مازال في الهلال أبطال .... ما عدا لاعب الحواري هذا .........!!!!
 

أحب أطمئن جميع الجماهير الهلالية التي لم تشاهد المباراة مع الإسماعيلي بأن مستوى شباب الهلال يشرف وأدء جيمع اللاعبين كل ما هو مطلوب منهم وأكثر في ظل النقص الواضح في الصفوف الهلالية والجميع كانوا أبطال ولكن ومن وجهة نظري أعتقد أن اللاعب (ياسر ألياس) إذا أخذنا المباراة كأول مبارة يشارك فيها مع الهلال وفي بطولة خارجية وأمام الإسماعيلي وفي مصر وأمام حشد كبير من الجماهير المصرية أعتقد أنه بطل المباراة بدون منازع من غير قصور في الآخرين .. ولكن موضوعي عن لاعب أحلف بالله لو نسقه الهلال ما راح يلعب حتى في الحواري واللي قاهرني أنه من براعم الهلال وطالع من المدرسة الهلالية إلا وهو (مازن الفرج) والله هالاعب ما أدري يلعب كورة ولا جالس يفصفص في المعلب لا مهارة ولا تمرير ولا تحرك بدون كورة ولا إلتحام مع الخصم تخيل في (تسعين دقيقة) تمريرة واحده فقط اللي مرره صح في مبارة الإسماعيلي .. والمشكلة لاعب وسط لو شفتوه في مباراة الإسماعيلي كان أو ما تتخيلون بوابة النادي وهذا اللاعب طالع من عندها منسق واللي قاهرني أنه راحمته أهدافه اللي بصدفه مثل هدفه في (الأفريقي) ولو أعيد الهدف مليون مرة ما دخل قول .. ما أحب أطيل ولكن أقول (متى يجي اليوم إللي أشوف هالاعب ماسك الباب بدون رجعه) .. دعائكم معي .

هلا اخوووي شاعر الليل

صدقة والله مازن الفرج ولا لاعب حواري حتي يكون في الهلال


تحياتي

لا تعليق ..!!

أخوي الشاعر ترى أحيانا اللاعب يطلب منه المدرب شي معين لا أنا ولا أنت تدركه لكن المدرب يدركه

كلامك اخوي السم سامي صحيح ولكن اكثر من مره يكون اداه كذا

الواسطة الله يخلف علينا

والله هذا الاعب لو بيدي اطرده طرد تشويت
يارجل ما عنده ما عند جدتي

اعطو ا سداح فرصه

بصراحة لاعبي الهلال ناقصهم الخبرة

وربي ماهي خسارة إذا كانت أمام فريق مرصع بكامل نجومه وهلالنا بصف ثاني

احتراماتي لهذا الفريق ومبروك للفريق ( ياسر إلياس )

شاعر للتذكير فقط( نص لاعبين الهلال من حواري)

وفي منهم من ابدع

للاسف ياليت انتقده صح بس انك تقول لاعب حواري

كل الاعبين كيف بيطلعون الا اذاا كان عنده خلفيه عن الكوره

والخفليه من وين يجيبهاا غير الحواري

والحواري يا كثر ما طلعت لاعبين

وتحياتي

مشكوووور وياسر الياس ان شاء الله يقدم افضل في المباريات القادمة ومازن الفرج لازم يلتفت الى روحة

الفرج في أكثر من مبارة سابقه لاعب لعب جيّد ...


وعطوه فرصه ... يمكن يفيدنا في المستقبل .. صحيح أنه اللاعب الوحيد في تلك المباراه اللي أتشها معي


لــكن يضل أفضل من زميله وشبيهة رونالدينهو الهلال ( فهد المبارك ) <----- مع كامل إحترامي لهذا اللاعب ... إعتزاله عن الكره أفضل له

باكيتا منحه فرصه ثنتين ثلاث .. لعب مع نجوم كبار أمثال سامي والدوخي والشلهوب وألخ لــكن مافاد فيه ولا طور من مستواه


فالأفضل تقليعه ... أو خلوه خارج القائمة يمكن يفيدنا في المستقبل أو المباريات الودية ويمكن يتعدل وأذا تعدل رجعوه ذاك الوقت


لــكن الفرج أغلب مشاركاته في البطولة العربية ... ولو رجعنا لمباره الإتفاق اللي فاز فيها الهلال في الدوري كان الفرج هو اللي يستحق أنه يلعب بدل المبارك وكان أدائة جيد جدا



وعطوا سداح فرصه .. زي ماقال واحد من الشباب ردهم فوقي :d


في أمان الله وآسف على الإطاله

والله انه يرفع الضغط والسكر وعلى فكره هو من اللعيبه اللي أخذوا فرصتهم لكن مافي فائدة

ياسر إلياس لاعب مقاتل وجيد وأتقد أنه أفضل بديل للدوخي ..

أما الفرج أستغرب وجوده في الهلال ..