قصتي مع الرقم القياسي من عام 1405 الى 1425 السلام عليكم _*_*_*_*_*_*_*_ خلال الفتره الماضية انقطعت مجبراً بسبب عده ظروف ومنها الاجواء الشتويه ( راعي بر ) المهم بين فتره وفتره امر على الجرايد او احياناً اخبار الراديو ...الخ واسمع ان الهلال يبدع ولن زمن عبادي الهذلول والنعيمه والمصيبيح وريفالينو والبيشي والحبشي وهذال الدوسري ونجيب الامام ومنصور بشير وعادل عبدالرحيم والثنيان , و و و وكتيبة الاعدام الزر قاء عادت تطرب من جديد لاغريب ولكن قلت اشوف والمحك مباراة الاتحاد ومباراة الاهلي .. المهم وانا في البر قلت للربع وحده من الثنتين يا نروح لمحطه بنزين انشوف المباراة!!! s13s او نشتري تلفزيون ودش !!! s60s قال اقرب الربع بجانبي ابشر بكره نمر على الرفيعه او قريه العيا ( تراه نصراوي ) s60s وصلنا وشرينا ولما جاء الليل كنا قرب فيضة الردايف ، وبعد الشبه والقهوة وعلوم الحلوه انتقلنا الى التلفزيون وشفت مباراة الاتحاد والهلال والنتيجه فتاكه 4/2 حلوووووووووووووووه :rolleyes: قلت اصبر واشوف الهلال والاهلي شفت المباراة وتذكرت جيل عبادي الهذلول والنعيمه والمصيبيح وريفالينو والبيشي والحبشي وهذال الدوسري ونجيب الامام ومنصور بشير وعادل عبدالرحيم والثنيان. واكد لي الاصدقاء ان الهلال الذي شاهدنه قريب من جيل النعيمه مع افضليه لذلك الجيل الرهيب وانا كذكلك اتفق معهم s13s والاهم الان ان الرقم الذي كسره الهلال كنت قد عشته عام 1405هـ وكان في موسم ربيع على كيف الكيف واذكر اني شفت المباراه في مخيم بالسفانيه _____________________________________________ فمبروك الفوز وتحطيم عدد مرات الفوز يازعماء |
الهلال سيد الارقام القياسية |
اقول وش رأيك كل سنه تطلع بر ممكن الهلال يحقق رقم قياسي عالمي ههههههههههههههههههه |
عسى فيه ربيع صاحي ولا لا...........وكيف التنهاه سيرت عليها :D وكيف الفقع طلع ولا توه :laugh: 1000 مبروك الفووووز ولا تفوتك مباراه الهلال مع الاسماعيلي :nono: |
هلا ... الاخوة japanese crow شكر لمرور .... الكبير كبير & السلطاني حلوه ....تبي الصراحه انا متعود اطلع كل سنه في ربوع ممكلتنا الحبيبه حماها الله الاخ king hak ابشر بالربيع اللي على كيف الكيف وحط بجنبك رفيق ودلة الكيف الربيع ممتاز وخاصة جنوب الرفيعه الفقع بادي مواريه التنهات مامريتها والوعد الصور بالقريب اذا كان المنتدى يسمح |
مضوعك كويس وفيه ضحك شوي تحياتي لك |
الوقت المعتمد في المنتدى بتوقيت جرينتش +3.
الوقت الان » 07:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd