15/08/2001, 08:09 AM
|
زعيــم فعــال | | تاريخ التسجيل: 05/06/2001 المكان: riyadh & dammam
مشاركات: 350
| |
قولوا لي الحمد لله على السلامة اي اكيد بتقولولي حقي هلالي ولا لا
والله ان السفر يا اخوان هلاك وتعب
تخيلوا اني ف 48 ساعة كنت في 4 قارات
استراليا شتاء
كندا صيف
بريطانيا صيف
السعودية اكثر من صيف
طبعا بتقول وش سويت ابقولكم قصة واقسم بالله انها حقيقية
طبعاً انا كنت معظم الوقت في كندا
هناك تعرفت على عائلة كندية من اصل جزائري وفي يوم عزموني على اللي يسمونه (باربي كيو) يعني حفلة مشاوي رحنا بس وصلت هناك طلبت من الام ربة العائلة اني استخدم الانترنت طبعا هناك عادي هذا الطلب لان الانترنت عندهم تقريبا بلاش وكنت بالفعل بحاجة الى ان استخدم الانترنت لانه يمكن لي تقريبا اسبوعين ما قريت اخبار الزعيم
طبعا دخلت وفتحت الموقع وكان معي الاولاد الصغار ومعهم عائلة جزائرية مهاجرة توهم جو كندا المهم كان الخبر في ال(home) حق الرياض الهلال يكتسح نجد بـ 6 أهداف او شي من هذا القبيل
والله يا اخوان ان الاولاد اول ما شافوا كلمة الهلال قالوا
واااااااااااااو انت تشجع الهلال الي يلعب فيه سامي الجابر
طبعا انا مستغرب
هم يتكلمون فرنسي
في كندا
وتوهم صغار
قلت انا اي
انت كيف تعرف الهلال؟
قال من القول حق يوسف الثنيان في الترجي
قلت انا وش رايك انت فس الهلال
والله انه قال بالحرف الواحد : مانقدرش نقول شي فريق يلعب فيه سامي الجابر ويوسف الثنيان ويهزم بطل تونس هذك الايام ماتقدرش تقول عليه حاجه
وانا في نفسي فرحان مب لأني استنى واحد يمدح الهلال
بس لأني بالفعل حسيت معنى الزعامة والعالمية
طبعا انا بعدين فتحت موقع الزعيم وريتهم الهدف
3]و ياريت المشرفين يحاولوا يصححوا التحميل لانه مهو واضح.[/SIZE]
طلعت من الغرفة وجلست مع الناس في الحديقة وكان في ابو الاولاد حقون الجزائر وابو الاولاد الكندين
سألوني
وين تدرس
قلت في جامعة البترول والمعادن في السعودية
انا توقعت انه هذا الجواب الكامل
فقلي هذه اللي في الخبر
قلت له اي
التفت على الجنبه وقال محمد بن فلان يشتغل هناك
فحبيت اني افتح معه حديث
قلت موسى صايب في السعودية
قالي يا خي راح لفريق تعبان ورئيس تعبان
قلت ليه
قال صرقوا على الرجال فلوسه
وبعدين طلع رأيس النادي يقول علينا مرتشين
كانه نحنا يهود محنا عرب مسلمين
والله مع اني هلالي الصميم الا اني قبل هذا سعودي الصميمين ولا احب احد يغلط على اي شخص سعودي حتى لو كان ............. بس بصراحة لما شفت الرجال زعلان وزعلان من قلب يعني تخيل نفسك مكمانه اجي واقول للعابي الهلال وللكيان ترى انتوا مرتشين
بالله وش بيكون ردكم
اكيد واحد بينط من الانترنت ومعه سكين بيذبحني
والرجال نفس الشي
المهم كمل الرجال قال:
اصلا بالسعودية احسن فريق الهلال وبعدين الاتحاد والاهلي والنصر
وكمل الرجال كلامه عن صايب
طبعا هذا الكلام مختصر جدا يمكن قعدنا ساعتين نتكلم عن الهلال والثنيان والمنتخب
بس صدقوني بس تجلس مع ناس يعرفون الهلال خارجيا ويعرفون انك هلال والله ترتفع مكانتك عندهم وتحس بالفخر
اخيرا نقاط سريع
@@@@@@
ليش ما
1- يكون الامير عبدالرحمن بن مساعد متحدثا رسميا باسم الهلال
2-قضية فهد المصيبيح كان عندي فيها راي بس علشان ما تكبر اكبر من حجمها خلن ننسه
3- يكون الامير هذلول بن عبدالعزيزي والامير خالد بن الوليد المشرفين على مفاوضة اللاعبين وتجديد العقود
الامير هذلول رمز الهلاليين
والامير خالد مجبوب من كل اللاعبين
4- يقوم الامير بندر بن محمد والامير سلطان بن محمد بالاشراف على قطاع الناشئين والشباب ويكون المشرف عليها النعمية فنرض الامير هذلول والنعمية خير من يقوم بهذه المهمة
5-يعود خالد بن طلال الى الاشراف على كرة الطائرة فانه والله لا يمكنك ان تذكر الكرة الطائرة الهلالية بدون ان تتذكر سموه
وبهذه الحالة يمكننا ان نعيد لم شمل اعضاء الشرف
والله لن نجد فريق في اسيا او افريقيا يقف في وجه الهلال
وفي الختام
اسف على الاطالة
[SIZE=
اخر تعديل كان بواسطة » salman99999 في يوم » 15/08/2001 عند الساعة » 08:39 AM |