هالاسبوع انشالله بشتري نوكيا وش تنصحوني به ؟؟ - نادي الهلال السعودي - شبكة الزعيم

الصدر الحنون · #1 07/02/2005, 08:56 PM

السلام عليكم

انشالله ناوي هالاسبوع اشتري جهاز نوكيا.. بيني و بينكم كان ودي اشتري سوني اريكسون الجديد

لكن للاسف سعره غالي.. وابوي حدد المبلغ 1500 كحد اقصى..

انا افكر اشتري الفارس.. حسب علمي انه اطلق واحسن جوال نوكيا بالسوق حاليا..

انتم وش رايكم؟؟

<<< كان بدبي بس فاته يشتري :sad:

تحياتي

الحضرمي · #2 07/02/2005, 10:04 PM

وعليكم السلام
أخوي أنا أنصحك بالدمعه.
الأفضل على الإطلاق .
أو الهمر
وأخيرا إذا لم تجد هذان الإثنان فعليك بالباندا مع العلم أنه أكثر أوجميع البرامج شغاله عليه
إنشاء الله أكون أفدتك عاد إنت ورأيك

عاشق &&& التمياط · #3 07/02/2005, 11:00 PM

احسن شيء الفارس . .

بس سعرة غالي شوي تقريبا 2170 ريال ضمان مشاعل الخليج . . 2070 ضمان الإتصالات . .

بس الصراحه جهاز خيالي . . انا شريتة بـ2100 ضمان إتصالات

فيه برنامج اصلة موجود بالفارس . . تقدر تدمج مقاطع مع بعض وتضيف عليها مقاطع صوت . . وفيه برامج حلووووة . . بس الصراااحه جهاز خيااالي مرة . .لايفوتك . . أنصحك فيه . .

الصدر الحنون · #4 07/02/2005, 11:06 PM

مشكور اخوي الحضرمي
عاشق &&& التمياط

بس انتظر لين ينزل الاصدار الثالث وبشتري..

تحياتي

ha3ah · #5 08/02/2005, 07:33 AM

اخوي الفارس الحين

سعره 1990 ويمكن ينزل شوي
ولا انصحك بالدمعه المطور سعره
1550

ولاتقرب الدمعه لانه فاشل من ناحية الازرار وحتى الزوم اقل من المطور

وبخصوص الاباتشي لو شريته بزعل عليك لان هذا الجوال غبي صراحه

مافيه اي ميزه بالعكس فيه اخطاء

واما الباندا راح طوره وصار مثل الرهيب الحين

اذا تبي اتصال فيديو (مع الشركه الجديده اتحاد اتصالات)
واذا تبي استشعار الضوء
واذا تبي زوم رقمي وتصويل بوضوح 1.32 بيكسل
اشتر الفارس ومافيها شيء لو زنيت على الوالد

تحياتي ولك الرائي

الصدر الحنون · #6 08/02/2005, 01:49 PM

هلا بك اخوي ha3ah

انا بالفعل نويت اشتري الفارس لمميزاته العديدة والقوية.. بس المشكلة اني سمعت ان فيه مشاكل بالاصدارين الاول والثاني.. فانا بنتظر لين ينزل الاصدار الثالث وبشتري.. بس يا ليت لو تعرف متى بينزل الاصدار الثالث تخبرني؟؟

وبخصوص الدمعة.. هو اصلا انسرق مني

والاباتشي غاسل يديني منه من زمان

تحياتي

عاشق نورة · #7 08/02/2005, 03:00 PM

أخوي الصدر الحنون..

أنت منزل أستفسار في الموضوع المثبت عن جوال 6630 ورديت عليك هناك

أرجو أنك استفدت..

وشكرا

الصدر الحنون · #8 08/02/2005, 04:04 PM

مشكور اخوي نور الامل على ردك

تحياتي