مايعتمد بطولات الهلال والله مشكله
يارب تخلي عندهم ضمير ويعتمدون هالـ64 بطوله

اسرار السعودية · #8 08/05/2001, 02:12 AM

هلا اسير ومشكور على الاخبار الحلوووه .....
واحساسي يقول انها لن تقبل واذا عرف السبب بطل العجب .....

المــalmojــوج · #9 08/05/2001, 02:23 AM

فيه طريقه جديده
كل اسبوع ننظم بطوله مثل بطولة تركي بن ناصر ونجيب فرق من طقة الفرق اللي شاركو في بطولة تركي بن ناصر وفي سنه واحده نجيب 48 بطوله وش رايكم مدام الدعوى صارت فوضى

نواف العماري · #10 08/05/2001, 02:23 AM

الله بشرك بالخير ياعمري

DaFlyGuy · #11 08/05/2001, 02:23 AM

الله يبشر بالخير يا أسير ويوفقك يا أبو مساعد, والله هاذولا رجال الهلال وإلا بلاش!
وإن ما اعتمدها الإتحاد السعودي فترا الدعوة بتصير ماصخة.

أبو ناصر · #12 08/05/2001, 03:38 AM

الله لايهينك يا أخ ( اسير لطيفة ) ...

فانت السباق لكل مايفرح الهلاليين ..

مع الاسف لقد تم نشر الخبر في جريدة الرياض ..

http://www.alriyadh-np.com/sport/08-...news.html#7202

ونعتذر لك ولكل الاعضاء الذين ردوا .. فالموضوع طلع من ايدنا .. ;)

ولكم تحياتي ..

سام الملاعب · #13 08/05/2001, 04:02 AM

الا وش رايكم نقلبها بلاي ستيشن...
وخل عنك ...ان شاء الله ابجيب للهلال 50 بطوله يوميا مجااانا

وعز الله محد فايز علي

سيف الجنوب · #14 08/05/2001, 04:04 AM

الله يبشرك بالخير يا أسير لطيفة .
بالأمس يعذربون علينا بطولة الصداقة .
واليوم يفتخرون ببطولة الشهداء وبطولة تركي بن ناصر والمنطقة الوسطى ودوري الدرجة الثانية والثالثة .
مسكين يالنثر .

zaeem alalem · #15 08/05/2001, 07:19 AM

اسير لطيفه : مشكور

تقبل بطولاتهم والا ما تقبل ..المفروض ان الانديه جميعها تعامل مثلهم وتدرج جميع بطولاتهم