السلام عليكم ورحمة الله وبركاته ...

لازعيم الا الزعيم ...

الف الف الف مبروك الفوز ... وقبل النتيجة ... المستوى الخطير جدا من الزعيم ...

فعلا .. زعيمنا وهلالنا أثبت أنه الأميز والأفضل ...

وإن شاء الله على هالطريق إلى نهاية الدوري ... ثم الكأس


سامي الجابر .. ساميو ... أثبت لجستينيه ولجميع الناس ... أنه أفضل مهاجم عرفته الملاعب السعودية والاسيوية والعربية ..
ردك بالملعب سامي أحلى

تفاريس ... وش أقول ؟؟ ... أفضل محترف هلالي منذ خمس سنوات أو ست ... ياعيني على الأهداف ... يعني مدافع .. وأهدافه أكثر من أهداف خط الهجوم ... أتمنى شراء عقده ....

مشعل الموري ... نجم صاعد .. أداؤه بالملعب شي خيالي من لاعب صغير ... عنده ثقة بنفسه ... أتمنى من الجماهير دعمه ليكون نجما هلاليا قادما في منطقة الوسط الأيمن ... ليكتمل عقد الوسط الهلالي ...

حسن العتيبي ... الشاطر حسن ... أثبت أن الحراسة الهلالية لاتتأثر بالغياب ... فبوجوده مع الدعيع والبيشي يعطي الأمان ....

أحمد الجري ... أنا مدري وش الاسباب اللي تخليه احتياط ؟؟ مع إنه لاعب ممتاز جدا ..

فهد المفرج ... نستواه في تطور ... أتمنى له الاستمرار على هذا العطاء ...

الخثران ... الله عليك ... ظهير أيسر ووسط أيسر ... وكل شي ... الله يوفقك .ياخثران ويخليك لنا ...

مازن الفرج ...

كماتشو ... مستواه جميل البارحة ... لكن مامسكنا له سالفة ... مرة يبدع ومرة يغيب ... لكن للحق مباراة امس جميلة ..

ديسلفا ... مباراة امس ماسوى شي باستثناء الهدف ... وين الصويلح ؟؟؟

البرقان

الياس ... ... أول مباراة أشوفها له .. بس مو ذاك الزود .... بس يقولون إنه مو هذا مستواه ...

..............................................................................................
لاحظتوا باسم اليامي .... وش يسوي بسامي ؟؟؟؟

حتى سامي يتفاداه كثير من الاحيان ... لاعب خشن خشن خشن ...

اتمنى من رعياة الشباب شطبه من كرة القدم ... ومو بس كذا ... يضربونه بعصا عشان مايرجع ثانية ..

هذا مب لاعب ... قسم بالله يرفع الضغط ... حلاتها من علقه بالصدام ....


....................................................................................


السؤاااااال ......


وش اللي صار بعد المباراة ... ليش لاعبين الاتحاد ينافخون على الهلاليين ...؟؟؟ وش صاير ......؟؟؟
أنا مدري وش سبب المشكلة ... ؟؟؟

ياليت تفيدوني ...


أخوكم ابو ساري ....

ياصديقي مبروك الفوز ةهذا الهلال وهذا سامي دائما يحسدوننا الناس اننا نشجع الهلال وفيه سامي ياحظ الي عنده سامي وبعدين اخوي وراك على دي سلفا سجل هدف و سدد كرتين براسه ردتها العارضه والرجال كانت تحركاته ولا اروع وبعدين من يوم ماجاء للهلال الى الحين كم لعب مباراة وتدري كم سجل اهداف تراه مسجل تقريبا 12 هدف او اكثر يعني الرجال مبدع وحرام التفريط فيه .