05/02/2005, 04:30 AM
|
زعيــم مميــز | | تاريخ التسجيل: 23/10/2003
مشاركات: 1,612
| |
يا الأهلي.. لست افظل من جاارك.. مبروك الرقم القياسي.. وردنااا قاااسي الهلالي ابو سارة يعود لكم من جديد ..
الله حيهم .. كلهم .. من أكبر مشرف لأصغر عضو ..
انتهت المعركه قبل سويعااات (( ياربيه يالسويعااات )) ..
وما حبيت اكتب حرف .. قبل ان اشاهد المباراة .. كعااادتي تسجل لي المبااراة وانا في مسرح العملياات الملز (( مهم ))..
أخوكم في الله . الفقير اللى ربه ابو سارة ..
رااح الملعب اليوم .. وليته قعد .. (( قعد = ربض .. بالعربيه الفسحىى )) ..
اي والله يالنشاما ..
ارتفع ضغطي والسكر عندي .. حتى ان البنكرياس عندي قدم اجازه وقال اعذرني باطلع من الملعب والوعد سياارتك ..
مشكلة الهلال اليوم .. واقول اليوم فقط ..
انه لم يخرج من اجوااء الفوز على اتي فوور .. (( الاتحاااد ))
ولعب بثقه كبيره .. فيهاا قليل من الترااخي.. وملعقتين بروود.. وعلبتين صلصله ..(( أخ يا الجوع )) ..
ومع احتراامي لأصحاب الفانيلاات الخضرااء .. كانوا مرعووبين اليوم من الهلال .. وما تجرأوا حتى يشوفون حسن ابو عتب..
كل لعبهم .. تضييع وقت .. وقتل الحماس القليل في لعيبة الازوري ..
ومدربهم لحاله حكاايه .. مكثف الوسط ومابقى الا تيسير يصير محور ..
واللي جالس في المدرج فووق ويشااهد نص الأهلي.. كأنهم طلاب طالعين من المدرسه .. ياهم زحمه .. المهم ماعلينا..
كورة ديسلفا اللي في العارضه .. حركت المباراة وبثت الحماس في الهلال.. واشتغل الجن الأزرق .. ((متأثر بسندبااد))..
وبعد ين على طاري ديسلفا ..
بالله تخيلوه بعمامه وجلابية صعاايده .. بذمتكم مو كنه معلم فول؟؟ ههههههه بس ترااه يلعب .. المهم نواصل الموضوع..
استغربت من جد الليله من الأهلاويه ..
للحق والحق يقال ان الأهلي ارحم من جاره الاتهادي.. في فنون المصاارعه .. هذا شيء نعرفه قبل المباراة ..
ولكن اثناء المباراة .. اكتشفت ان نسيم حميد .. وتايسون في الملعب .. وأن دفااع الاتي أرحم عشرين طعش مرة..
لكمات خطافيه . شد وجذب ومع قليل من الركل والرفس .. حتى كابتينة سامي خذوها .. كأنهم حالفين يصورون معها!!
مسكين الموري رااح المستشفى .. وسامي انطق لين داااخ .. وكماتشو تمردغوا الأهلاويه في مندوب ابو بطنه ...
بصرااحه ما الوم اللاعبين الهلاليين.. فلو أني مكاان وااحد منهم .. كان قلت ودوني بيتناا .. ماراح أكمل الماتش.. ياروح مابعدك روح ..
والله ياجمااعة الخير انها اغرب مباراة .. كأناا في اسبانيا وحاضرين مصارعة الثيران ..
بعدين الا على طاري الثيراان .. وش اخبار ياسر مدني !!
بذمتكم ذااك حكم ؟؟
القانون يقول : الشد .. يعني كرت اصفر ..
قانونه هو يقول: الشد لعب رجولي .. يستحق فااعله التشجيع ..
القانون يقول: الضرب أو محااولة الضرب.. تعني كرت احمر
قانون هو يقول.. الضرب يعني.. الاستمرااار
القانون يقول: العرقله _ وليس المحط بالمهااجم _ مجرد العرقله تعني ركلة جزااء داخل المنطقه..
قانونه هو يقول.. ما تشم ركلة جزاء لين اشوف الدم واااصل الركب ..
الله يخلف على الحكم واللي خلاه حكم واللجنة اللي عينته .. (( امحق لجنه ))
........
** احمد الصويلح نجم يستحق ان يكون أكثر من احتياطي..
** سامي الجابر .. هذا زمنك .. والزمن الماضي زمنك.. والمستقبل بعد .. الله لا يحرمنا منك .. وآه يا منتخب المآسي..
** سلفا .. والذي أطلق عليه احد الاصدقااء لقب الصعيدي.. داائماً يختفي الشوط الثاني.. ويتميز في الأول فقط..
** تفاريس .. المفرج .. الخثراان .. عيني عليكم باارده ..
** كمااتشو .. أترااجع عن كلامي السابق ,, الرجال مبدع ويجي منه ..
............
كلمة وندااء عااجل للأدارة الهلاليه :
هذا الرجل المدعو باكيتاا..
دااهيه .. داااهيه .. داااهيه ..
اعااد الابدااع الازرق .. كسر رقمنا السابق (( ماشاء الله علينا.. حتى الهلال ما سلم من الهلال هالموسم )) ..
بث الروووح في اللاعبين ..
تكتيكه سهل ممتنع ..
مدرب نااجح ..
رجااءاً .. وقعوا معه من الآن .. جددوا له سنه وسنتين .. وانت ياقلبي تقول انا فين (( معليش خذااني الطرب ))..
الرجااء الاسرااع بالتجديد معه مواسم اضافيه .. قبل ان نشااهده الموسم القادم يصور مع البلوي في بيرووت..
____________
كلمة أخيره ..
قالوا الازرق انتهى .. فكاان الرد قاااسي ..
قالوا الزعيم شاااخ .. قال اشربوا المر من كااسي ..
قالوا انه صار مااضي .. فـ حطم الرقم القياسي ..
هذا الموسم .. الهلال هزم النصر والشباب والاتي والأهلي ,, وحتى الهلال نفسه .. لم يسلم من هلال اليوم.. فحطم
رقمه القيااسي السابق ..
وصح لساان من قال ان الهلال مايناافس الا نفسه ..
تحياتي وآسف على الاطاله ..
تصبحون على خير ..
صبااحكم ورد وصدااره.. ودرااسه وعمل ..
أخوكم الهلالي ابو سارة |