السلام عليكم

مبروووووووووووووووك .. ألف ألف مبروك الفوز .. والصدارة

وقبل كل هذا المستوى واللعب اللي يرد الروح

والرباعيه اللي ولا أروع .. وفاصل الذيب المهاري

اللي يعطي فيه اللعيبه دروس في الفن والحرفنه والدهاء الجابري

واللي يحق لنا نفرح به .. ونشيد به .. ونتغنى به

لكن مهوب بالطريقه اللي نشوفها

طريقة التريقه .. والتطنز .. وتشبيه اخوانا الاتحاديين بالحيوانات .. ومالا نرضاه لأنفسنا

يعني مهما سووا .. وصدر منهم من تصرفات في السابق والا في المباراة

مايحق لنا نطلق عليهم هالالفاظ

ولو هم سبقونا بالشماته

لا ننـزل لمستواهم .. وخل نترفع عن الالفاظ الدنيئه .. اللي ماهي من الفاظ بني هلال

لذلك خلوا التنافس اللي بينا شريف .. والاخلاق والأخوه فيه فوق كل شي

ولو ما التزموا هم بهالتنافس .. عالأقل أنحن نلتزم به

وتذكروا اخلاقيات التنافس

اللي منها
ابتسم عند الهزيمه .. و"تواضع" عند النصر

يعني خل نفرح بالهلال ونجومه .. وأدائه

بدون انتقاص المنافسين لأشخاصهم .. وألوانهم .. وجنسياتهم

.. .. ..

وبعدين انحن في نعمه من الله

على هالمستويات اللي يقدمها الفريق .. والنتايج الطيبه اللي يحصدها ... واللي بإذن الله نهايتها ذهب وبطولات

والمسلم اذا جته نعمه من رب العالمين .. لابد يشكر الله عليها
لكن مو بمعصيته .. وذكره اخيه المسلم بما لايرضى ولا يحب

فاتمنى أن نفرح .. ولكن بحدود

و بطريقة ترضي الله عز وجل

بدون همز ولا لمز .. ولا تنابز بالألقاب

.. .. ..

وها أنا أبدأكم باعتذاري للإتحاديين .. لو انه صدر مني أي شي بحقهم

.. .. ..

CRESCENT

.. .. ..