05/02/2005, 09:25 PM
|
 | زعيــم نشيــط | | تاريخ التسجيل: 07/10/2004 المكان: الرياض
مشاركات: 663
| |
|
قــلـبــي " يـنــغــزنـــي " .. خايـف عليـك يا زعيمـنا
السلام عليكم ورحمة الله وبركاته
الف مبروك الفوز .. وكعادتنا بعد كل مباراه نبارك لبعض .. الله يديم الانتصارات المتتاليه
بالنسبه للهلال .. بكل صراحه قلبي ينغزني .. ما ارتحت والله
ادري انكم راح تطبون فيني .. انت تحاول تحطم الاعبين وانت تحاول تهبط معنوياتنا
بالعكس والله لو ما قلبي ينغزني كان ما نزلت الموضوع :sad:
مباراه الأهلي كان الوسط سئ والله .. لولا انه الكرات الثابته اسعفتنا كان ما طلعنا بالنقاط الثلاث
وغير كذا الدفاع فيه شوي خلل خاصه وانه الهجوم الأهلي ما كان في مستواه
ولولا انه المباراه مع الأهلي اخطائه كثيره ولولا انه الحكم ما قتل المباراه بالأخطاء كان فيه كلام ثاني 
وغير كذا الفرق الثانيه لاعبينهم متكاملين .. خاصه الشباب والاتحاد
والهلال زايد مباراه عن الشباب ومبارتين عن الاتحاد ومبارتين عن النصر ..
يعني في حالة فاز الاتحاد في المباريات الجايه والشباب في مباراته الجايه والنصر راح يكونو على بعد شي بسيط من الصداره
والهلال فقد ابرز عناصره .. ( سامي ) راح يأثر على الهجوم وراح يأثر على معنويات الاعبين :sad:
سامي بلحاله يفوز فريق ويخسر فريق وهو يتمشى في الملعب بس .. الاعبين يحتاجون واحد مثله ;)
مبارياتنا الجايه مع الرياض والوحده والشباب والنصر والاتحاد و القادسيه
لازم نفوز في مباراة الرياض والوحده والقادسيه ونحاول قدر المستطاع نفوز في مباراه الشباب 
والنصر والاتحاد نترك المهمه على سامي 
بس اهم شي التفريط في المبارياة السهله راح يضرنا 
اتمنى من كل قلبي اني اشوف الهلال رافع كاس الملك .. لانه بكل صراحه راح اجلد كل منهو هلالي قدامي لو يخسره الهلال  |
الوضع العادي
