رسالة للمشرفين ليس هذا جمهور الهلال؟
 

اولا الف مبروك فوز زعيمنا وعقبال الثلاثية أن شاء الله لكن اللي زعلني وحز في نفسي ماقراتة قبل مبارة الاتحاد وأقرئة الان من تجاوزات من بعض أعضاء المنتدى على نادي الاتحاد وعلى بعض لاعبين الفريق وهذا أخواني المشرفين وأنتم اللي اخبر مني أن هذا ليس من عادات الهلالين ابدا من تاريخ النادي حنا الهلالين مانجرح احد همنا الوحيد نادينا فقط متعودين من نادينا الانتصارات على مدى تاريخ الزعيم وكنا نفرح لفوز الهلال ونزعل لخسارتة ونبكي بعد وطول عمر الجمهور الهلالي كذا انا لي حوالي 15 سنة اتابع الهلال ماكنت اعرف هلالي يجرح احد او يسب ويشتم ليه يسوي كذا مايسوي كذا الا اللي يحس بنقص او غبن وحقد لكن حنا لية نحقد ولية نحس بنقص الحمد لله حنا نشجع الهلال تعرفون من هو الهلال تعرررررفون هذا الزعيم اللي مايغيب عن البطولات دايم افراح الحمد لله كاملين والكمال لله استغرب من بعض الجماهير السب للاتحاد ولعيبتة ابي سبب مالقيت لا ويوصل السب للتجريح وهذا افريقي ومدري ايش يامشرفين حنا مسلمين واهل بلد واحد ماتوصل لكذا ابد الاتحاد نادي كبير وعملاق وابطال اسيا وحنا بعد وهذي كورة لية السب لازم نكبر عقولنا وعقلياتنا اذا كان لاعب فيهم اخظاء لازم نكون اكبر منة ترون ليش؟ لانكم هلالين ياجماعة اللي يشجع الهلال لازم يكون قد المسؤ لية ولاينزل للتفاهات هذي ونكبر عقولنا ونكون اخلاق في الانتصار والهزيمة ارجو من جمهورنا العزيز ان يكون على قد المسؤلية وهذا اللي كنت اعرفة عن جمهور الهلال لكن يمكن بعض صغار السن المتحمسين زيادة بدون سنع هم اللي ينزلون لهالمستوى وانا ماشرة عليهم انا اشرة على المشرفين انتم المسئولين على مثل هالكتابات وهذي التفهات اللي تنزل لازم تدخلون لازم وانا شرهان عليكم لاني اعرفكم قد المسؤلية وتقدمون جهود عظيمة كل هلالي غيور يشكركم عليها لكن عتب محب لكم ومحب لهذا الكيان العظيم مابية ينزل لهالمستويات والله والله اني اتضايق اذا شفت مثل هالكتبات مابي جماهيرنا العظيمة كذا ابيها مثالية ارجوكم وارجو منكم اخواني المشرفين تقديم خطاب اعتذار باسم النادي واسم شبكة الزعيم لنادي التحاد ولاعبينة وتكون المبادرة من عندنا حتى لو ماقدمو هم احنا نسوي اللي علينا غلطنا ولازم نعتذر ارجو ذلك وشكرا لكم اخواني المشرفين وشكرا لكل جماهيرنا العظيمة

والله انك صادق أخي هلالي 91

بعض الاعضاء جره الانفعال والحماس ليقول كلام بذئ ولايمت للنقاش بصله.

أتمنى من زملائي الاعضاء مراقبة الله فيما نقول.

اها بس انت وياه وعن المثاليه .

خلونا نفرح وننبسط . واللي مهوب عاجبه عنده منتدى الملاحظات يكتب فيه اللي يبي ولا لا يدخل المنتدى خير شر

والله انك صادق أخي هلالي 91

بعض الاعضاء جره الانفعال والحماس ليقول كلام بذئ ولايمت للنقاش بصله.

أتمنى من زملائي الاعضاء مراقبة الله فيما نقول.

شكرا أخي هلالي91 على هذة الرسالة المهمة وأرجو من المشرفيين أن ينتبهوا لأن بعض الأعضاء شطح بقوة في ألفاظه

أخوي الذهب يظل ذهب...يالبى قليبك افرح وأنبسط بس بدون مانسب ونتهكم على خلق الله...

وأهم شي نكون زعماء بأخلاقنا..

هلالي 91
بارك الله فيك معك قلبآ وقالبآ0

سامحك الله يادمعة على كلامك أنت ماتعرف وش تقول مسطح شوي أفهم وش أنا أقول صرت أن اللي دخيل على الهلال الله يسامحك أنا أشجع الهلال قبل ماتطلع على الارض بتعلمني الهلال الله يصلحك بس

شكرا أخي هلالي91 على هذة الرسالة المهمة وأرجو من المشرفيين أن ينتبهوا لأن بعض الأعضاء شطح بقوة في ألفاظه

أخوي الذهب يظل ذهب...يالبى قليبك افرح وأنبسط بس بدون مانسب ونتهكم على خلق الله...

وأهم شي نكون زعماء بأخلاقنا..

صدقت اخوي هلالي91 لان فيه بعض الالفاظ والكلمات ما نرضى تكون بهالصرح الشامخ ...

طيب متى الرحلة عشان اجهز اغراضي مازعلت ولا شي بس الواحد لازم يقدر الكلمة قبل لايقولها بس ولا كلنا مع الهلال ويادمعة محنا ناقصين دموع

هلالي 91 : كلام صائب وفي محله تماما، وهو عين العقل. وأنا أدعم توجهك للمشرفين على هذا المنتدى. أما (دمعه) فأنا أراهن بأنك أنت الدخيل (أو الدخيلة) على الهلال . فهل إذا ذكر أحدهم كلمة إنصاف وبأسلوب مؤدب أُخرج من هلاليته وأصبح دخيلا؟. أنا هلالي ولكني لا أكره الأندية الأخرى (باستثناء النصر حقيقة)، وإن كرهت ناديا فلن أنبري لشتمه والتأليب على لاعبيه وجماهيره. ومن يقول غير ذلك فهو إما متعصب لا صلاح فيه، أو من جماهير الأندية الأخرى ومندس في هذا المنتدى، وهم فيما يبدو لي كثر، والله أعلم..