مسجات من جوالي - نادي الهلال السعودي - شبكة الزعيم

احبك حيل · #1 01/02/2005, 07:43 AM

قلبي لك ...
إن بغيته إسكنه
و إن جفيته إدفنه
بالروح تكفى كفنه
وكل هذا عندي أهووون
من قلب ثاني يحضنه
هذا قلبي
حزن قلبك يحزنه
ولو خانه أنا أطعنه
أما عقلي !
إنت أصلا ساجنه
والله والله مجننه
وجنونك اللي مزينه

.......................................

تدري انه في خفوقي ماسكن غير انت ياللي
هز عرش القلب واستاسر جنوده واستباحه

الفواد اللي على الخفرات ذابحه التغلي
كان حوله سور وانت اللي ضرب عالي شباحه

كان فيه ابواب ماتفتح ولا يمكن تدلي
لين حتى جيت يالمزيون واعلنت افتتاحه

من غزاني طرفك المكحول بسيوف تسلي
والعلوم اعلوم والحاله تغالبها الفداحه

تدري اني قلت ابهرب منك واثري جيت كلي
جيت ادور عقب ضاق الكون بعيونك مساحه

...........................................................

كلما جيت ابضحك .. استحيت وبكيت
وكلما جيت إبنهض .. اتعثر وأطيح
وكلما جيت ابرقد.. طال ليلي وسريت
وكلما جيت ابسكت قام جرحي يصيح
وكلما اقول مبرووك استرحت ونسيت
ارجع اقول.. مايحس.. بالحياه الذبيح
لودريت بطريقي ..اه.. لونـــي دريـت
ما مشيته سليم .. وجيت منه..جريح

...........................................

تقبلو تحياتي

سراب الدمع · #2 01/02/2005, 08:05 AM

مساء الوررررررررررررد

ألف شُكر ياغالي

على هالرسائل الجميلة

ولاتحرمنا من البقية

تحياتي العذبة لك

والله يحفظك ويرعاك

احبك حيل · #3 01/02/2005, 08:09 AM

يشرفني مرورك يا مشرفنا العزيز

الزعيم عبودي · #4 01/02/2005, 08:18 AM

روعة والله من زمان ماشفنا رسايل حلوة

الفيروسه الزرقاء · #5 01/02/2005, 09:53 AM

يسلمووو خيو على هالمسجات الروووووعة

وهذي مسجات كتبتها لكم

،،،

أنا أدري انك ساعة أفراح يالعيد
لكن تعود بكل ذكرى حزينة
وبهاجس الذكرى للآفراح تنكيد
والعبره اللي دمعها خازنينه
فيك التحية والمصافح تقاليد
وياكثر من في عيدنا فاقدينه

لبيه لو تطلب من أنفاسي أنفاس
بالورد أغلف غالي العمر وأهديك
فدوه لعينك يابعد كل هالناس
يابعد هالعالم وش تبي وأعطيك
أنت الوفا وأنت الصفا وأنت الإحساس
وأنت الذي داخل عيوني أداريك

لازلت بالخاطر ولازلت بالرآس
ولازلت أشوفك وين ماحط عيني
أنت الغلا ياسيد الخلق والناس
وأنت السوالف بين نفسي وبيني
شفت المياه إشلون تنصب بالكآس
الكآس عمري وأنت موية سنيني

فكرت مره أخطفك ليل وأنحاش
وقررت من قلبي أنفذ قراري
وفعلاً لبست حزام ناسف ورشاش
وأخذت إحتياطات الحذر والطواري

" لاتخافين "
حلماً حلمته طلع طاش ماطاش
وأصبحت ماعندي من الشر طاري

مات الحكي واحرجني الموقف إحراج
وعجزت أعبر عن هواي أعذريني
ماغير جملة حطها الخوف بسياج
( قلبي يحبك حيل لا تتركيني )
نطقتها أخشى أسبب لك إزعاج
لولا الغلا ماقلتها صدقيني

قالوا لي وش ملح الحياة ؟
قلت المحبة والغلا وأشياء من نفس الصفات
قالوا لي جاوب في سكات !
قلت السكوت اللي تبونه ماهو من طبعي بتات
قالوا تكلم وإعترف منهو اللي في قلبك يبات ؟
قلت اللي يقرأ الرسالة غلاه حي مامات

غلاك الأول
ماتغير لهالحين
مازلت غالي
يابعد كل غالي
مهما نغيب
أيام وشهور وسنين
يبقى رصيدك
بالحشا دوم عالي
لا ماتغيرنا
على العهد باقين
باقين مهما غيرتنا الليالي

ودي أعرف ليه أودك ...؟
ليه من الغالين أعدك ...؟
لـــيــه
أحاول
كل
مره
ألفت أحساسك وأشدك ...؟
ولابغيت أقسى عيا قلبي لايهدك
ودي أعرف بس ...........
وش سر أهتمامي ؟
حتى لافكرت فيك
روحي ترسلك سلامي

لا تفتكر
إذا طالت الغيبه نسيتك
وإذا قصرت جفيتك
إنت
غالي والقلب بيتك

لاقمت اسولف بك
على الناس واطريك
كل تمنى
صاحبه نصف مافيك

أفرح بقربك وأتهنى بملقاك
ويشدني للحب موال الأشواق
أسهر على طيفك وتغريد ذكراك
وأقطف من زهور الغلا كل مالاق
ياشين
بعدك
ياحبيبي
وفرقاك
وياحلو
وصلك
يابعد
كل
الأحباب

أبرسل لك صدى صوتي
بعد ماطول سكوتي
أبنثر لك كلام الحب
وأشيل الورد بكفوفي
وأقول ..

( آآآآآآآآســـف )

على غيابي ياأغلى حب بكتابي
يطول الوقت أو يقصر
تراك ( أغلى أحبابي )

إذا تبون زود ماعندي مانع أكتب لكم

الفيروسه الزرقاء

فيرون الرياض · #6 01/02/2005, 10:14 AM

ايه نبي الله لايهينك

نبي عتب <<< انواع التشائم

احبك حيل · #7 02/02/2005, 07:18 AM

العزيز ( الزعيم عبودي )

العزيزه ( الفيروسه الزرقاء )

العزيز ( فيرون الرياض )

شكرا على هذا المرور الجميل